花園街買絲花

因為1018大會有眾多兄弟姊妹...加上男女家的親兄弟姊妹...襟花手花需要一定的數目...真係幾貴啊...!!  睇過下其他 blog 友既 DIY...又好似幾易整咁...而且由自己整...好似有誠意好多... (其實為左想嗌下近黎好 hit 既口號 : 慳得一蚊得一蚊!!  哈~~~)

去過繽紛睇過下 d 絲花...好靚又多款...不過好貴呢~~ 網上爬左blog咁耐...唔多唔少收到 d 風...有好多 blog 友發現花園街 (向太子方向) ...有個伯伯的絲花又係又多又靚...但係價錢就平好多...而且伯伯幾好人的......

今晚去開旺角就去闖下花園街啦~~~ 其實我唔知檔口既正確位置...所以無方向感既我...響花園街中間企定定左一陣...黎認清邊度係向太子方向!!!  行左幾個檔位...突然眼前就出現左一檔擺滿各式各樣的絲花...再黎梗係確認下個檔主係咪伯伯啦~~~ 望左一陣唔見有人既?!  原來伯伯個子好矮小的...!! 

應該係呢檔無搞錯啦~~~ 真係好多絲花呢...!!  係咁揀呀揀...買左 d 茶花同埋小牡丹... 盛惠 $102...伯伯話收我 $100... 慳左兩蚊!!  慳得兩蚊得兩蚊!!!  哈哈哈~~~ (中左廣告毒!!)

呢堆野將會係我既 " 笨手笨腳實驗室" 既襟花手花試驗品既材料...希望研究同實驗成功啦~~~!!   其實將呢埋野束埋黎做花球都幾靚架~~!!

上次響德祥買左 d 襟花針...珠珠等等...響笋崗買既熱溶槍...好快就可以有用武之地了...嘿嘿嘿~~~

之後行下d 平平朱耳繩檔口...見到條粉紅色既珠鍊...喎?!  好似幾靚啵~~~ d 珠珠...無錯!!  我係睇中 d 珠珠...我個腦當時即刻閃過一個念頭...不如買黎拆左之後再穿過...用黎做姊妹手花條鍊都好似幾好睇啵!!!  仲買左卷穿水晶鍊用既繩!!  雖然我未諗到點將d珠鍊同手花連埋一齊...不過個 idea 應該會 work 掛!!!   一於咁話!!

仲買左對 Double happiness 既耳環~~~ 用黎比我隻大口妹公仔用...哈哈哈~~~ 我發覺我正經野又唔去搞...專搞埋呢d無聊野就好開心好積極!!   大概...我唔係做大事既人...哈哈哈~~~

上網再搵下 d 做襟花手花既秘方先得!!   Let's go!!!!

花球款式

婚禮上花球既地位其實係好重要...所以我都幾注重呢個小角色的存在...

我喜歡用真花...我覺得婚禮一定要用真花做花球才像出嫁似的...可能呢個係我少少的固執及少少的堅持...總覺得用絲花球只像拍婚紗照...哈哈~~~ 我要用真花黎提醒自己真係出嫁呢...否則我又會好似影婚紗相時咁 hea 了!!! ^^  或者這是好幼稚的想法...

一話結婚其實第一樣留意既就係花球款式...哈哈~~~ 原來阿B都有要求的...佢叫我唔好用向日葵...因為個襟花會唔靚喎...@@~~

實在太喜歡大牡丹花...可惜十月唔係花期...多少有點失望...那也沒辦法罷~~ 而玫瑰又好似太普通...蕙蘭又好似娘左D...其實我鍾意屈金香的...不過我覺得做花球係唔靚的!! 

心目中大致有呢幾款...我麻麻地鍾意拖尾款式...因為怕麻煩...二黎自己又唔高...拎咁大抽野仲顯得自己矮小...

其實好中意中間o個款...不過同我個絲花球實在太似了...所以可以 out lu...粉紅色同粉藍色襯婚紗影相應該幾柔和幾好睇...應該可以中和我既粗魯...紅玫瑰o個款著褂應該幾靚...全身紅噹噹喜氣洋洋...橙紅馬蹄蘭因為偏好shinhwa才選的橙色...不過又似乎太搶眼了罷...哈哈~~~ 不過馬蹄蘭都係我既次選...會唔會影得個人瘦d ?! (妄想症又發作中......) 不過襟花整出黎又唔多靚...(要考慮埋另一半...呵呵...我幾細心呢!!!)

繡球花真的很漂亮...不過很吸水...我驚個花球捱唔到成日~~~

再留意下先得~~~

 

秋子花藝

http://www.lindafloral.com/index.php

 

Agnes b

http://www.agnesb-fleuriste.com/

 

Solomon

http://www.solomonleong.biz/

 

JM Flower Workshop

http://picasaweb.google.com/jjmm228

 

Lip's Flower

http://www.lipsflower.com/index.asp

 

Miracle

http://www.miracleflower.com/index.php

 

TriniceFlower

http://triniceflowers.com/wedding_bouquet.htm

 

卉豐

http://www.wayfoongflorist.com/

 

繽紛園藝

http://www.brighten.hk/

 

重臨CDL

前幾日收到 CDL 電話...話我地個油畫框已經唔再做...叫我地再去揀另一款...所以今晚一放工就去九龍塘...響 CDL 對面泊低架車...阿B入左30mins咪錶...

近排成日落雨...真係替近來要影婚照的姊妹擔心...很易打亂計劃呢~~!!

入到 CDL 好冷清呢...只有兩對新人在拍室內景...大概很多也取消了~~ 我也不想分兩天來拍照啊~~!!

Fiona 比左幾款框我地揀...終於睇番上次揀既油畫相喇~~~哈~~真係唔記得左揀左邊張呢!!!

