Facial

今晚去又一城做 facial...響呢度都做左好幾年...不過我唔係好勤力咁去做...咁耐買過兩個 course ...即係有時一個月都做唔到一次...皮膚敏感o個排仲停左幾個月有多...所以對我都無乜特別效果...特別係對眼~~ 其實join黎都幾浪費呢!!  好在我皮膚都算OK...唔係成日出暗瘡...又無乜斑紋...Connie成日讚我皮膚好呢...heehee~~

呢間都唔平啊...我 join 面部護理同眼部護理...幾千元啊!!   差唔多六百元一次呢...!!  不過呢度環境乾淨舒服...一間大房得我一個用...又有音樂聽...而且係用機做...不過用人手按摩...但係好舒服...有時我會按到訓著教~~ 而且呢度從來未試過sale我其他產品!!  我覺得最安心囉...唔駛成日比人煩呢!!

不過因為貴啦...所以想搵第間黎試下...本來想搵 mua 大S 既...不過佢話響佢屋企做機...又要去荃灣...雖然係平...不過又驚佢比較無咁細心...所以都係放棄啦!!

不過以我懶慣又安於現況既性格...今日都係續 join 多一個 course 喇!!  又無左幾千蚊喇!!!!   我已經同 Connie 講左就結婚啦...會勤d黎做 facial...不過呢度有時都幾 full ...唔知可唔可以每個星期都黎做呢?

MC

今晚約左個 MC 響沙田見面...其實之前已經搵左幾個心水既...不過而家原來D MC係好搶手既...所以全部都比人 book 晒 lu...

阿B心水本身係男 MC...可能覺得會好 D...而且想一男一女...不過最後我地既選擇係一個女 MC... $1,800

原來佢都係就黎結婚呢...明年一月...哈哈~~ 真係恭喜晒丫...!!

希望當晚既氣氛會搞得好D啦~~~唔想悶親 D 客人呢!!  而且希望有個人幫我地安排分擔下D工作...

其實好多人都會搵番D兄弟姊妹做...不過又唔想太麻煩佢地...所以都係決定搵人做啦...希望唔駛煩~~~

越黎越發覺做結婚呢行既生意幾好搵...真係有D想轉行!!!!!

又換花球

阿B話拎番去花鋪度叫佢搞番惦...所以我地今晚又上去...老闆早有準備...拎埋我上次換的花球黎做對比...仲拎埋尺出黎度個直徑比我睇...無錯...直徑係一樣...不過唔圓呢...而且D花短左咪感覺細左囉...佢仲數白色玫瑰比得睇...話比上一個多左朵添...不過我訂既係黃橙小牡丹啵...又唔數埋D小牡丹?!  姐姐...白色咁大忽...而且花與花之間覺得好多虛位...所以咪覺得整體上唔靚囉!!  而且個底仲露晒D膠紙出黎...!!  佢見我地咁堅持...就話只有塞多執綠花花落去迫番實D花...不過要留底個花球...其實我都無mood無氣同佢講喇...我話是旦...之後佢仲話佢公司用既係靚料...而且個個花球係要自己郁鬆d花呀葉呀...整番靚d個型出黎...!!  仲響我面前整添...不過佢郁左都係唔靚丫...!!  姐姐...我又唔係做呢行...你交貨比我...我拎上手覺得唔靚要自己郁?!  係咪要咁先?!  我而家唔係黎學整花球喎!!  我真係唔識囉...!!   之後佢又話金都呀...繽紛呀o個d仲整得求其添...我都知你係整得靚...如果唔係我當初做乜揀你呢?  只不過你真係達唔到我要求喎...可能我唔好彩啦...但係你既態度令我好反感囉!!

我已經決定搵第間做真花球!!!!!!!!!!!!!!   點貴都比!!!!!!

***

第一幅係今次既花球...第二幅是上次的花球...對比下...係咪無咁圓呢?!  ~___~" 

 

溫馨選戰衣 (Part 2)

選中兩件後...對這間公司開始有了很大的改觀...都唔係無衫揀既...不過真係要去親自揀啦...因為sales根本好難了解自己有乜心水...自己睇o岩隻色再試就ok好多!!

可能睇過下 Princess 同埋紫水晶 o個 d ...都係大概呢類款...公主式...um...幾廿歲仲扮公主...哈哈~~ 不過我又受到呢類...太成熟的反而唔係咁o岩我呢~~!!

都可以考慮下 couple 囍揀唔到都可以返黎呢度租埋o個件...心目中是紅色 for 敬酒...不過我想係件特別 d 既...希望 couple 囍 o個幾件我可以 carry 到就好喇!!  而送客我會揀 A-Line 款...應該會是那件淺金色 A-line 縛蝴蝶的裙...個型幾靚又夠簡單呢!  而仲有件外影婚紗就要再看看...之前hold的那件雖然好看,,,但又似乎較簡單太無款了...

***

我選完之後...輪到男主角了...他會選一黑一白...妹妹仔拎出黎d款都唔算太差...比想像中好...起碼唔太似唱金曲咁閃到爆...先選黑色的...先試褲...阿B近來瘦了呢...要轉條細少少的...不過阿B話可能自己買過條...佢始終唔太鐘意響側邊較位...

之後再著件背心...我地猛笑話似魔鬼魚...真係幾似架...笑到丫...不過最後佢居然覺得呢件著得貼服D...@@!!  再試褸款...無乜特別咁...不過有D明顯著左好似矮左...有D又似衣不稱身...試了件灰色的又麻麻地...始終呢隻色會著得個人好老又土...終於揀了件簡單的...小企領...領邊至衫邊圍了水晶石...簡單得黎都有D閃...而且FIT身D...係背後開叉位麻麻地...不過後來才發覺件件後面都係咁的...終於就揀了這套啦..用魔鬼魚款既領巾~~ 哈~~過程都唔駛15 mins~~ 呢件無偷影呢...因為附近有 sales...不過條領有幾處已披口...sales姐姐問了改衫姨姨話可以成條換條新既...到時一定要睇清楚先得!!  質地類似黑色絲帶 "閃靚靚" 咁既...

跟住再試白色的...有d很殘呢...有d起左鏡...有d太大件...而且無得試埋白褲...其實都試唔真既..個 sales 話襯黑色都 ok...um...我就覺得無咁好咁...

d款有d都 ok既...因為出面租o個 d 都類似...可能只是質地好少少...不過我對阿B呢方面都有信心...佢知自己適合乜架喇!!  終於佢揀左件有d暗金線 (叫做沙金)...襯我套褂應該都幾好睇...而且幾 fit 身...佢著修身d會好d...無顯得咁矮嘛!!  之後揀背心...其實佢試左幾件都ok既...不過要佢自己先知邊件會著得舒服 d...終於揀了件類似腰果暗花的...清清地都ok...今次領帶揀了豬腸tie...幾好睇喎!!  兩件有唔同視覺效果啦~~

阿B雖然個子不高...不過佢著起西裝都幾好睇架!!  之但係佢又唔太鐘意平時著得咁斯文...所以成日返工都係牛仔褲 T-skirt啦!!

