不過九月中時...小狗細細突然有重病...所以要取消旅行...留在港照顧她...
但我無失望到...因為陪在她身邊更開心...所以小狗...你要繼續努力加油啊!!!
依舊返左工...lunch 去左食西餐慶祝...哈哈~~~
響火炭黎講...食西餐係好豐富又富貴 (Lunch一個餐要五十蚊...@@~~~)
呢間其實食物好普通...不過杯咖啡就好得...!!! 阿B最BUY~~~!!
夜晚...之前一日阿B問我想食乜...
記得上年生日...好搞笑去左三門仔搵海鮮食...
但係搵極都無...最後去左大尾篤搵野食...相當搞笑加難忘...!!
上次見到唯一有間餐廳在裝修緊 (興建緊?! ) ...
所以決定去搵呢間餐廳試下...!!
其實我地都唔知呢間係食乜...只係想響呢度食...
所以上網 search 左就 book 埋...!!
去到見到門口的格局就知係食中餐了...
零食達人好奇怪我地食中餐慶祝...哈~~~有乜所謂?!
至重要係身邊一齊食嗰位嘛!!
呢日可能係平日...所以人流好少呀...我地揀左室內食 (因夠光方便影相...
)...基本上成個廳係我地包左咁...因為得我地一檯人...
其他人都揀左室外有風味d... 呢度裝修都幾靚架...!!
我地叫左紅燒翅...哈~~~好似去飲咁...!!
噓...咁呢日都算係喜慶日子丫嘛...!!
我地兩個傻人...黎到三門仔出名食海鮮...居然無食海鮮...食小菜?!
我都覺得我地係相當妙 (奇怪?!) 既人黎...!!
味道唔差架...不過價錢就.......好明顯係做遊客生意...即係貴貴貴+++!!!
三週年快樂~~~~~~~~~~~~~~~~!!
簡簡單單食飽飽...要返屋企同細細一齊慶祝喇~~~~~~~~~~~~~~~~~~~~~~
每年的紀念日...我都堅持訂蛋糕...無得解...
今年同阿B一齊去揀...一齊去訂...原本想訂b仔蛋糕 (之前買過黎試食..)...
不過最後揀左樣靚d既龍島...放棄左簡約的b仔cake......
唔緊要...遲d總有一次我會訂...嘩哈哈~~~
我發覺多間蛋糕師傅 d 字呢...真係好有改進既空間...
其實成日寫架啦...點解仲生手過我既呢...?! @@~~~
哈~~~ 阿B揀的心心蛋糕...係芒果楊枝金露味...
嘻~~~呢隻係我鍾意但佢就麻麻既味道...
多謝晒就我啊...呵呵呵~~~~~~~~~~~~~~~~
阿細呢期動作多多...唔肯坐定定...所以要係咁影係咁影...
哈哈~~~不過都捕捉唔到佢正面啊!! (佢好識避鏡頭...!!!)
好開心的三週年...!! 時間過得真係好快呢...唔知四週年會係點既呢...?!
阿細~~~記住你應承過我d乜架...!!! 唔准反口呢~~~~~~~~~~~~~~~
三週年快樂~~
回覆刪除三週年快樂~~!!!!~~~你慶完就到我啦~kekekek~
回覆刪除