原來我地揀左張 pose 唔係溫馨...唔係甜蜜...唔係扮cute...而且仲係完全無身體接觸...哈~~係一張兩個都好生活照式既相片...哈哈~~~

即係點?!  我試下形容下......背景係大堂...阿B坐在沙發上...輕微咁洞起一隻腳...個身伸前少少...隻手懶型咁L型放在膝蓋上...而我?!  就響沙發後面...企響阿B既隔離...唔知係托下巴定搞乜...兩個都好傻既笑樣...而沙發既側邊...坐左大口仔同大口妹響度...個效果幾搞笑下...哈哈~~~ 我地就係咁另類...人地要溫馨甜蜜o個種感覺...我地就在心中就足夠...哈哈哈~~~ 不過我真係幾鍾意呢張相出黎既效果囉~!! ^^  覺得好似拍左張劇照...哈哈~~

揀完框返去錶位度...都只係用左 12 mins...果然我地咩都快過人...@@~~

隔成個月先再運動!!

行完笋崗即搭的士去金光華...因為塞車...所以響對面馬路落車...在等過馬路途中...突然覺得個背囊好似比人拉住咁...我回頭望...發現有個人企圖拉開我背囊前面個袋既拉鍊!!!!!  好彩背囊條拉鍊唔太順暢...我朝早仲吟吟噚噚埋怨條拉鍊廢~~ 幸好幸好!! 

佢只係拉開左少少...我話比阿B知...o個個人先識放開手...幾驚佢見東窗事發成個搶走呀!!!  我仲有部相機同本記事簿響入面架!!!!  

o個個人仲大膽到完全漠視我地呀...只係見佢同遠處既人打左個手勢...我地估佢既意思係失敗左!!  大街黎架...而且我地周圍都仲有人...真係超大膽呀!!!

佢個樣唔似我地中國人...阿B話佢應該係新彊仔...大細佬話新彊仔就好D...只係會拉人地拉鍊拎野...如果係湖南湖北o個d就會 "界" 爛個袋拎野架!!!

好驚呢...!!   事後為左令自己無咁驚...仲搞笑同d朋友講...至驚佢拎走我本記事簿...因為好多結婚既野...行程都寫晒響度...如果無左就大鑊...!!   有個衰同事問我 : 有冇 backup??  口亨!!!  仲叫我拎去影印做 backup呀!!!! ><"

呢個就係今次既出事背囊喇...我剛買左幾日...第一次用咋...仲諗住好抵...因此原價四百幾...之後特價三百幾...我再用cash dollar ...最後只係用左 $140 就買番黎既黑仔背囊!!   我貪佢夠簿身好輕囉~~~ 好彩條拉鍊唔多順o者~~~

之後為左定驚...去左 "燒東西" 食我至鐘意既 " 魚翅餐 " ...嘿嘿嘿~~~~

登登登...... 即叫即做... RMB10...

我無呃人架...呢個餐真係叫 " 魚翅餐 " 架... 魚 = 秋刀魚...翅 = 雞翼...個餐牌係咁寫的!!

仲有個餐叫 " 鮑翅餐 " ...即係 鮑 = 小籠包... 翅 = 雞翼...如果改魚既就 " 飽魚餐 " ...好好味架~~~~

響金光華商場...地鐵出口o個層行到尾既左手邊就係架喇~~~ 下次影埋個門面先得!!

***

未運動就食食食... !!!!   呢個係我既動力...呵~~

黎到主要目的都係玩 spinning啦~~~ 未夠鐘有堂...跑住步先...慢步都出晒汗...跑幾野都熱到痴根~~~ 今日天氣真係好熱...有冷氣都頂唔順~~~

今日唔知係咪高班d既呢...跴既方法好唔同...仲加左d舞姿入去...@@!!  跴單車做埋d跳舞動作...條腰又要擰...隻手又要 fing~~ 不過運動量大左好多啊...!!!   d 汗係咁滴落黎...我好少覺得出汗係咁爽的!!!

之後去玩步行機...玩左幾個字之後去沖涼 lu...做左兩個鐘頭運動...個人好似爽左...唔多攰咁...希望我有恆心落去啦~~~

不過...佢地次次做完運動都帶人去食好野...其實做黎都補唔番~~~@@!!!!

***

雖然上個星期已經慶祝左父親節...不過今日先係正日嘛...所以唔想黃老闆孤單一人渡過...所以我地約埋佢去食晚飯啤一啤啦~~~

細細佬唔黎做運動...所以無預佢~~~ 佢唱 K 就黎喎!!!  肥仔!!!  嘿~~~

今晚食中餐...五個人...叫到成檯野...不過真係幾好味~~~

父親節快樂!!!!

笋崗行

噚晚響沙田買左樣野響結婚o個日用...正搵緊文具中...突然醒起今日會上深圳...咁不如去一轉笋崗先啦...真即興@@!!  呢個就係我地喇...從來唔會計劃下先做既~~~

明明話早d上黎...都差唔多下午成點鐘先黎到!!

我地兩個懶人...一出關就走去搭的士...實在好熱啊~~

呢兩個"商場"...其實賣文具多...真正賣結婚用品既其實唔太多...不過真係平過金都賣既就真既!!   所以最好寫定大概要買D乜...上到黎買完就去搵其他節目就最簡單快捷~~~

首先我地去搵文具...問極都唔知咩叫 CUT 相角...成日拎部打孔機比我地...UM...都係算喇...響 HK買啦... 買左支小熱溶槍同幾次膠條 (RMB10 + RMB2 / 6pcs)...上次本來想o係德祥買架...好彩佢無貨咋...成三四十元一枝...@@~~ 如果買左我就溶左自己喇!!