***

之後到伴娘試裙了

終於 confirm 左條長裙~~~真係幾好睇架~~

試晒package既衫...如果再返黎join多件就加 $600...如果要件拖尾加多 $500 都比 couple囍平...睇下o個邊揀唔揀到先~~婚紗呢度就多款dd...o個邊既 EG就特別D既!!

總括黎講...今次揀衫過程都幾愉快...係初時有D不知所措...特別係件婚紗...其實我仲想試其他的...雖然唔太差...不過始終著起我無"叮"一聲既感覺囉!!  不過算啦~~ 到時應該OK既...只要瘦多十磅左右...應該到時著咩都會好睇D啦!! (發夢......)

溫馨選戰衣 (PART 2) (朋友限定)

選中兩件後...對這間公司開始有點改觀...都唔係無衫揀既...不過真係要去親自揀啦...因為sales根本好難了解自己有乜心水...自己睇o岩隻色再試就ok好多!!

可能睇過下 Princess 同埋紫水晶 o個 d ...都係大概呢類款...公主式...um...幾廿歲仲扮公主...哈哈~~ 不過我又受到呢類...太成熟的反而唔係咁o岩我呢~~!!

都可以考慮下 couple 囍揀唔到都可以返黎呢度租埋o個件...心目中是紅色 for 敬酒...不過我想係件特別 d 既...希望 couple 囍 o個幾件我可以 carry 到就好喇!!  而送客我會揀 A-Line 款...應該會是那件淺金色 A-line 縛蝴蝶的裙...個型幾靚又夠簡單呢!  而仲有件外影婚紗就要再看看...之前hold的那件雖然好看,,,但又似乎較簡單太無款了...

***

我選完之後...輪到男主角了...他會選一黑一白...妹妹仔拎出黎d款都唔算太差...比想像中好...起碼唔太似唱金曲咁閃到爆...先選黑色的...先試褲...阿B近來瘦了呢...要轉條細少少的...不過阿B話可能自己買過條...佢始終唔太鐘意響側邊較位...

之後再著件背心...我地猛笑話似魔鬼魚...真係幾似架...笑到丫...不過最後佢居然覺得呢件著得貼服D...@@!!  再試褸款...無乜特別咁...不過有D明顯著左好似矮左...有D又似衣不稱身...試了件灰色的又麻麻地...好似變得老左咁......終於揀了件簡單的...小企領...領邊至衫邊圍了水晶石...簡單得黎都有D閃...而且FIT身D...係背後開叉位麻麻地...不過後來才發覺件件後面都係咁的...終於就揀了這套啦..用魔鬼魚款既領巾~~ 哈~~過程都唔駛15 mins~~ 呢件無偷影呢...因為附近有 sales...不過條領有幾處已披口...sales姐姐問了改衫姨姨話可以成條換條新既...到時一定要睇清楚先得!!  條tie 質地類似黑色絲帶 "閃靚靚" 咁既...

網上借來別人的相片...阿B的黑色禮服類似款...不過個袋應該都有閃石的...而且...當然是阿B穿得較好看了...而裡面也不是這些配件...哈哈~~

再試白色的...d衫 有d很殘呢...有d起左鏡...有d太大件...而且無得試埋白褲...其實都試唔真既...個 sales 話襯黑色都 ok...um...我就覺得無咁好咁...

d款有d都 ok既...因為出面租o個 d 都類似...可能只是質地好少少...不過我對阿B呢方面都有信心...佢知自己適合乜架喇!!  終於佢揀左件有d暗金線 (叫做沙金)...襯我套褂應該都幾好睇...而且幾 fit 身...佢著修身d會好d...無顯得咁矮嘛!!  之後揀背心...其實佢試左幾件都ok既...不過要佢自己先知邊件會著得舒服 d...終於揀了件類似腰果暗花的...清清地都ok...今次領帶揀了豬腸tie...幾好睇喎!!  兩件有唔同視覺效果啦~~

用 i-phone 偷影了呢...heehee~~ 我覺得白褲會好d...

阿B雖然個子不高...不過佢著起西裝都幾好睇架!!  之但係佢又唔太鐘意平時著得咁斯文...所以成日返工都係牛仔褲 T-skirt啦!!

***

之後到伴娘試裙了...其實一直有點擔心...因她時常聽佢同事講...話佢應該要著d短裙仲要好短o個隻...um...你著到咁短點幫我整理裙腳呢?!  點方便做野呢?!  其實佢怕人地話佢老就真...唉...其實有乜所謂丫...把口o係人度要點講由佢囉!!  而且佢平時都唔著裙既...我和阿B當然唔想佢著咁短啦...驚佢出醜咋!!

試左幾條短裙其實有兩條都OK...裙腳到膝頭...不過佢又話要膝上幾吋...OMG!!  ~_________~"  其實到膝頭哥都已經係最好睇最大體既一個長度...而且加上高跟鞋...都唔會顯得矮啦!!  不過佢又要信佢同事之嘛!!  妹妹仔sales都話咁短會唔方便啦!!  而且雪紡根本改唔到添...

終於試下D長裙...可能長裙 details 位多d...而且遮左佢條腿...因佢條腿又瘦又乾...膝蓋好烏卒卒呢...而且佢腰太短...佢著短裙唔好睇...!!  今日先發覺原來同學仔既下圍都擺得四圍酒的...盆骨好大...身形有少少不合比例~  所以著短裙佢只會更矮啦!

不過我覺得佢因為唔好意思出聲...見阿B同我都覺得佢著長既好睇...所以就confirm了!

其實都幾好睇丫...

不過第二天...她打電話比我...問條裙係咪真係好睇...我感覺到佢好似其實唔係咁like條裙...而且仲負氣地話由早著到晚...一定跴到條裙好烏糟...咁即係點呢?  威脅我??  唉...所以為了安撫佢...唯有話好似其他姊妹咁...送一條短既 for 佢朝早著啦~~~ 唉...又叫我唔好駛咁多錢響d姊妹度...但係你又要我買條裙比你...如果我化妝package唔包伴娘的...我諗你都會叫我比...其實係咪真係咁既呢?!  係咪好似其他bloggers既感覺...搞結婚就看得清朋友既真性情呢?   為左佢...我駛多千幾元...咁唔要伴娘係咪仲好呢?  ~_______________~"

***

試晒package既衫...如果再返黎join多件就加 $600...如果要件拖尾加多 $500 都比 couple囍平...睇下o個邊揀唔揀到先~~婚紗呢度就多款dd...o個邊既 EG就特別D既!!

