2012-10-06 地獄版的皮革筆袋班

十月頭 (6/10) 的星期六...我地一行六個茅利又去玩皮革...

不過呢間鋪係去深水埗某商場內的商場仔...

即係好細間...  (大家係咪應該估到邊個商鋪呢?!)

雖然心目中大概知道鋪面有多大...但係去到真係覺得好細間囉...

更甚係..我地已經有六個人啦...以為只得我地六個上堂...其實已經覺得好迫了...

點知坐低之後...叫我地要坐埋D...仲有人會黎...我地已經你眼望我眼...大家已經話: 唔係丫嘛...仲有人黎...?!

之後黎多兩個又兩個...即係總共有十個人一齊迫響呢個一百尺唔夠鋪仔內...!!!

每人的位置只係一個 A3 大的 CUTTING MAT ... 大動作D都會撞到隔離...

各人的背部已貼到牆身了!!  手爭都會撞到牆...!!

可以想像得到有多迫嗎?!  迫到我都影唔到相...朋友們都無心機影相...!! 

而且一開始已經係咁催催催...明明我地係買左整筆袋 / 化妝袋的 COUPON...

我地當然係想整佢幅圖個款架啦...又同我地講整呢款會唔夠時間...?!

咁你又賣呢款既 COUPON????? 

明知整唔晒...仲要貴D架喎!!!  咁即係明呃人啦下?! 

另外一款簡單既...個樣實在好唔得...所以我地一致學番樣版的款!!!! 


既然明知我地時間唔夠...又唔準備好D材料 & 工具...各方面都好浪費時間...!! 

臨尾仲串我地早到左...都係五分鐘左右之嘛...有幾早呀?! 

而且我地黎到係響度等架咋...完全未開始整架!!!!


最搞笑係...我地見到 D 皮時...覺得有點怪味...

咁好自然係聞下啦...主辦人見到...

即刻對我地講: " 放心喎...!!  我地咁大間公司...點會用假皮...全部係真皮黎架!!"

我地個個聽到佢話 " 咁大間公司"...真係覺得超搞笑囉...!!

係佢自大定係根本唔知其他有多大呢下?!  @@~~~

都未笑D皮係真定假...咁我又唔多識分啦下...

只係見到有D皮痴左層好明顯係膠既野響度.......

D 皮又怪怪地味咁囉...... 我只係覺得就算係皮...都唔係好皮囉...!! 


響極度混亂的情況下...開始要同時間競賽...

但係我地呢度十個人...係分別整六個筆袋...兩個証件套...一個整拖鞋...仲有一個唔記得佢整乜了...

究竟佢地教得邊樣呢?!  好多時有問題要等等等...好浪費寶貴的時間囉~~~~!!!


因為呢度係商場仔...當然唔比你用鎚仔咁嘈...要用一D 機器幫手打孔...

不過又唔夠機...又要等等等....... 終於...當然無人做得晒啦~~~~~~!!

唔可以繼續做架喇...!!  要比錢加鐘的...$100 / 半個鐘架!!! 

我諗比多一個鐘都未必完成到...咁咪要加 $200 囉...係每人啵!!!  傻架咩~~!! 

我地男既女既都做到無晒表情...而且都無乜心機...

講真...個筆袋同佢宣傳既樣...都唔同既...!!!!!

條拉鍊都係求其縫埋...只係未縫合兩邊...

所以拎到返屋企...見得閒就襯熱縫埋佢...費事放響度...!!

至於阿B嗰個...而家仲放左響度吸塵...仲話幫另一朋友縫埋...?!

佢張 " 支票 " 都唔知幾時兌現囉...嘩哈哈~~~~~~~~~~~~~~~~~~~~~~~~~~~~

條拉鍊好鬼雞...仲要我地加 $15 ... 真係好搵笨...!!! 

我未縫上去已經成日爆拉鍊了...又CAKE CAKE下...

條拉鍊收到咁貴...有點無良心...嗚嗚~~~~~~~~~





點解呢篇叫 " 地獄版的皮革班 " ...?!  因為事隔一個星期 (下一篇會講)...我地去左另一處玩...

響嗰間真係玩得好開心...阿SIR教得又有HEART...教得又好...又唔催人走...又講得笑...地方又闊落...!!!

真係天堂與地獄的分別...!!!!

真係唔明...大家都係搞皮革藝術...都係開班教人...點解會差別咁大?!