去到好多 blog 友幫襯既鵬鵬...我地拎住個迷你子孫桶覺得幾得意...不過都唔知應該問邊個幾錢先啱...其實店裡面仲有另一pair人響度買野之嘛...咁都無人理我地...咁我地唯有去第度睇下先...呢間野我地黎過幾次架喇...不過無次有人理我地...或者我地個樣唔似有幫襯既人掛...我想響度買個囍字蠟燭的...~___~"  係呢間我先見到咋...唯有下次比多次機會佢做到我生意啦~~

跟住周圍行...都唔記得行到去邊座既頂樓...買左兩個花籃仔...我唔知 HK 賣一個花籃幾錢...不過見順眼就買左兩個 (RMB30 x 2) ...仲買左幾個衣架 (RMB28 / 4pcs)...幾靚架...有 lace有花花有絲帶咁 ...姣姣地啱晒我...呢間價錢企硬...點都唔肯減...唉...我地係最易放棄既人...所以只有乖乖比 $$... 天時熱...人就會失理智...不過後黎發覺佢地收少我地10蚊...@@~~

去睇下d花籐...不過阿B都未諗惦點佈置...所以都係得個問字...又要遲D先買...都好既...費事通屋放...家下屋企已經亂到唔可以招呼人黎玩喇!!!!! 

本來想買d絲花...不過我都未決定用咩款式花球...所以襟花手花呢個項目又要延期進行喇...而且太多款式...我既選擇恐懼症又發作了...所以都係決定遲d先再買啦~~ 或者...到最後買現成算了...皆因我實在太懶了~~~

買左D籐波波 (RMB30 / 16pcs)...我地見幾得意...用黎擺響 receiption 丫下d地方應該唔錯喎...其實我地都無乜計畫...見到就話咁咁咁...不過都幾開心丫...幻想下o個日係點都好丫~~~呵呵~~~~ 老闆娘好 nice ...所以我地都無乜所謂就買左呢d唔等駛既籐波波喇~~!!

之後買左d利是封...囍字紙杯 (RMB6 / 50pcs)...花瓣 (RMB2 / 100pcs x 4)... 其實仲有好多野未買齊...不過無咁多手拎野喇...下次再黎掃貨~~~

我細細佬成日都話想要隻七仔...都唔知有乜咁得意...RMB5 求其買左隻比佢了左佢心事...哈哈~~~ 另外見咁熱...買左把大口仔老翻扇 (RMB5)...幾搞鬼架...按個制識彈開黎架...如果識自動撥涼就 Very Good 喇...熱到痴左~~~~

以下物品就係今次同早前響德祥買既收穫喇~~~~ 支閃拎拎既指甲油同埋d星星電話繩係阿B買既...佢要黎做佢既神秘 project架...哈~~~唔通佢想扮女人比個驚喜大家?!

丫...幅大口仔 Puzzle 係響 HK Jusco 買既...貪得意影埋黎充數o者~~~ 特價架...HK$30~~

行左兩個鐘左右...其實我地未行完...不過約左大細佬響金光華等...所以要徹退了...!!

對於講價...我地真係唔在行...下次要帶埋大細佬黎先得...佢成日流連深圳...係佢先搞得惦d大陸同胞呢~~~~

好歌~~

簡單愛

今天你要嫁給我

愛很簡單

小酒渦

畫紙上的指環

第一次行珠寶展

公司的清潔阿姐比左兩張珠寶展邀請咭...叫我去開下眼界...!!

阿B話陪我去...佢仲話會記得唔帶張 Credit card 去...哈哈哈~~~ 我講比阿姐聽...笑到佢丫...!! 

第一次黎都幾緊張啊.. .保安幾嚴咁...仲要排 pass 先入到去...入場仲要 o都機做記錄...@@!!!

嘩~~~ 全場都閃呀閃咁...都唔知點開始行...心目中有樣野想買...之前睇過下出面d金鋪...都幾貴下...睇下呢度有冇心水先得...

行開間間都叫我地試下戴下...好似唔駛 $$ 咁...第一次試帶條七卡既鑽石鍊啊...好大粒...真係幾重手下...不過成七萬六呢...邊有 $$ 買丫...試戴過都心足 lu...呵呵~~~

睇到好多珍珠...鑽石...水晶...多到好似好假...@@~~  見到好多阿太...佢地真係黎掃貨咁...係咁試戴... 香港人幾時都係咁有米既~~

睇左幾間都唔係幾啱心水...去到有間叫萬利珠寶首飾...睇左好耐...有件啱心目中既 size ...不過咁貴...算啦~~~到我有 $$ 唔等駛先買啦~~~

阿B響度買左樣野比我呀...好鍾意...好開心!!  唔帶credit card...有 ETC都得~~!!  哈哈~~ 多謝你既結婚禮物...至於係乜...大日子o個日就會見到架喇!! ^^

不過個 sales 唔多 pro ... 用埋佢個放大鏡都睇錯我隻介指...不過我覺得佢唔識用就真...真失敗...我隻介指係有証書的...而且係半卡...佢肉眼都睇唔出有 50份?!   初時仲話唔怕得罪講句話我隻介指麻麻?!  當佢知道真相後...佢個樣好尷尬囉!!!  你識野唔識野!?  你係咪做呢行架?  之後仲問阿B係咪做呢行...阿B話只係買介指o個次上左兩堂...佢當堂無聲出...... 你唔會賣假野比我地嘛?!

＊＊＊

買完想睇下d 珍珠耳環...不過都唔係幾啱款...

之後睇下d朱耳繩...我都係啱睇呢d多d...哈哈~~~ 發現有間賣銀器架...雙眼發光!!  我至鍾意銀架喇...!!   初時無乜人睇入黎睇架...之後多人到迫唔到出去@@!!!

用重量黎買銀器我都係第一次...原來銀真係好平...怪唔得我d 朋友成日話我...鍾意d平野...但係就用好多 $$ 黎買 d 唔值錢既野~~~ 例如: Tiffany... agnes b 既銀飾...!!