總括黎講...今次揀衫過程都幾愉快...係初時有D不知所措...佢兩隻野又好似無乜心機幫我揀...特別係件婚紗...其實我仲想試其他的...雖然唔太差...不過始終著起我無"叮"一聲既感覺囉!!  不過算啦~~ 到時應該OK既...只要瘦多十磅左右...應該到時著咩都會好睇D啦!!

溫馨選戰衣 (Part 1)

今日終於約了溫馨三點上去揀衫了...之前看過很多bloggers選的戰衣...加上上次揀衫的挫折...一度令我對這間公司失去信心...令到自己好唔開心一段日子...因為太擔心了...亦怕那女仔又唔知拎d咩衫塞我要~~ 所以一直不寄以希望...而且更開始討厭這間公司起來...

或者她的專橫令我討厭...因她實在不體貼新娘子的心情...為什麼這麼專制不可轉衫款呢?!  為什麼 confirm 款仍不可拍照呢?  這些照片對化妝的效果及造型亦有影響啊!!  為什麼只可在 final fitting才可拍照呢?  但已只剩一星期不夠的時間呢!!  所以太擔心太擔心了!!  亦自責為什麼這麼衝動選這公司呢?  為什麼不去心儀的 Vanesse L. couture...?!  不去 princess...?!  甚至乎選好了的 Charming Image, so wedding etc... 連看也沒去看呢...?!  這麼心急作決定...唉...太多的煩惱了!!  覺得自己太蠢呢!  為什麼別的女孩子這麼懂為自己打算...自己卻是白痴一名...不知所措?!

Package 內有一件拖尾婚紗...兩件晚裝...兩套男禮服...因實在不想煩惱再去試多一件...所以將其中一件轉為伴娘...雖然這很貴...可是實在很怕很怕選不到!!  而且男禮亦聽聞好似也不太好...所以如他選不到...我便會要他其中一個 quota ...他出外再租一件算了...這是一個比較心安的方法......

因不想多放假期...所以只請了3.5 hrs事假扣薪...本約了2:30p.m. 改了3:00p.m., 溫馨千萬叮囑叫我唔好遲到...但同學仔又不知為何突然出旺角先...還遲了20 mins呢...~___~"  其實我地兩點半已出到去...一直等到她3點10分呢!!  還在旺角?!  在做什麼呢?  我們唯有上去試住等...

***

試番上次 HOLD了的拖尾泡泡婚紗...阿B看到名牌暫時只有兩個人 HOLD了...不竟很多人也不喜歡泡泡款...偏偏我就最受呢類款...~___~"  怪在自己性格太傻氣...一點也沒有高貴的氣質~~ 人地著通花絹好看...我卻最不喜歡這質料...對我黎講太硬了... 而呢條都幾好...夠輕盈~~至緊要係夠新淨~~

再試其他款式...也沒有多試很多類型...實在太難選了...自己去看也看不清楚...塞得太滿了...又套在袋中... 而且也不是太多款式...選了一件 A-LINE 可分拆拖尾的...心口有個小蝴蝶結...這件是我的心水...原來我著 A-LINE也可以的...或許近來真的瘦了的緣故吧...真的要再努力一D先得!!  這件實在喜歡...全身也有"秀"花...很簡單...很好看...而且著得我比較瘦呢!!  還有我最著重的是比較新淨!!!   Yumi說這款還有紅色和金色...不過我相信白色是最好看的...而且也不顯得成熟......不過阿B想我進場時比較閃會突出D...所以如這件只可考慮作外影...UM...不過不知上鏡會否顯得我下身胖呢?!  而且外影我想輕鬆活潑一點...其實心目中...外影我想是以泡泡裙...進場是 A-LINE的...我覺得好似呢件有氣質莊嚴一些...不過我也要看阿B的喜好...不竟我們是一對嘛...而且我也相信他的眼光...有時...我的想法只是任性罷了...^^"

***

最後也放棄了A-LINE喇...如果我們真的有緣...或許在 COUPLE囍選不到我再來這裡找"你"吧...我記得你啦...著得我第一次有嘩的感覺的WG呢!!  ^^

***

之後試迎賓的 EG...最頭痛是這件...因出鏡率是最高的呢!!  選什麼色好呢?!  心中想紫的...雖然直覺是不襯我的性格...~___~"   Yumi拎了兩件紫的來...一件是紫紫藍藍紅紅咁...總覺得這件很娘...但佢地又話幾特別...特別即係唔靚啦...只係少有呢類係咪?!  第二件深紫...um...質地很像窗簾布...OUT!!!  再看紫色也沒有很多款...有件淺紫幾靚...不過心口D花花好殘...似幾片咸檸檬在心口...!!

其實也不知選什麼顏色...我地幾個分頭去看...挑了幾件不同色的出來...淺綠的...我知阿B鍾意我著呢隻粉綠...不過影婚紗相時著過了...我又不太想重覆...而且我覺得太淺色太普通...之後紅的那件又太深了帶點瘀色...而且裝了大機關...兩邊的泡泡顯得好似好肥咁...質料又硬..OMG~~~ 另有件深D既綠色都係有裝機關的...著起黎都OK既...不過一轉身...阿B話似圍裙!!  @@!!! 

之後我自選的淺金色有小機關的EG...其實這件個個都話幾 OK的...不過太不捨得COUPLE囍o個件了!!  所以放棄啦!!  之後試了一件隻綠色帶少少黃幾靚...不太淺...而且又有層次的...而且全身"秀"晒野...我幾喜歡這類的...影相出黎應該會幾靚...這件類似COUPLE囍最初看中的那一件...不過那件我覺得那層次的泥黃色不太好看...太沉色了!!  這件幾柔和!!  算了...也不知再能試什麼...所以就決定了要這件...不過阿B唔敢幫我影相呢...><"  之後只能影到件衫...完全看不到我著的的效果啊!!  而家我都唔記得添!! ~____~"

而家唯有幻想自己著起個樣啦~~~ 著起黎都顯得我瘦架...嘻~~ 而且呢隻色幾清新...原來我都幾受綠色既~~!!

***

選中兩件後...對這間公司開始有點改觀...都唔係無衫揀既...不過真係要去親自揀啦...因為sales根本好難了解自己有乜心水...自己睇o岩隻色再試就ok好多!!

可能睇過下 Princess 同埋紫水晶 o個 d ...都係大概呢類款...公主式...um...幾廿歲仲扮公主...哈哈~~ 不過我又受到呢類...太成熟的反而唔係咁o岩我呢~~!!

