第一次整咭比 Mr. Giggs!!!!

大部份香港人都對英國波有情意結...相信好多都係紅魔鬼曼聯的球迷...

好耐好耐以前...響電視被一個鐘錶廣告吸引...

鏡頭出現左個頭髮鬈鬈幾靚仔的鬼仔響度踢波...

唔記得點解會知道佢個名叫 " 傑斯 "... 有個綽號叫 " 風之子"...

之後曼聯黎 HK... 某信用咭仲賣有球星俏像的電話咭 & 精品...傑斯係其中一位球星...

我托人幫我買左兩套...一套係傑斯的...

另一套係曼聯隊的 (其中一張相係簡東拿, 碧咸及傑斯, 還有一位...我唔記得左了)...

亦買了一隻簽滿曼聯球星簽名的杯給朋友作為生日禮物 (佢係鍾意簡東拿的)...

到好後黎 (都十多年前)...認識了一位朋友...佢原來鍾意到傑斯不得了...

所以最後割愛...送左套電話咭比佢...!!

呢位朋友去過好多次英國尋傑斯...相信傑斯都會對佢有深刻的印象...

每次佢都會為他準備一份禮物...而今年佢決定集 39 人整一本相簿比傑斯作為39歲的生日禮物...!!

很有幸...我被邀請為其中一員...當然...相比其他人...我對傑斯的認識有限...資歷大概是最少的一位...

不過我很樂意弄一張心意咭加入相簿內...以及借工具及給有限的建議比呢位朋友...

朋友因為整呢本相簿...都開始漸漸被 scrapbook 既毒性浸染...嘩哈哈~~~

距離出發日子唔夠一個月...一直都想搵d 關於足球既貼紙 ...最後響淘寶搵到...

但係遇上國慶黃金十日...搞到一直都運唔到黎 HK...所以一直都整唔到份野出黎...!!


早兩日...所有材料都齊全...搵左兩張相 ... 就開始整呢張心意生日咭了...!!

朋友鍾意 Vintage Style...哈~~~ 其實佢鍾意 Distress ink 整出黎既效果...佢叫做 " 掃掃掃 "...

好搞笑...之前佢以為係用火黎燻黑d邊... 

所以呢張咭就試用 vintage style 黎整啦...其實...我都係第一次咁整咭~~~

因為版位有限...所以每個人只可以估有 A5 的版面...

於是我揀左張 A4 size 的 pattern paper ... 上面有我喜歡的熱氣球...有玫瑰花及郵戳...

其實張紙本身已經好靚...我只係響上面加下野點綴下...

將兩張相 cut 個型出黎...哈~~~ 我揀左張細細好似笑緊...又樣衰衰既相...

由佢黎同傑斯講: "Happy Birthday " ...夠可愛啊...heehee~~~~

張心意咭仔...最後用中文字寫...哈哈哈~~~~~~~~~ 阿B話外國人好鍾意中文字架!!

特別係佢地既名啦~~~~~~ !!  我無寫埋英文出黎呀...

因為...如果佢想知寫乜...佢應該會去問人掛...呵呵~~~

整呢張咭其實都唔駛一個鐘...@@~~~ 希望收到會鍾意啦...

D 貼紙立體架...不過影出黎唔覺...@@" 

張咭打開後可以見到心意咭仔~~~

整緊咭既途中...家中的小狗又不甘寂寞...成日望住我...又扒響我腳下面...

所以整完就比佢過下目...睇下有無野要執漏...佢都有份參與架嘛...!! 

睇完佢話 OK...仲響上面蓋左個腳印...批閱完成...!! 

任務完成...希望到時朋友會一切順利啊~~~~~~~~~~~!!!

我都期望睇到傑斯收到佢整既相簿的表情架~~~~~~~~~~!!!  加油啦~~~~

我知佢而家好努力制作緊...仲整得幾靚添架...!!! 

傑斯收到呢份心意...一定超開心架!!! 

哈哈~~~其實審批過程中...阿細係非常唔耐煩...成日用頭仔黎推開張咭...

一係用張咭黎托住個頭...影親都望向第度...!! 

睇下佢個樣幾無奈...其實佢想我抱佢落樓下搵阿B呀~~~!!

佢知道阿B響樓下整緊單車架囉~~~~~~~~~~!!!!

呢排小狗精神番好多了...又開始百厭番...佢訓少左好多~~~

又食多左野...而家體重都重左好多了...!!

過多兩個星期就會再抽血睇報告...希望有進展啊!!!!!!!!!!!!!!!!!!!!!!!!!!!!!!!!!!!!!!!!!!!!

細細~~~~~~~~~~~~~~~ 叻D呀!!!!!!!!!!!!!!!!!!!!!!

呢張相我覺得佢好搞笑...當時係佢賴左尿呀!!!

阿B發覺就鬧佢...佢其實知道自己做錯左...

所以一聽到阿B出聲...就雞咁腳走黎後面...想我保護佢...

不過做錯事一定要罰啦...阿B打左佢幾下PAT PAT...我有叫佢唔好打啦...

之後叫左細細上個廁所度罰坐訓話...佢真係好乖坐定定...個樣超搞笑...!!

一聽完阿B訓教...又雞咁腳跑番出廳玩...真係好似個百厭仔咁...無時停...!!