係咁買買買...阿B都有買架...不過佢買英文字...大 "J" 大 "B"只係十幾廿蚊 ...細"J"細"B" 都係幾蚊一隻吊咀...Tiffany...agnes b...實在令我又愛又恨 ><"

買左 3 對耳環...簡簡單單既心型...圈圈o個對係 K金黎...響第二間買既~~ 呢對成5舊幾...@@~~ 阿B叫我買啦買啦...咁就買左...之後我覺得其實都幾貴呢~~

呢隻3色介指好特別...係立體既...戴響食指好靚架~~~ 另外蝴蝶係我既偏好...所以就唔駛諗就買埋啦~~

仲有橙色既銀器...好少有... 個心型鍊咀係立體的...因為幾重下...係咁多樣野中最貴既...買左兩個...其中一個準備送比...............某位同年結婚的朋友!!  用黎紀念我地同年結婚呢...呵呵呵~~~~ 用條長d既銀鍊黎配...好睇又型呢~~~^^ 

條心型鍊係我至鐘意既...

其實我入左呢間鋪兩次...如果一次過買滿 100g 有折呀...後黎阿B係咁哦我...話我蝕...哈~~~因為我唔要隻銀手鐲...佢覺得幾靚...不過我隻手瘦...我對手鐲麻麻地鍾意...所以唔要囉...佢話我而家已買左80g...加埋隻手鐲 (30g)...即係比而家應該平200蚊呀...呃...唔買野都比人話...真係第一次!!!

最搞笑係...我地買完第一次時...開單都搞好耐...因為張單係人手抄寫...寫 no...重量及價錢... 之後行行下...諗諗下都係買埋對心心同埋o個幾隻介指...所以都係返轉頭買...阿B見人多就叫我自己入去...不過睇睇下...我見少人所以想搵佢研究下買邊款好...打比佢又唔通喎...所以我係咁望出面...個sales好搞笑...話比我知阿B響遠處講緊電話...@@~~~!!!  咁都認得我地?!  之後仲叫佢同事幫我叫 "o個個著藍色衫既男仔" 過黎... 哈哈哈~~~

之後比錢...個收銀仲搞笑...好大聲對住我話 : 又買?!   佢個樣真係好搞鬼的!!!  哈~~ 我地真係咁易認咩?!  d 人見過我地一次...成日都認得既?!  真係唔好做壞事...實比人認得出...哈哈哈哈~~~

我只係可以買呢d 玩具架咋...不過都好開心呢...戴呢d無咁大壓力...唔見左都唔心痛...heehee~~

呢度太大喇...仲要分幾個hall...我地只係行左一個hall 咋...都行左3個鐘有多...

珠寶展真係令我大開眼界...下次都想黎...嘩哈哈~~~

＊＊＊

之後去左尖咀 Tiffany 問野...無貨留底左電話...um...希望有貨啦~~~my dream呢!!!!

再搭 MTR 去旺角睇腳架...不過佢睇唔啱...我話送支好D既比佢...貴D唔緊要...至緊要係輕身D...佢成日腰痛背痛...唔想佢負擔太大呢...!!

夜晚響朗豪坊又食 Pepper Lunch...兩個都係食牛肉炒飯...好香好好味!!! ^^

 

真係咁抵?!

以下是朋友介紹...我未親身去食過...唔知係咪真係既呢?!   金光華...就係我地做運動o個個商場啊...下次做完可以去試下呢~~~ 又食?!  咁點減肥呢?! ＠＠～～

＊　＊　＊　＊　＊　＊　＊　＊　＊　＊　＊　＊　＊　＊　＊　＊　＊　＊　＊

吃足六小時的上井之旅

等到頸都長埋既長假期終於都來到，咁難得當然玩大佢，相約老友到深圳三日兩夜勁食之旅﹗

深圳金光華既上井精緻日本料理﹗

怕無得食我地五點已經o黎到，岩岩有位可以入座﹗

乜鬼都任食，你想到的日本料理都有，可惜的是沒有紅白酒供應，只有啤酒及清酒梅酒等任飲，如果有會更盡興﹗

大花甲蒸蛋，蒸得又滑溜又香，食家大讚﹗

日式海鮮湯以的骰的茶壺上枱，用蝦、蜆及蟹肉煮成，吃得出的鮮甜﹗

酒水任叫當然唔同佢客氣，梅酒平時好少飲，試下先﹗

酸酸甜甜相當醒胃，唔餓都飲到餓﹗上井呢次大鑊了﹗

燒鱈魚扒好香牛油味，食落肉質軟熟無腥味，不吃魚的我也吃了一塊﹗

燒芝士蝦蝦身爽口又彈牙又大隻，配上微溶的芝士同吃，正﹗

燒響螺片能吃出微微的清香，有咬口亦甜美﹗

呢度必吃回本之作，就係任食刺身﹗


唔差架﹗睇到都覺得新鮮﹗

老實講如果你吃得到刺身的話，一個人食碟呢個刺身拼盤已經差不多回哂本﹗

當然刺身味道未能與香港貴價的相比，不過如與三十幾蚊碟的元氣元綠等比較，我覺得上井的更鮮甜同新鮮，應該是因去貨快，人人都叫，刺身師傅就慘喇，切到手唔停﹗唔方唔新鮮﹗