都可以考慮下 couple 囍揀唔到都可以返黎呢度租埋o個件...心目中是紅色 for 敬酒...不過我想係件特別 d 既...希望 couple 囍 o個幾件我可以 carry 到就好喇!!  而送客我會揀 A-Line 的款...應該會是那件淺金色 A-line 縛蝴蝶的裙...個型幾靚又夠簡單呢!  而仲有件外影婚紗就要再看看...之前hold的那件雖然好看,,,但又似乎較簡單了...

溫馨選戰衣 (PART 1) (朋友限定)

今日終於約了溫馨三點上去揀衫了...之前看過很多bloggers選的戰衣...加上上次揀衫的挫折...一度令我對這間公司失去信心...令到自己好唔開心一段日子...因為太擔心了...亦怕那女仔又唔知拎d咩衫塞我要~~ 所以一直不寄以希望...而且更開始討厭這間公司起來...

或者她的專橫令我討厭...因她實在不體貼新娘子的心情...為什麼這麼專制不可轉衫款呢?!  為什麼 confirm 款仍不可拍照呢?  這些照片對化妝的效果及造型亦有影響啊!!  為什麼只可在 final fitting才可拍照呢?  但已只剩一星期不夠的時間呢!!  所以太擔心太擔心了!!  亦自責為什麼這麼衝動選這公司呢?  為什麼不去心儀的 Vanesse L. couture...?!  不去 princess...?!  甚至乎選好了的 Charming Image, so wedding etc... 連看也沒去看呢...?!  這麼心急作決定...唉...太多的煩惱了!!  覺得自己太蠢呢!  為什麼別的女孩子這麼懂為自己打算...自己卻是白痴一名...不知所措?!

Package 內有一件拖尾婚紗...兩件晚裝...兩套男禮服...因實在不想煩惱再去試多一件...所以將其中一件轉為伴娘...雖然這很貴...可是實在很怕很怕選不到!!  而且男禮亦聽聞好似也不太好...所以如他選不到...我便會要他其中一個 quota ...他出外再租一件算了...這是一個比較心安的方法......

因不想多放假期...所以只請了3.5 hrs事假扣薪...本約了2:30p.m. 改了3:00p.m., 溫馨千萬叮囑叫我唔好遲到...但同學仔又不知為何突然出旺角先...還遲了20 mins呢...~___~"  其實我地兩點半已出到去...一直等到她3點10分呢!!  還在旺角?!  在做什麼呢?  我們唯有上去試住等...

***

試番上次 HOLD了的拖尾泡泡婚紗...阿B看到名牌暫時只有兩個人 HOLD了...不竟很多人也不喜歡泡泡款...偏偏我就最受呢類款...~___~"  怪在自己性格太傻氣...一點也沒有高貴的氣質~~ 人地著通花絹好看...我卻不喜歡這質料...對我黎講太硬了... 呢條都幾好...至緊要係夠新淨~~

再試其他款式...也沒有多試很多類型...實在太難選了...自己去看也看不清楚...塞得太滿了...又套在袋中... 而且也不是太多款式...選了一件 A-LINE 可分拆拖尾的...心口有個小蝴蝶結...這件是我的心水...原來我著 A-LINE也可以的...或許近來真的瘦了的緣故吧...真的要再努力一D先得!!  這件實在喜歡...全身也有"秀"花...很簡單...很好看...而且著得我比較瘦呢!!  還有我最著重的是比較新淨!!!   Yumi說這款還有紅色和金色...不過我相信白色是最好看的...而且也不顯得成熟......不過阿B想我進場時比較閃會突出D...所以如這件只可考慮作外影...UM...不過不知上鏡會否顯得我下身胖呢?!  而且外影我想輕鬆活潑一點...其實心目中...外影我想是以泡泡裙...進場是 A-LINE的...我覺得好似呢件有氣質莊嚴一些...不過我也要看阿B的喜好...不竟我們是一對嘛...而且我也相信他的眼光...有時...我的想法只是任性罷了...^^"

這是裙腳部份...這件泡泡裙...什麼質地都有...@@"  紗...雪紡...lace...閃片...珠仔...要咩有咩!!  都幾特別既......

偷影掛在衣架上的...因用 i-phone而且在更衣室內...影得不清楚...嗚嗚~~><"

***

最後也放棄了A-LINE喇...如果我們真的有緣...或許在 COUPLE囍選不到我再來這裡找"你"吧...我記得你啦...著得我第一次有嘩的感覺的WG呢!!  ^^

***

之後試迎賓的 EG...最頭痛是這件...因出鏡率是最高的呢!!  選什麼色好呢?!  心中想紫的...雖然直覺是不襯我的性格...~___~"   Yumi拎了兩件紫的來...一件是紫紫藍藍紅紅咁...總覺得這件很娘...但佢地又話幾特別...特別即係唔靚啦...只係少有呢類係咪?!  第二件深紫...um...質地很像窗簾布...OUT!!!  再看紫色也沒有很多款...有件淺紫幾靚...不過心口D花花好殘...似幾片咸檸檬在心口...!!

其實也不知選什麼顏色...我地幾個分頭去看...挑了幾件不同色的出來...淺綠的...我知阿B鍾意我著呢隻粉綠...不過影婚紗相時著過了...我又不太想重覆...而且我覺得太淺色太普通...之後紅的那件又太深了帶點瘀色...而且裝了大機關...兩邊的泡泡顯得好似好肥咁...質料又硬..OMG~~~ 另有件深D既綠色都係有裝機關的...著起黎都OK既...不過一轉身...阿B話似圍裙!!  @@!!! 

之後我自選的淺金色有小機關的EG...其實這件個個都話幾 OK的...不過太不捨得COUPLE囍o個件了!!  所以放棄啦!!  之後試了一件隻綠色帶少少黃幾靚...不太淺...而且又有層次的...而且全身"秀"晒野...我幾喜歡這類的...影相出黎應該會幾靚...這件類似COUPLE囍最初看中的那一件...不過那件我覺得那層次的泥黃色不太好看...太沉色了!!  這件幾柔和!!  算了...也不知再能試什麼...所以就決定了要這件...不過阿B唔敢幫我影相呢...><"  之後只能影到件衫...完全看不到我著的的效果啊!!  而家我都唔記得添!! ~____~"

這也是在更衣室用 i-phone 偷拍的!!  所以效果麻麻...d色偏淡了...

腰位附有兩朵花花...有冇都無所謂...如果到時太殘既...我會叫佢除落黎...

以下3張是問准 Yumi 拍的...因我說要比 MUA 看...她說只可比我偷拍...不過要拉埋布簾不要被其他人看見...但婚紗就不可拍了!!

