2012-10-13 天堂版的皮革寵物頸帶

講完 " 地獄版的皮革課程 " (見上一篇)... 可以講番 D 開心既事...!!

呢篇講 " 天堂版的皮革課程"...



上個星期六 (13/10) ... 我同阿B兩個去左整皮革頸圈送比細細...!!

呢班我個半月前已 BOOK 左...阿SIR極好人...之前我地都黎玩過一次的了...!! 

阿B個 NOTE CASE 都係響呢度整...不過用左一陣就甩左個扣...

不過阿SIR話可以隨時拎番上去免費整番...!!  VERY NICE AR!!!! 

阿SIR仲好人到...幫阿B搵番一模一樣的紐幫佢釘好添呀!!!!!! 


仲有一樣好...其實呢個團購最後唔成團的...已經退番錢添...!!

但BOOK左時間...阿SIR又比我地繼續以團購價黎玩...!! 


呢度有兩張大檯...每個人都有好充足的空間可以整野...

而且工具都好齊全...唔駛下下要問...下下要等工具用...!!!  VERY GOOD AR !!!!!! 


阿SIR之前一日再打比我 CONFIRM 要咩色 & 長度...

不過最後阿B改左要第隻色...佢都無依依哦哦...勁好人...!!  咩都無所謂~~!!

 

今日我係唔多舒服...已經病左一個星期了...唔係咩大病...只係喉嚨勁痛...少少傷風...

所以今日做到錯漏百出...勁搞笑...成日遊魂...阿SIR睇少陣都出事...

一時CUT錯野...一時又漏左個扣未放入去就縫埋D線...搞到阿SIR要幫我拆線...

之後打孔又預位錯左少少...阿SIR 要幫我再打過...@@~~~

搞到D同學仔都笑我...錯左一次之後自信心變得超低落...HAHAHA~~~

平時已經手腳慢既我...呢堂更加慢...另外兩位同學已經完成左...

我仲響度穿緊針...!!  @@~~~~ 仲要唔成功要阿SIR出手相助...!!!

而阿B就玩得好輕鬆...基本上阿SIR都唔駛理佢...任佢發揮...

佢仲整D特別 PATTERN 黎穿線...!!  佢做得咁複雜都快過我好多丫.....................!!!!!!

個個人都整完...我仲響度 HEA HEA 下... 當然...因為我間中要影下相...拎D野黎玩下...

哈哈~~~ 我拎左阿SIR其中一條 SAMPLE 戴黎影相啊...!!

個樣超衰...所以唔POST得出黎...哈哈~~~~~~~~~~~~~~

呢兩條係阿SIR整既 SAMPLE ... 我同阿B都無揀到蝴蝶結...

因為驚阿細戴左頂住唔舒服...!!

阿B既完成作...整體上...佢呢條靚過我嗰條好多......><"

橙色呢條係我整既...只係簡單聯一行線...仲要有少少斜斜地...@@~~~~

一拍埋...好明顯佢條靚好多...同學仔兩母女都話佢整得好靚~~!!



同學仔兩母女整的...都好靚架...又有心思...個貓貓名用大少楷...好特別呢...!!

同學仔想再整多條手帶比佢細佬...本來佢話拎材料返去整...

因款式簡單...阿SIR話十幾分鐘可以搞惦...叫佢整埋...

我當然加把口叫佢整埋先走啦...哈哈~~~可以陪我整野...咁我無咁異相丫嘛..!!!

之後仲叫阿B不如一齊整埋 (送比我)...哈哈哈~~~~

阿SIR叫阿B自己 CUT 皮...@@~~ 好放心咁...!!

真係好快手啵...!!  哈~~~~就係咁...我就有條新手帶喇!!!!!!!!!!

零食達人仲笑我...話我呢條都係頸圈囉...!!!  口亨...!!! 



呢堂我地玩到超晒時...由三點半玩到七點呀...阿SIR都無催過我地...

一步一步慢慢教...比足時間我地完成...遇到問題又幫我地好認真地解決...

唔係求其應酬我地話無得救呢類說話...怪唔得佢 FB 話為左賺既係 HAPPY MONEY...

所以不惜一切開左呢間鋪...!!  我都相信佢勁有HEART架~!!!!!


我仲問左佢...如果遲D約埋其他朋友去整袋之類既其他野...

佢話無問題...可以自己諗款...而且個個整既野唔一樣都得...

而且仲可以唔駛一日內完成...佢話有人試過上去五次先完成...!!

真係非常之好囉...唔好求其叫我地整得核核突突咁走...!!

我心目中想整相機袋仔...因為睇極都唔啱款...想自己整個獨一無二的...!!

本來都想整銀包比屋企個男人...不過佢要求好高...而且我實得無佢咁靚...

費事佢嫌三嫌四多多野講...HAHAHAHA~~ 要整佢自己整啦...!!

拎到返屋企...梗係比細細試戴下啦...!!

嘻嘻~~~ 好啱身呢...!!  下個月可以拎埋去影相...!!!

唔知阿細鍾意邊條多D呢...?! 

(其實佢都唔知發生咩事...只係知...我係咁用相機對住佢...叫佢唔好郁 @@~~)





好耐無比細細戴頸圈...而家帶番呢條...成日響...好嘈不過佢好似好鍾意戴..!!!

近黎佢活躍番好多...希望佢繼續KEEP住...繼續食多D野肥多D...!!!!!!