連一向任食場必難食的海膽，也毫無腥味，不過略欠海水鮮甜﹗

有刺身點可以無清酒﹗不辛辣有米香，甜甜的很易入口﹗

海鮮方面，燒芝士扇貝很好吃，芝士內有金菇、冬菇粒及煙肉提鮮，更惹味﹗

燒蠔夠哂大隻，配上金蒜同吃肥美動人﹗

日式牛肉刺身，食落好軟熟又香又無渣，無腥味血味的，值得一試再試﹗

燒鰻魚相當肥美，友人一路吃一路讚﹗

從未吃過的溫泉蛋都係任食﹗不過我唔太頂得順生吃雞蛋味道﹗

雪糕就唔洗講，某女性友人一個人吃了六杯面不改容﹗

當然生啤不可少，是Asahi日本來佬貨，保守估計我地呢六個人飲左十五jug以上，咩都抵番哂﹗

食得飽飽地當然係玩下啤牌啦，無人理喎﹗

各有各食，職員見到都唔太黑面，仲幫我地不停加酒加食物，呢六個鐘真係辛苦佢地了﹗

最後仲一人一個魚子醬雞蛋作結，近乎完美﹗

最後幾個變態的人由五點吃到十一點，飲飽食醉埋單一人$188人仔﹗在深圳算是高消費，不過當你親身感受到自己吃了什麼喝了什麼，就會覺得抵到爛﹗

比起上次來深圳吃的「大漁」味道更形出眾，樣樣都精緻又的骰，睇得出的有心機，食物種類更繁多，刺身更新鮮，環境亦更浪漫，未見有任何走單的情況，叫左咩食等一陣就o黎到，很不錯﹗

值得推介的一間自助場，來深圳要吃個飽玩得開心，來呢度無錯的了﹗

Dongwan&#39;s songs

秘密

手帕

櫻

Liar

Can't Forget[Last Gift To his fans before the military]  睇到好心痛..><"

送你走後 (LIVE 2005)

Special Stage - Dongwan & HyeSung

要用功了...

唔可以再懶了...要開始搵資料去行動喇!!!

(1) 去couple試衫...另外要去搵埋條敬酒裙!!

(2) 幫黃老闆買比阿B的女婿三寶...成日催叫我好去揀...仲話要揀好野比佢女婿...唔駛錫佢銀包喎!! @@~

(3) 揀帖款式

(4) 買鞋

(5) 搵花球款式資料

(6) 完成要DIY既野...起碼要有初稿 (黎小姐...我唔係講你o個d...你慢慢下...整靚d喎!! ^^)

(7) 搵頭紗及手套資料

(8) 諗下個 backdrop 用咩色咩設計

(9) 得閒就去買下o個d喜慶用品

(10) 訂姊妹裙...搵兄弟 tie

暫時係咁多先...

兄弟tie

照顧姊妹之餘...我都有去睇下d 兄弟 tie 既...絕對唔會偏心...heehee~~

其實我想兄弟全部著黑色西裝的...不過好似有d兄弟又無...所以算啦...唔想要人破費喇~~

響心入面始終想有d紫色點綴下...所以想用紫色做兄弟tie...之前買左條...諗住比d兄弟過下目...睇下d料得唔得...買左先記得走去問個sales 有冇七條存貨...點知佢話未必有咁多條...oh~~~好彩呢條唔係貴o者!!   咁即係唔駛比佢地過手癮啦~~~

再去睇下先...究竟而家d男生興幼身 tie 定上面o個種size既tie呢?!   不過呢條d料ok架...我摺埋放左入袋...都無皺既跡象...可惜無貨丫~~

 

尋找姊妹裙

為左影相出黎想靚d...所以一早已決定所有姊妹裙都採用同一色調...而同一系列當然更好...不過實際會幾難...因為班姊妹什麼身材也有...很難可以選用同一款式...其實我鍾意紫色的...不過這色系應該唔係個個接受到...另外亦因為其中一個姊妹已自行買了米色的短裙...所以就向這方向走罷...(1)米色 (2) 短裙...款式再自己揀...咁樣會唔會簡單D呢?

本來只買5條就ok了...不過伴娘不太滿意早前在溫馨租的長裙...不是款式的問題...原來她根本不想著長裙@@~~!!  所以唯有安撫她...買條短裙比佢 for 朝早著...夜晚先著o個條米色長裙啦...!!  其實我無乜 $$ 架喇...不過如果幾百元可以令到大家開心既話...我覺得都值既...!!  而買左裙o個位姊妹...我又唔想個個有佢無咁...所以決定買埋比佢啦...佢反對架...不過我係要佢要...heehee~~~^^ 

既然有要求亦唔想姊妹們周圍搵衫...而且租又不化算...這條裙就當是送比姊妹們的禮物...等佢地可以著新裙...又唔駛鏡住怕整烏糟啦...而我一早決定唔租 cocoon 褂啦...省下來的就用作買姊妹裙啦...哈哈哈~~ 希望各位都會滿意啦~~ ^^  至緊要大家開心嘛!! 

***

近日都有留意d姊妹裙...先前去百利及金都睇過下...其實顏色...款式及質素都係差唔多...有某幾間比較多款式...金都唔駛諗啦...租重貴過買呀...不過上網睇過好多姊妹做姊妹裙時遇到既問題...其實都幾煩...又驚遇到黑店...不過都好難分...只有希望自己好彩啦~~~

問過下睇過下以下幾間...唔想再行喇...仲有冇提議呢?

(1) 傾城婚禮 (2393 3788) - 金都 3/F

      開價 $350 (rent only)...仲要係六條以上先有呢個價...係咪傻架?!  買就過五百喎~~ 即係呢間可以不理~~!!  

(2) Formula (3586 9827) - 百利 1/F

      短裙 $350, 長裙 $430, 間鋪幾乾淨幾整齊... d 款都 ok 多...都係 d 大路款... 不過我上次去問時係 $280 架...家下我話做七條...佢反而話 $350...@@!!!  電話問同當面問差咁多既?  咁係咪當面問好D呢?  做一條又平過做七條?  @@"  海鮮價?!

(3) Exing (2735 8289) - 百利 G/F

      http://www.flickr.com/photos/exingsquare/page7/

      呢間網上幾多人講...有好有壞...我打去查詢時...態度好ok (可能我未落踏 @@")...比較多款...而家佢做緊優惠...不過落單要繳付全數...到時佢地既態度會唔會突變呢?! 