裙腳部份...都幾有層次...而且條裙幾閃...唔會太淺色掛...應該ok掛~~

條裙好多釘工...不過不太重...都幾新淨...係裙腳紗布的部份有點殘...我跪下來看看摸摸時...Peggy話我傻瓜咁樣睇條裙@@"  佢話會改架嘛...不過殘喎...點改呢?!  @@!!!  強光下應該睇唔到掛~ 著白色鞋應該ok啵!!

而家唯有幻想自己著起個樣啦~~~ 著起黎都顯得我瘦架...嘻~~ 而且呢隻色幾清新...原來我都幾受綠色既~~!!

選中兩件後...對這間公司開始有點改觀...都唔係無衫揀既...不過真係要去親自揀啦...因為sales根本好難了解自己有乜心水...自己睇o岩隻色再試就ok好多!!

可能睇過下 Princess 同埋紫水晶 o個 d ...都係大概呢類款...公主式...um...幾廿歲仲扮公主...哈哈~~ 不過我又受到呢類...太成熟的反而唔係咁o岩我呢~~!!

都可以考慮下 couple 囍揀唔到都可以返黎呢度租埋o個件...心目中是紅色 for 敬酒...不過我想係件特別 d 既...希望 couple 囍 o個幾件我可以 carry 到就好喇!!  而送客我會揀 A-Line 的款...應該會是那件淺金色 A-line 縛蝴蝶的裙...個型幾靚又夠簡單呢!  而仲有件外影婚紗就要再看看...之前hold的那件雖然好看,,,但又似乎較簡單了...

 

又運動~!!

今晚又跴機喇...都係做左 40 mins...但係做多左 100 下...即係開始習慣人個力度了~~!!  yeah~!!!  其實我呢幾日做既時間一樣...但係速度係快左!!!

要努力d先得!!

又打耳孔

今日出了旺角換花球外...還去了金都買了安瓶...留待去羅浮宮影相前用...一買就十二支一小盒...很細支呢...之前看 bloggers 話 $180...而家話加了價...$198 仲一元都唔減比我...只係一路sales我做 facial...兩個阿毛...個樣都咁...問佢用機做幾錢...又唔答清楚...只係話用機做間間都會加d 錢...我都知...咁幾錢先得架!?  可能有客響度啦...唔方便講掛...咁即係有機會呃人啦!!  咪搞我~~

買左之後在金都兜了一個圈...睇下d鞋啦...都係o個 d 款...睇下d紅酒啦...望下d衫款...花球款...小禮物...裝下人化緊裝既款...有人用噴槍呢...早d去百利試下係點先啦...真有點後悔join 了個阿太呢~~ um...希望佢會令好似對溫馨咁改觀啦!!  佢set頭都ok既...總係擔心個妝~___~" 

巡左一陣...都無乜野好睇...下次過下海先...

之後行去旺角...經過傳說中的"有利鞋鋪"...原來就係呢度...真係街邊加樓梯檔呢...望左一陣...好無乜款既鞋...不過d人話好著而且平...都ok丫...又無人睇到我對腳既...遲d黎試一白一紅先得!!  對褂鞋或者都響度搞惦唔駛煩啦~~~約埋同學仔先得!!

***

今日又係要check耳仔既日子...上左朗豪坊 Isabella...一直都心思思想每邊打多一個耳孔...不過第一次想打時...因為新打的耳孔有少少傷口...sales唔建議我打...第二次因為要試妝驚整親所以無打...第三次想打時...阿B叫我搞惦舊o個個先...都未帶過 ~__~"

今次咩都唔再考慮喇...因為而家唔打...越接近婚期就越唔會打架喇!!  驚發炎就唔敢搞架啦~~ 而且到時唔除得呢對耳環咪唔靚囉!!

有理無理...即揀耳環...雖然有上次既經驗...不過天生怕痛既我...始終都會怯會驚...好彩 sales 好快手...居然唔駛除呢對都可以打到!!  係有d痛啦...不過唔太痛~~ 照 join 護理啦...都唔爭在啦~~ 買支藥水都 $60...比多百幾有六次檢查...都ok啦~~

哈哈~~話比阿B知...佢話估我唔到...呵呵~~~ 我發覺就算係一個幾男性化既女人...一講到靚...真係咩都可以做得出...哈哈~~

Jun 6, 09 可以除下第一對耳環...仲有個幾月...好期待呢!!  Aug 7, 09 就可以除第2對耳環喇... 不過同學仔已經除左佢新打既耳環換左其他耳環喇...佢話去 check 時先帶番...車...咁唔駛check啦...佢話唔好蝕喎!!  @@!!!  怪唔得佢成日發炎啦...傷口又唔洗下喎!!

 

 

徹底失望

放工後去拎左絲花球了...不過越做越衰!!  

我記得初落order時...男的sales告訴我所選的那款再扎會大少計...而我亦要求扎得圓d...不過收到後...size不太大也算了...圓的要求是做到了...可是出現了冬青果的花枝...所以向花店投訴了...亦答允重做一個新的.....

現在收到了的花球的 size 明顯變小了...而且不夠圓...有些地方更凹陷了...花枝也出現很大的參差...絲帶更打得很求其...底部看到很多膠紙現了出來......

其實收到後比第一次更不開心...既然是打發我也不需要如此是嗎?!  真的越看越不順眼...只好不斷說服自己去喜歡吧...去喜歡吧...去喜歡吧......

可是...很不服氣...覺得被人玩弄似的...我問自己...訂這花球的時候是滿心歡喜及對這花店投以信任...可是事與願違!!  往後...我還有信心把 big day 的真花球交給她做嗎?! 

其實我已比了第2次機會給她...如果這次重做ok...真花球是仍然交給她做...可是...現在我真的不放心...!!  邊間都好...一定唔會比呢間做!!!!!   o個兩百元我會用黎做兄弟的襟花算了~!! 

這麼小的花球...拿在手的感覺...很小家子的模樣!!   算了...找別的地方再造一個吧...我也不想再拿這花球去影我的婚紗相!!  真在好唔開心!!

最重要的是...為了這花球...令我和他引起了爭執...大家也失眠了...

 

今晚流左好多汗

今晚又做番運動...而且比之前跴得快左...所以出左好多汗...不過有時覺得透唔到氣呢...我要學下控制呼吸的節奏...如果唔係我驚會缺氧呢@@!!!

今晚都係做左 40 mins~~

又運動喇~~!!

估唔到...我會連續兩日都會做運動...有時...我都幾估唔到自己!!

其實 set 一個固定時間黎做...一路睇電視都可以分散下注意力既...咁會無咁辛苦...haha~~

努力唷~~~

取大口仔西式公仔

等左一個多月...終於可以拎番對大口仔大口妹公仔喇!!

本來想找花得囍做這對公仔的禮服...不過問過要排到八月先可以取貨啊...我五月中要拎去影相喇...所以唯有放棄啦...拎左去金都既美塋坊...都要400幾元...仲貴過本身對公仔價錢!!  @@!!!

