放工出左去深水埗德祥睇下好咩o岩買...都幾多款喎...終於買左 d 花仔...絲帶...裝飾品...不過買唔到我想要既 lace同埋黑布...
之後去左金都...今次係拎左對大口仔大口妹中式公仔去改為西式公仔...呢套係333送比我架...嘻嘻...真窩心...佢真係對我好好架!! 話說我之前響網度徵求大口仔一對公仔...佢幫我出去睇呀...見到呢對大公仔就買左比我...仲話諗住比個驚喜比我添...點知我自己一早已買左...哈哈~~~ 不過無所謂啊...我仲開心呢...原本都心思思...想買多對黎改西式...而家 333 送比我...一來唔駛比人哦我浪費金錢...二黎更見証到友情啊...哈哈哈~~~ 所以我應承333...我會將佢地扮到好靚...仲會帶佢地同我地一齊影婚紗相添...
真係好開心。。。之前問過花得囍做禮服幾多 $$ ...佢話要500幾...仲要等到八月先可以取貨...oh...唔得...我五月要影相喇!! 之前行金都...見有幾間都幫人整呢d衫...問過下都係 400 幾...公仔衫仲貴過狗狗衫啊!!!!!
決定搵美塋坊幫我造...基本禮服300幾...不過我想要大口仔著黑色禮服...襯番阿B夜晚既禮服嘛!! 而且仲加多件閃閃背心...好型呢!! 女仔就要 lace 裙...加皇冠送珠鍊...埋單400幾...仲貴過對公仔 @@~~
好多謝 333 呢~~~ ^__^
沒有留言:
張貼留言