(4) PLOVEE WEDDING SERVICE (3741 0610) - 尖沙咀金德大廈 4/F 

     呢間未去過睇...問過價錢係至平的...態度又係好友善...又係有人用過 ok 亦有唔 ok...短裙 $198, 長裙 $298

(5) 天麗 (ANGE) (2302 0231) - 百利 G/F

      http://www.ange.com.hk/index_topic.php?did=67520&didpath=/41503/67520

      未去睇過...只係上網睇到...幾多款下...打電話問過資料...最貴呢間添@@!  短裙 $399, 要兩個半月先起到貨... over budget添~  唔知有冇價講既呢? 

(6) 一心一意 (3151 7192) - 百利 G/F 

        http://www.1312wedding.com/ 

        訂造 $250 一條....

***

幾間大致上都要預約...不過我應該會上去睇左先...無理由成班人上到去...睇唔o岩就拉大隊走架嘛...或者會睇啱就鎖定目標join 左 package...再叫d姊妹去揀衫...要集齊所有人一齊去好似有d困難...儘量啦...我都唔想走咁多轉...希望順順利利啦~~

綜合上述...大概估計一條裙約 300 蚊左右...當然越平越好啦...慳得一蚊得一蚊嘛...希望達標...!!  又要開始煩了... 再睇下先...一般一個月都起到貨既...

如果定好左邊間就會約埋班姊妹去揀衫啦...其實我都知話就話度身訂造...其實係分 S, M, L o個 d standard 野黎再度身改...希望唔太過份同谷氣就心滿意足了...

越黎越覺得...比 $$ 人賺之餘...仲要低聲下氣咁接受不公平的待遇...呢個世界真係變左了...

***

而家先醒起...本來諗住個 backdrop 係米白色...咁班姊妹咪痴晒埋牆?!  唉...又多一樣煩...轉咩色好?!  轉衫定backdrop 顏色呢?  轉邊樣簡單d呢?!  backdrop用粉紫加白色好無呢?  千多個問題...有人叫我是旦...是旦都要有個決定架嘛...就係決定唔到先煩嘛!!  近黎心火好盛...... 

近日很討厭呢個字 " 火頁 "...成日都圍繞我...搞一個婚禮...駛 $$ 就好似倒水咁...我爸爸同埋細佬o個d 都未搞呢~~~ 唉...自己o個d而家變得更加無心機搞...著便服算了~~ 有時駛 $$ 駛得值我都無所謂...因為都係預左駛架啦...但如果駛左 $$ 仲一肚氣既...我就覺得唔甘心囉~~

 

 

持花球方法

影過婚紗相後...發覺自己真係唔識點拎個花球...攝影師成日叫我唔好拎得咁hea...要有d美感先得...佢話唔好拎到好似渣咪訪問人咁...唔好拎到好似渣住流星搥扑人咁款...可能一向粗魯慣...D咁lady既野唔係好在行...~__~"  

係時候要學下d儀態...不過我驚點學到時都會忘得一乾二淨...因為我相信本性難移呢個定律...不過我會儘量...儘量去提醒自己...亦會叫d姊妹到時警告下我~~例如: 唔好笑到個口咁大呀...要張大D眼睛...唔好寒起背黎行...坐響度要廷直個身...行路唔好咁大步...記住自己係著裙唔可以跳跳扎...唔好再擺港女影相姿勢 (例如: V手勢)...唔好得意忘形等等等等......

***

網上搵黎同大家研究下...唔記得響邊搵番黎喇...謝謝原作者的分享啦 ^^"

持花球方法:

不同身型的新娘，都應按照自己身型來選擇花球。 身材高大的新娘，可選大束或
橫向式的設計，如彎月型、瀑布型等。而身材比較嬌小的新娘，宜選小巧、有高度
線條的花球，如Ｓ型等。

普遍的方法
1. 放在腰位正中（即肚臍位置）
2. 花球正面向外，讓別人看清楚
3. 新娘雙手彎曲靠在腰側，可減輕手的負擔

其他持法：
1. 方便隨意，自然舒適便行
2. 如輕巧的手束花，可持在腰側
3. 緊記花球朝向上或下
4. 持花動作切忌生硬，否則盡失美態

注意事宜

花球應該在婚禮前一個月訂製，好等花店方面夠時間準備。 最好提供婚紗照片予
花店之負責員工，好等對方提供專業意見，如何作出配合。
應先選婚紗及頭飾，然後再以花球配襯，花球雖然在婚禮佔一個頗重要的地位，但
它的職責，主要是配襯婚紗和頭飾，令新娘整體更完美，所以切忌太搶眼，能做到
一種整體美已足夠了。
婚紗通常偏向白色系列，所以不應選擇顏色太素淨的花球，否則婚紗相片會變得白
茫茫，浪費了花球的存在價值。 當然，亦要避免用大紅玫瑰，因為太個搶鏡。
花球切忌過大，令到由錦上添花變成畫蛇添足。 花球亦不能過小，否則感覺寒
酸。 要留意花球重量，如果花球太重就會變成新娘的一個沉重負擔。
花球切忌過份包裝（如將每一枝花獨立包裝、一大抽的絲帶、紗或花紙等等），因
為太累贅，不合現代簡約、清新的風格。
如果天氣炎熱，最好準備兩組襟花。 一組日用、一組夜用，以免襟花凋謝。
舉行儀式地點不同，所選花球色彩也不同。 如教堂舉行婚禮，花球宜選白色，粉
紅色等淡色為主。
除了以上的因素外，四時的不同亦需注意。 若選結婚的季節所盛開的花為花球的
主花，價錢會較相宜，而花質亦較鮮嫩。例如，春天選鬱金香、夏天選玫瑰、百合
等，而秋冬則選太陽花。
當花球的材料選定後，頭花、襟花等花材亦務必相同配合，以求達致一體化。 兄
弟團、姊妹團的襟花，亦要確保有足夠數量，免得不夠分配。