記得拎對公仔黎時...個sales已經問我點解咁捨得唔要原本o個套衫...其實中式係靚d而且特別d...不過我有個好姊妹送多一對比我呢...所以我想改一對做西式 for 影婚紗相留念啦~~~而中式o個對就做車頭公仔...而且都已經搵左 Ron幫我整d靚靚既絲花佈置襯佢地呢!!

今日個 sales 又用惋惜既語氣問我點解咁捨得...哈哈~~~

我加 $$ 換呢套禮服架...個皇冠同金bow tie 背心都係加 $$ 既...條珠鍊老闆娘話送既...不過...得前半條咋...後面係無架!! 

個頭紗麻麻地...我揀 lace 做裙...唔知點解佢會襯番 lace 頭紗...好花囉!!

手工都 ok 既...不過我相信花得囍會做得細心同精緻 d ...

大口仔件裇衫...段面有d唔對稱...大口妹就條珠鍊得半條...總之呢間呢...表面睇到既部份都 ok...不過遮住o個d就馬虎d囉...樣樣做一半咁...收就唔係收我一半 $$~~

條紅褲都無幫我做條白褲仔遮遮...仲話咁先旺夫喎!!

不過都幾靚既~~!!  到 Big Day 時會放在 receiption 做迎賓呢...!!!

丫~~ 唔知加頂帽比大口仔會唔會好d呢...總係覺得而且有 d M 字額咁款!!  @@!!!

***

就係呢對令人"惋惜"既靚靚公仔!!

***

之前訂左 Contact lens...今晚去拎埋...又無多 $1800 喇!!   真係倒水咁倒呀~~~~~~~~~

第二次做運動~

距離上次做機都已經成個 week 有多...因為...我真係好懶...哈哈~~~

今日又的心肝郁下喇...睇住電視...但係就成日留意做左幾耐...所以時間都過得好慢咁...今日既意志堅持得耐了一些...42 mins...哈哈~~~ 都幾有突破的了!!

唔知下次又係幾時做呢!?

大口仔簽名筆

看到很多 blogger 也為自己的婚禮做做一些 DIY 物品...心癢癢也想做一些...好讓自己將來多點回憶...哈哈~~~ 很不自量力呢!!

 

做點什麼好呢?   我的婚禮很多物件也是大口仔...um...就做大口仔仔簽名筆啦~~ 看到一些教學教人整...也很簡單...而且出去買也要50多元一枝...就自己做吧!! 

 

但首要的是...在那裡找這麼少的大口仔呢?  而且我起碼要四個...家中很多大口仔公仔...可是細 size 的並不多...因為覺得每次細型的公仔做得比較求其...所以不會買!!

 

而近年 Trendyland 及 Sanrio 也很少出這麼小型的公仔...有點頭痛呢!!  不過我也不放棄...每次行街都會多留意...終於有次在大埔的 Trendyland 發現了...因清貨的關係...只要 $100 就可有 5 隻公仔呢!!  雖然不太靚...不過 size 剛好是我要的!!  實在太開心了!!

 

 

首要改頭換面...關於結婚的當然要換成禮服了...可是做針紙一直是我的弱項...唯有問同事...她有朋友懂做禮服呢...可是開價是 $300 一隻...oh~~no!!  我實在負擔不起呢!!  況且公仔成本也只是 $100...要加 $1,200 去改頭換面...我會比人打死的!!  哈哈~

 

唯有再想方法...在網上看到一些教人做公仔衫的...似乎很簡單...於是去買材料...不過不懂在那裡找...見到吉之島十元店有些黑白不織布賣...就買了...還買了些針線較剪...不誇張...這些我也欠缺 @@!!!!! 

 

先給他們剝光豬!!  很可憐呢~~

 

 

於是開始動工...但開始不知所措了...實在不知該如何繼續...因太醜陋了...!!!

 

 

男的已這麼難搞...女的...唉.....

 

即管問問 Ron...她很快覆我...還說如我 DIY可給我圖作參考... 那我只好告訴她已嘗試了...可是慘不忍睹呢...哈哈~~ 她說幫我做禮服是 $10 一隻...呃~~!@@!!  即是只要 $40 便可解決這煩惱...阿 B 叫我馬上給她呢...他對我實在沒信心!! 

 

太開心喇!!  雖然今次失敗了...但...算了吧...真的沒這方面的天份!!

 

不過...筆還是自己做...嘿嘿~~

 

 

 

 

 

又敗家

我呢世都離唔開 b 字的...哈哈哈~~~~

希望越大...失望越大

今日開左cheque比deposit Casablanca...遲d再confirm佈置款式...其實都未有心水...又係因為懶啦~~~

***

今晚放工去太子取絲花球...其實一早有得拎...但又唔打電話黎...我打去問話已搞惦...UM............

鋪頭將近收工...裡面只有一位客人響度睇緊相簿...唉...既然係有人訂造左...點解唔將佢好好收藏呢?  擺埋響 display o個堆度...你寫叫人唔好郁o者...人多你鬼知呀...心中已經好唔滿意佢既做法!!!

睇到個花球...直覺上好似只係換左唔係用雪糕筒裝...變成露花腳...又唔見左上次 display o個個既?!  上次我講明唔好將佢換黎比我架嘛!!  有冇咁橋賣出左呢?!?!  見到d 花枝...點解有好多都好似發晒霉咁...其實應該係有好多膠痴左響度!!!!   我問個 sales 點解咁...佢話剪枝係咁?!?!  我個心千萬個問號!!!!!  佢教緊我點安放...我根本聽唔入耳...比埋錢之後...入左 lift拎個花球黎再睇...越睇越唔高興!!  真係好有問題啵!!

因無車位...所以阿 B 響架車度等我...我問他點解D花枝咁...佢居然好似不想麻煩咁...安撫我話可能想做到似 D...唔係嘛?!  發霉感覺喎!!!!   如果係咁...點解唔枝枝都係呢?!  我夠買左呢款花既絲花啦...點解我o個d又唔係呢?!  去金都睇咁多次...人地o個 d又唔係咁喎!!

實在太激動...所以超手震...因為要趕住 SEND E-MAIL 問店主原因!!

實在慘不忍睹...越黎越唔開心...我呢個花球專登造黎影婚紗相...而家變成咁既發霉樣...認真唔老黎囉!!  實在唔想拎出去讓人見笑囉!!  而且仲要影出黎留一世添?!  我真係唔想眼冤囉!!

 

d花腳...唉...點敢 Big Day o個日叫人影花球既 snap shot 呢?!  咁細張都完全現形呀!!  而且d發霉枝佔一半呀...只不過大部份響入面o者...

