2012-10-15 舊曆三週年...hahaha~~

今個月中 (15/10) ... 我地去左 Mr. Steak 食大餐...!!

呢間雖然好細間...環境普通...不過食物質素都唔錯啊...

但服務水準呢...就有待改善了!! 


阿B好搞笑...發現呢日係我地舊曆結婚三週年紀念日...!!  (我真係唔記得舊曆係邊日黎...!!)

所以佢就話呢餐係慶祝舊曆紀念日...!!  好即興...HAHAHA~~~   (一貫作風!!)


今餐食乜野..?!  睇下啦~~~~~~~~~~~~~~~~~~~~~~~好豐富!!!




< 1 > 星級凍海鮮盤 (阿拉斯加香檳蟹腳, 法國翡翠石螺, 太平洋海灣蝦, 新鮮青口)


即係簡稱蟹腳, 螺, 蝦, 青口...!!   

賣相都唔錯...

蟹腳好大隻味道鮮...螺爽口...蝦好普通...青口我無食...阿B話一般般...!!

D 螺好大隻下~~~~

< 2 > 蘇格蘭煙三文魚野菌周打 加 麵包 >

D 名我係照 MENU 打出黎...哈哈哈~~~ 咪笑...!! 

即係周打魚湯...

味道香濃...唔錯...唔錯...!!

< 3 > 香煎法式鴨肝伴蜜餞蘋果

D 蜜餞蘋果呢...好細堆...唔通貴過舊鴨肝...?! 

因價就貨啦...所以係鴨肝...不過都煎得好香口啊...加埋多士食...正~~~ 唔油唔膩!!

< 4 > 火山石烤 " 聖凱倫牧場" 黑安格斯西冷牛扒 (12安士) 配 普羅旺斯燴菜及香草牛油燒薯

黎到主菜喇...我地初時以為係兩人食 12 安士西冷扒...

點知係每人 12 安士...塊扒大到丫... 其實食左上面既野...都已經五成飽了...!!

扒我地叫左七成熟...我嗰塊好D...軟身又好香...阿B嗰塊就比較多筋...難切D...

而且提供既刀真係唔多適合据扒用...真係令人奇怪...!?

整體黎講...塊扒味道真係幾好...好香...好味!!

< 5 > 餐茶 (本來係兩杯紅酒 / 白酒 的...不過我地唔食酒鬼...所以蝕左...哈~~)

一杯奶茶...一杯咖啡...

< 6 > "英國威廉王子至愛甜品 " 皇室果仁朱古力餅伴野草莓醬

呢個名相當之長...前面引號嗰句...真係幾多餘下...!!

賣相都OK靚架...

但係...威廉王子鍾意食又同我地有咩關係?!  件野好食先得架嘛...!!

其實D果仁相當硬下...咬左好耐先咬得開...!!

食甜品食得咁辛苦...?!  王子原來有癖好~~!!

呢餐我地食得幾耐下 (同我地平時既速度相比)...

因為係食完一道菜才會上第二道...其實咁先好...

唔駛D食物灘凍晒...你地知架啦...我地又要影下相...又要搞呢搞路...

凍左就影響味道架嘛...我地又衰成日彈呢彈路 (即係比唔起錢又要最好既質素)...

呢位屋企人...呢日有野上身咁...整鬼做怪...!!

三週年喇...成熟D啦~~~~~~~~~~~~

呢餐貴得黎...都幾值...因為食得開心...哈哈~~~~~~~~~