花球保鮮法

別以為將鮮花放置雪櫃內，便可保存得長久些，其實這反而會令鮮花凍死。 正確
的做法是，應放在陰涼或有冷氣的地方。至於手束式花球可浸在水瓶內及定時噴
水，即使在行禮當日，也應盡量把花束浸水，鮮花才不易變皺皮。

婚禮倒數日程表

水蛇春咁長@@~~

 

婚禮倒數日程表




12個月前
1) 決定結婚日期，擇日
2) 決定婚禮形式及行禮地點(中式、西式)
3) 預約婚禮統籌顧問
4) 搜集婚宴場地資料，儘早預訂酒席
5) 開設聯名戶口
6) 購買或租賃新居
11個月前
1) 制定婚禮開支預算
2) 商量聘禮及禮金
3) 安排雙方家長會面

10個月前
1) 搜集各地婚紗照資料

9個月前
1) 擬定護膚及健美計劃程序表

8個月前
1) 搜集婚紗及旗袍裙褂店資料，選擇合適的婚紗及旗袍裙褂店
2) 搜集新娘化妝及婚禮攝影攝錄資料

7個月前
1) 訂造或購買結婚戒指
2) 洽借教堂，邀請牧師或神父主持婚禮

6個月前
1) 拍攝婚紗照
2) 訂造或租借新郎西裝及禮服
3) 安排伴郎伴娘、花仔花女、兄弟姊姊團，組織婚禮籌委會
4) 草擬嘉賓名單，估計可能出席的賓客數目
5) 計劃如何裝修新居
6) 預約化妝師安排試妝
7) 選定攝錄影師

5個月前
1) 購買中、西餅卡
2) 替雙方家長挑選或訂造禮服
3) 替伴郎伴娘及其他工作人員挑選或訂造禮服

4個月前
1) 挑選飾物(頭飾、首飾)，以配襯婚紗晚裝
2) 製作結婚網頁
3) 計劃蜜月旅行，檢查證件
4) 安排婚前檢查
5) 安排婚前輔導

3個月前
1) 排期註冊或找婚姻監禮人
2) 諮詢教堂有關的限制，包括場地佈置、音響器材等
3) 與牧師或神父商量綵排程序
4) 設計及印製喜帖
5) 預訂回禮禮物

2個月前
1) 預訂洋酒、香煙及水果
2) 預訂鮮花，包括花球、襟花及佈置等花飾
3) 訂製結婚蛋糕
4) 安排婚禮場地佈置
5) 預約演奏樂隊
6) 預約花車
7) 籌備過大禮及嫁妝
8) 購買新居傢俬及用品

1個月前
1) 確定蜜月行程
2) 向公司請大假
3) 編訂教堂禮儀
4) 編製結婚典禮，婚宴程序表
5) 中西婚宴座位表
6) 編製結婚當日程序表
7) 確定綵排時間及地點
8) 最後確定嘉賓及工作人員名單
9) 安排到會食物
10) 寄發喜帖及餅咭
11) 試穿婚紗、裙褂、晚裝及禮服，並作最後修改
12) 預訂婚紗鞋及晚裝鞋
13) 選購禮服配件，包括頭飾、面紗及手套等
14) 購買內衣、絲襪
15) 安排蜜月旅行，包括預訂機票、酒店及購買旅行用品

2個星期前
1) 確定婚禮授權書已送到牧師或神父
2) 確定婚宴圍數及菜式，並安排試菜
3) 準備一切結婚禮儀用品，包括文具、茶具、利是封及嘉賓題名冊等
4) 最後試妝、試髮型、試婚紗及禮服
5) 執拾家居用品及安排新居入伙
6) 開設保險箱

1個星期前
1) 婚前綵排
2) 舉行戥穿石及姊妹團聚會
3) 預訂回門燒豬
4) 檢查所有婚禮及婚宴物品
5) 確定工作人員的角色
6) 最後確定婚禮出席名單

2日前
1) 佈置教堂
2) 備妥各項所需費用，包括教堂、利是及小費等
3) 向家長及所有工作人員講解結婚當日程序及各人職責
4) 提醒化妝師、髮型師、攝影師及各工作人員準時到達
5) 到美容院徹底清潔及護理皮膚，包括去除汗毛、體臭、暗瘡、修眉等
6) 美甲及頭髮護理
7) 預訂酒樓午膳
8) 提取婚紗、裙褂及禮服
9) 預備奉茶茶具、跪墊、熨斗、針線等工具
10) 執拾旅行裝備、提取機票

1日前
1) 分發婚禮程序表及座位編排表
2) 收拾婚禮及婚宴物品，並順序排列
3) 由大妗姐或長輩為準新娘上頭
4) 充足睡眠，迎接大喜日子

婚禮當日
1) 化妝師報到
2) 姊妹、攝影師報到
3) 兄弟、花車報到
4) 由男家出發到女家接新娘
5) 玩接新娘遊戲
6) 女家斟茶、叩跪岳父母
7) 新人、兄弟姊妹團由女家出發到男家
8) 男家斟茶
9) 午膳
10) 化妝師補妝
11) 出發到教堂或婚姻註冊處或證婚地點
12) 舉行結婚典禮
13) 與親友拍照
14) 出發到婚宴場地
15) 攝影師、兄弟姊妹報到，佈置場地
16) 化妝師補妝
17) 斟茶、分蛋糕給賓客享用
18) 與親友拍照
19) 新人進場
20) 切蛋糕、交杯、祝酒
21) 致謝詞
22) 晚宴開始
23) 上菜、敬酒
24) 玩新人遊戲
25) 新人、男家人及女家人送客致謝
26) 晚宴完滿結束
27) 新郎結賬
28) 新人、兄弟姊妹收拾衣物、酒水及雜物

婚禮1日後
1) 交還頭飾婚紗、裙褂及禮服
2) 記錄收到的賀禮
3) 沖曬照片
4) 寄送感謝卡
5) 執拾旅行裝備，出發渡蜜月

壹誓証婚 - 婚前工作坊

2008年3月6日又是一個值得紀念ga日子

我們上了壹誓證婚服務An Oath Celebrant Service

簽署擬結婚通知書

簽完之後要參加一個一小時ga婚禮前工作坊

本身都奇怪點解要坐一個小時聽野

聽完之後就發覺獲益良多!!