花球本身 ok...不過有d絲花走左絲...不過就唔太嚴重...可以接受既......基本上都靚....不過係細個左d...明明話會做番大個d架嘛...不過算~~

唉...好失望...呢間野令我信心盡失...!!!!!   我仲 hold 左個期訂真花花球添...為左唔令我地既 BIG DAY 有咩閃失...我都係搵過間信譽有保證既先得...多幾百都再唔係問題...實在怕怕呀!!   o個兩舊水 deposit...用黎買襟花手花算了...!!  而且我都唔鍾意呢間既絲帶...一D 都唔靚...我鐘意有紋既絲帶多D囉!!!   可能命中注定...我係走唔出任何 "b" 字既五指關?!  哈哈~~~

我絕對唔會介紹人去呢間野...實在太令人失望...今朝我仲滿心歡喜......點知....唉...

 

脫毛...哈~

早幾日見到Dermes的脫毛廣告...其實一直都心思思..Laser 應該真的會永久掛...雖然貴了點...不過要我用蠟o個d痛到嘔既又唔想...用剃刀又煩...而且會搞到毛孔閉塞...一粒粒黑點響皮膚底下仲肉酸~~ 就黎結婚啦...毛髮地方真的要搞搞啦...失禮嘛!! 

之前問過下 kathy 做代言的那間...佢話大概八千幾...不過聽人講會sales你其他美容 package...問陳法拉o個間...態度又串...點都要我上去比專業人士睇左先喎...有咩唔講得既咩?!  之後響網 search 其他...有間以為 ok...點知近黎o個度d醫生又有d官非...醫生唔可以賣廣告喎...而且宣傳方法又好像有點問題...

見 Dermes 話可以免費試做...咁就輸入資料啦...等左幾日先有個女仔打比我...問我幾時得閒...於是就約好今日...佢問我近黎有冇用蠟o個黎脫毛...拔毛機有冇用?  原來用左要等多兩星期至可以做的...我咁懶又怕痛就梗係咩都無啦!!

上網 search 過呢間環境都ok架...而且上到去d阿嬸嬸會問你飲乜...好似去左餐廳咁...

6:30 準時上到去...等左十幾分鐘左右...先填寫個人資料再對下id card...終於我既護理師黎喇...叫maggie呀...幾後生靚女喎...佢仲讚我寫字幾靚...嘻~~

之後佢同我講解用咩機器做啦...過程係點啦...問左d簡短問題...都係問下d脫毛習慣咁...之後開始...佢話會有D痛...不過過程會好快...每邊一分鐘應該都OK!! 

開始啦...好緊張...而且好尷尬呢...舉起隻手...@@!!   先在左手手臂上劃了幾條線用黎試 Laser的強弱反應...之後開始...先戴上眼罩...真係幾痛架喎...架凍風機係咁吹住...不過都幾痛呢...左手做左一半...有點頂唔順...所以叫佢暫停了一會...每邊掃十下左右...右邊忍痛地完成...真係好痛啊 ><"  又話好似針拮咁?  係比針狂拮既感覺啊!!

跟住睇到真係無乜毛毛...佢話做一次會無 20% 的毛髮...大概做4次就會無98%...有都係d好幼少同淺色的...過程真係好快...希望真係會永久啦~~

之後實係sales佢地d package...只做 under-arm的話...discount後都好貴呢...如果買做小腿package就送 under-arm同埋咀唇...但係就好貴呢!!!   有非繁忙時段既...不過要 mon-fri仲要12:00 to 17:00 囉...平一千...車~~~~~~~~ 有乜大幫助?!

不過最後都 join 左啦...下次 treatment 要排到 6月尾...搞錯!!  咁我結婚前搞得惦未呢?!

之後送左 d sample...不過都係佢自己公司's products...o岩既你咪去買o個隻囉~~

不過做完真係好似輕鬆左......@@!!  唔知係咪心理作用呢?!  定係銀包輕鬆了呢?! 

 

Confirm場地佈置

3月頭上過酒店介紹既Casablanca...傾過個價錢同包既野...background包絲花閃燈包字包羽毛...蛋糕檯...証婚檯...油畫架...仲有水晶燈花柱...都係三千幾...格過比出面好多公司既平好多...所以決定用呢間喇~~~ 希望到時 ok啦...不過佢做開我地間酒店...有晒經驗而且同酒店合作開...唔會做衰自己掛...而且我地諗住有酒店做後台...有咩唔惦就同酒店傾...因為好奇怪架...Casablanca只係收 $1,000...尾數係比酒店的....唔知佢地點拆數既呢?!

又搞惦一樣...真係開心...!!

太空步行機

幾年前買左部太空步行機...成八千幾元...不過兩個都因為懶...所以呢部機變左一件傢俬放左響度封塵好耐...

今晚終於的起心肝再玩番...咁咪唔駛出去搞咁多野囉...一路睇電視一路做...太耐無做運動既緣故...真係要幾有意志先可以做...而且覺得好攰好攰...一路做一路想放棄...哈哈~~~ 好似有天使同魔鬼響我耳邊不停同我講野咁...一個叫我繼續...一個叫我放棄~!!!

終於做左 30 mins ...真係好攰...而且阿 B 叫我唔好一下子就咁激...要慢慢來適應...好啦...我就適應住 30 mins 先啦~!!  哈哈哈~~~

跑步

禽日買左對跑鞋同波褲...今日就比阿B捉左去跑步了~~

渣車去左太和水圍附近既跑步徑...我第一次黎呢度...平時搭車都有經過既~~

原來都有幾多人跑步架...我連阿伯都追唔到呢@@~!!!

原來跑步都幾辛苦...而且...好悶啊!!!   仲有就係...我皮膚敏感...跑左一陣就開始身痕...而且仲要係好痕o個隻...真係跑得好辛苦...係痕得好辛苦呢!!

終於跑左 15mins 左右就頂唔順喇...而且個天好似想落雨喇...所以唯有放棄啦!!  初時仲話跑一個鐘呢...哈~~我地入左一個鐘頭咪錶架!!

原來想減肥...真係無咁易的...~________________~"

阿B的戰鞋

今日出左旺角波鞋街買波鞋...因為我想買黎跑步用!!

上次出黎阿B已經睇中一對 Adidas用黎襯白禮服的...因為唔想浪費啦...買對白皮鞋一黎難搵...二黎都著唔番...咁不如買對波鞋可以著得番!!  而且而家都興咁襯啦...反而著白皮鞋仲娘添~~

終於我買左對 adidas 跑鞋同埋短波褲...而阿B就買左對adidas白波鞋喇...而且o個3條間仲可以轉色添...哈哈~~ 不過我見人著淡金色 puma 仲型添...可惜阿B唔喜歡金色啦...

