牙痛

牙痛左幾日...諗住食下止痛藥可以頂得住...點知越黎越痛...講野時好似成泡口水咁...講野唔多清楚...

放工後去左商務睇下書...當然係旅遊書啊...heehee~~ 係時候要睇下去邊 honey moon 喇~~ 衝出亞洲講左好多好多年...不過年年都係走唔出去日本...去台灣...上年仲響半年內去了兩次韓國...

想過去澳洲...不過咁多日假又想去遠 d ...阿B話去歐洲...我當然唔反對啦...哈~~ 不過我又唔太懂歐洲有乜地方想去...所以就去睇下書啦~~~

睇左一輪書之後...覺得意大利同法國最想去... D 景好似幾靚...而且又幾熱鬧...幾o岩怕悶既我...去旅行我鐘意全部時間塞滿行程...因為咁難得去外地...我唔想 hea 下一日囉...因為平時我響屋企已經好 hea ...所以每當我去玩就好積極...唔訓都得...哈~~

買左兩本書黎睇...遲d去旅行社睇下有咩團先得... 除左呢兩處地方...仲有荷蘭...瑞士...奧地利都想去...哈~~ 係咪太多心呢?!

近呢幾次去旅行...我地都唔係跟團...只係自遊行...自己plan行程...當完成到既時候就好有滿足感呢~~~ 不過我既戰績都只係寫過兩次台灣...兩次韓國...都算順利完成丫~~

不過今次我地唔係自己 plan 行程喇...阿B話去 honey moon 唔好咁煩搞咁多野...輕鬆跟團好d喎...而且外國地方大...自己搭車都幾浪費時間金錢呢~~ 加上要做好多功夫先去得到...而且意大利又好似成日罷工...好多問題估計唔到...所以都係決定跟團喇!!

其實都唔知去唔去得成...不過而家可以發下夢有d寄託...幾好丫~~~哈~~

***

睇睇下書其實隻牙越黎越痛...所以都係走左去睇醫生...醫生初步估計我出智慧齒...可能唔夠位出所以而家發炎...不過都未知係咪...因為我睇既唔係牙醫~~ 叫我食消炎藥睇下點先...不過塊面有d腫腫地呢~~ 而家我變左四方面型呢~~~

夜晚好痛好痛... d 止痛藥力一過就好痛...嗚~~~牙痛真係慘過大病呢~!!

而且醫生收我 $230 ...sat 仲要去覆診...即係總數有 $460 會響我銀包飛走啊!!