而且我覺得我 join壹誓證婚服務好明智tim!!!

 

主持工作坊ga係佢地ga律師--黎耀

佢份人又風趣又幽默!!

佢好詳細咁介紹左個結婚程序

仲教你地點樣可以有個難忘ga婚禮.

 

佢解釋難忘ga婚禮不在於場地不在於佈置而在於---人

即是兩位主角新郎同新娘!!

因為你ga來賓就好似睇球賽ga觀眾,

如果你地好投入咁踢, 佢地就會好投入咁睇,

而end up就會有好難忘愉快ga婚禮!!!

 

佢總結左佢地主持ga婚禮

而得出好多寶貴ga經驗提醒我地,

而佢主要提醒左新郎哥個日好多細節!!

 

1. 老婆march in 時唔好心不在焉, 左顧右盼,

而要面向走廊把目光一直盯著你的新娘子.

 

2. 新郎要向前行迎接新娘子,

還要和新娘爸爸說一些話才把新娘子接來, 不要搶!!

 

3. 全程是全程要拖著新娘子,

不要令她好像被人放置一旁,

(其中有很多橋妙,

怎樣可以不放手戴介子

和走位等等我下次再畫圖和大家解釋)  

 

4. 如用介指枕要想好綁法可以單手拿出介指

以免拿不出來令氣氛變得不莊重 

(佢地有得賣一種介指枕係打到一個單繩結,

你地最好問定賣介指枕的地方怎打結才買)

 

5. 新郎哥請辦別清楚那一隻是新娘的介指才拿起,

因為很多新郎哥隨便拿一隻,

最後自討苦吃,

因為你的娘子是會硬把那小小的新娘介指

戴入你的手指才肯罷休!!

 

6. 為了影相好看, 不要遮住晒新娘子隻手,

要用左手輕輕地托起她的左手,

右手不要擒拿手咁拿介指,

正確方法是:

 

 

7. 不要看著誓詞宣誓,

你是在對新娘作出終身的承諾

請含情默默的望著她講出承諾!!

(壹誓證婚服務的律師是會輕輕在耳邊提你的)

(沒有人提示的新郎請你背了這簡單的誓詞吧)

我請在場各人見證: 我XXX願以你XXX為我合法妻子

 

8. 一定要帶新郎、新娘、兩位主婚人的身份證明文件正本!!

聽聞有D新老爺個日會換新銀包,

不過裡面係冇身份證ga

 

9. 頭紗太長掀起時要小心掀起時動作古怪,

可以先用捲ga手法捲到新娘ga鼻ga地方再做掀ga動作

(試婚紗時不妨先練習一下)

 

10. 錫新娘moment: 新郎不要向前傾地kiss新娘

先不妨做下眼神交流

向前貼緊了新娘後再 kiss會自然d

錫新娘---其實是代表這個承諾、

這個婚姻法律你願意加上火漆來遵守

是一個別在意義的一吻

所謂seal it with a kiss

請大家enjoy這一刻

 

11. 以上咁多點新郎新娘最好多先預習幾次

pratices make perfect

証婚位置圖

通常新人都只係通知酒店/酒樓佢地會係個度註冊,

而唔會交帶佢地點佈局!!

通常酒店/酒樓都會set 成以下兩款其中一款:

1. 記者招待會式:

2. 三邊式:

註:G-GROOM 新郎

B-BRIDE 新娘

C-CIVIL CELEBRANT 婚姻監禮人

F-兩位新人父親/證婚人

大長方形係個stage

小長方形係張枱

 

呢兩種setting  嘅問題在於影相唔好睇,

新人有一半的身體給枱遮住, 大家看不到呢!!

大家辛辛苦苦搵嘅靚靚婚紗,

在呢個special moment 只係影到一半,

不是有點可惜嗎?

 

所以介紹大家一個setting以供參考:

你地可以先同酒店/酒樓交帶要呢種setting!

1. 首先註冊的枱不用太大, 只要一張書枱size,

長的一邊坐到兩個長老就ok了!!

騰出stage 嘅空間進行註冊儀式,

呢個step1係婚姻監禮人恭賀新人,

宣讀法定致詞然後問你地明唔明白嘅stage

新郎新娘打側30度左右(我畫得似45tim)

慕求左面ga觀眾睇到你地六分至七分面,

右面ga觀眾就睇到晒你地!!

新娘係中間, 因為咁樣比較似主角,

不過如果家人有兩男一女成嬲字嘅禁忌都可以改嘅!!

2. step2係交換戒指同宣讀誓詞+掀頭紗+Kiss:

個新郎移向另一邊,

然後幫新娘作一個角度ga移動,

律師走去擬似神父位,

新娘個日著住婚紗,

所以減少活動幅度會elegant D!!

3. 簽結婚證書:

做完主角影到d全身靚相後再慢慢去後面簽字,

新郎同新娘輪流坐係個位到簽字!!

 

呢個setting係因為大多數酒店/酒樓個stage係好細,

如果你個stage夠大,

你可以用記者招待會式or三面式,

不過枱前仲要有大量空間,

你地首先在枱前做step1 and step2

然後再返枱到做 step3!!