 

修眉

今晚約左 Lancome Jennifer 修眉...我條眉其實都幾難搞...高低又粗又起角...而家都好左d喇...以前仲粗仲唔順眼...!!

其實我個 package仲有一次...不過 Jennifer 又 sale 我...而家買十送二...120元左右一次...是旦啦~~~ 比佢跟開條眉...佢又知我敏感...即係人地一搞我d眼耳口鼻就唔自在...佢都好有心機等我平復緊張情緒先繼續...哈~~

不過我成日懶 book...驚一年用唔晒 12次...其實其他女仔會注重d勤d黎修...Jennifer話比夠我年半限期@@!!!

又駛一筆添...近黎駛 $$ 真係好似倒水咁...!!!

COUPLE 囍

今日約左6:30去COUPLE囍試衫...先睇相簿...其實呢度衫就唔係咁多選擇...不過都幾有特色既...寫左 D no. 比個 sales 就開始試衫啦~~

呢間野將部份衫放左上 facebook...借 d 相 post 出黎分享下~~^^

首先試呢件...今期有本雜誌借左黎影相呢...不過個 sales 話影相o個個又唔蒸下件衫...皺皺地~~ 睇人地就著得幾靚...自己?!  麻麻地...太貼身...顯得我好肥咁...下身好橫啊...哈~ 而且條裙好長呀...唔改得架...

之後試左呢件...都幾好睇...而且一定夠搶鏡...上身好好睇...不過唔多喜歡條裙既色...好似沉左d...佢地話我著得好睇...著黎迎賓一流呀~ 閃到暈~!

之後試多幾款晚裝...有D個型OK...不過 D 色麻麻...所以無乜揀o岩~~ 我發覺我係唔適合著紫色的...可能唔多襯我既性格...@@~~

跟住試婚紗...會響呢間租黎用作影外景...我幾鍾意呢件...可能泡泡款實在太適合我...哈~~

不過同溫馨o個件差唔多咁...唯有放棄啦~~ 如果溫馨揀到第件我先要呢件...因為o個件閃d o岩 march in 用...呢件適合外影用輕鬆活潑d...

呢件好簡單...佢地話ok...最後 hold 左...不過我相信我會轉的...唔太鍾意裙尾 ...而且確實又簡單過頭...@@!!

揀左呢件黎敬酒...不過我想搵件紅色好似好d咁...d 金器會出d...哈哈哈~~~ 呢件可能送客用...著起黎好似幾瘦咁...而且呢件係 A-line...方便d...嘻~~ 我點都要有條係 A-line既!!!

睇到另外幾款...不過無試過...下次再試真d先...不過要睇下溫馨o個度揀成點先...

我幾鍾意呢條個款...不過又唔鍾意掛頸...應該要好fit先著得到呢!!

...

呢件都幾特別...不過我諗著o個時我唔會響裙底裝機關...應該仲好睇~~

如果揀呢條...我會用黎送客...幾輕鬆...haha~~

我幾鍾意呢條 WG...個型好靚...而且唔駛裝咁多野響裙下面...!!  下次一定要試~~

呢間雖然衫唔多選擇...不過好似D款都幾Trendy~~ 而且我試左咁多套都大部份o岩...前前後後試左都十幾套...無黑面任試...所以 Join 啦~~ 多間選擇心理上會好d...哈哈~~~不過荷包就輕好多lu...

決定左...突然個人好似輕鬆得多...溫馨你實在太可惡了~~哈~~

 

再巡婚紗鋪

放工約左 Ron 在太子等...等了一會...致電給她...她說已在附近...不停說不好意思...哈~~實在太客氣了...我只想告訴你我已到了...不是想催促你呢...不竟我們還沒見過面...我怕你也在等呢...

見到面她也是非常的客氣...不停的說唔好意思...哈哈~~ 真好人~!!   交了公仔給她...很期待她的作品呢!! ^^

之後和同學仔出尖咀...今次既目的係想搵多間婚紗鋪黎租衫...因為我仲欠一套外影婚紗及一件(或兩件)晚裝...

先去 Princess ...Sales 在忙...叫我們自己看...我地老實不客氣去左看右看d衫...拎去鏡度左拼右拼... d 衫都 ok ...不過比想像中舊了少許...在雜誌看到的款式好得多...但不知放在那...難道收埋了?!  在試身室中有一位新娘子在試穿...難怪沒 sales 得閒理我們了...因她真的很胖...大概有兩百磅...真的沒誇張...不過她試穿的也很好看...不過我們有個疑問...她們點改到而家件衫可以讓她稱身地穿上呢?!  基本上現在背後都是用塊布擋住...真的是一個問題呢!

終於有個 sales 埋來問我們是否預約了...我們說出原因...她拿出價目表給我...喎?!  加了四百元呢...那麼我租衫的成本就太貴了...她說可以有3件free trial...叫我們約個時間...不過已 over budget ...所以放棄啦~~ 而且d款好似比想像中無咁好...無上到去 VL...因為佢地話成熟D...其實A-line我都幾ok的...不過佢地唔係咁鍾意...覺得新娘應該係突出d喎 ~__~"  我就覺得簡單d反而o岩我多d呢~~

之後去紫水晶...其實呢間d衫和溫馨的很類似...不過聽 blogger講呢間幾 nice...所以去看看...上到去 sales好熱情的叫我們看相簿...其間有兩個新娘子試緊衫...oh~~佢兩個都好瘦啊...看完相簿...sales 話另一邊d 衫未影相...4月後才得閒影相入相簿...所以叫我地去看看...其中一個新娘試了一件紅色的 a-line 中式裙...真係眼前一亮...條裙好靚啊...不過全間我只看中這一件...因為其他款大概和溫馨差不多...所以也不用在這裡 join了...因為我想要和溫馨的不同 style 的...

其中一個新娘突然叫了她的朋友入更衣室內...原來她說裙子太 deep V...唔敢出來...我地起哄話出黎啊...就是想看效果呢...哈哈~~ 個sales打我的頭話我頑皮...heehee~~

因還有一個更衣室...Sales 叫我而家揀黎試試...不過我都唔打算 join ...所以只有對她說...佢地兩個咁瘦...我太大壓力喇...下次先啦...haha~~

在婚紗街再逛了一會...不過因某d原因又無再深入睇...

之後唯有去百利看...其實呢度只有兩間係目的...一間係 COUPLE囍...另一間係 Charming Image...先去 COUPLE...呢間有幾件都係心水...不過呢間又的確少衫揀 d...看了一會相簿...約了後天來試衫...

再行去 Charming Image...不過有某d原因...所以無入到去睇...其實呢間在網上看 d 衫都 ok的...

既然係咁...即係再看都無乜意思...至衰其他朋友忙住搞去旅行...一係要睇仔女...唔係幾好意思成日叫人陪看...