因為1018大會有眾多兄弟姊妹...加上男女家的親兄弟姊妹...襟花手花需要一定的數目...真係幾貴啊...!! 睇過下其他 blog 友既 DIY...又好似幾易整咁...而且由自己整...好似有誠意好多... (其實為左想嗌下近黎好 hit 既口號 : 慳得一蚊得一蚊!! 哈~~~)
去過繽紛睇過下 d 絲花...好靚又多款...不過好貴呢~~ 網上爬左blog咁耐...唔多唔少收到 d 風...有好多 blog 友發現花園街 (向太子方向) ...有個伯伯的絲花又係又多又靚...但係價錢就平好多...而且伯伯幾好人的......
今晚去開旺角就去闖下花園街啦~~~ 其實我唔知檔口既正確位置...所以無方向感既我...響花園街中間企定定左一陣...黎認清邊度係向太子方向!!! 行左幾個檔位...突然眼前就出現左一檔擺滿各式各樣的絲花...再黎梗係確認下個檔主係咪伯伯啦~~~ 望左一陣唔見有人既?! 原來伯伯個子好矮小的...!!
應該係呢檔無搞錯啦~~~ 真係好多絲花呢...!! 係咁揀呀揀...買左 d 茶花同埋小牡丹... 盛惠 $102...伯伯話收我 $100... 慳左兩蚊!! 慳得兩蚊得兩蚊!!! 哈哈哈~~~ (中左廣告毒!!)
呢堆野將會係我既 " 笨手笨腳實驗室" 既襟花手花試驗品既材料...希望研究同實驗成功啦~~~!! 其實將呢埋野束埋黎做花球都幾靚架~~!!
上次響德祥買左 d 襟花針...珠珠等等...響笋崗買既熱溶槍...好快就可以有用武之地了...嘿嘿嘿~~~
之後行下d 平平朱耳繩檔口...見到條粉紅色既珠鍊...喎?! 好似幾靚啵~~~ d 珠珠...無錯!! 我係睇中 d 珠珠...我個腦當時即刻閃過一個念頭...不如買黎拆左之後再穿過...用黎做姊妹手花條鍊都好似幾好睇啵!!! 仲買左卷穿水晶鍊用既繩!! 雖然我未諗到點將d珠鍊同手花連埋一齊...不過個 idea 應該會 work 掛!!! 一於咁話!!
仲買左對 Double happiness 既耳環~~~ 用黎比我隻大口妹公仔用...哈哈哈~~~ 我發覺我正經野又唔去搞...專搞埋呢d無聊野就好開心好積極!! 大概...我唔係做大事既人...哈哈哈~~~
上網再搵下 d 做襟花手花既秘方先得!! Let's go!!!!
d 襟花針德祥賣幾錢呀？
回覆刪除[版主回覆07/07/2009 01:17:00]$18 / 12 pcs ...
德祥都幾多野睇架!!
你買0既花同我個 DIY 花球一樣呢!!
回覆刪除我都係0向伯伯度買架~
[版主回覆07/08/2009 01:08:00]你識整花球好叻呀!!
紫色黃色襯埋好 sharp呢...
所以你個花球一定好靚喇!!!
咁你識唔識整襟花手花呀?
想問個伯伯鋪頭正確位置o係邊呀?
回覆刪除[版主回覆07/10/2009 11:47:00]如果無記錯...應該係花園街太子段... 弼街向聯合方向左手邊.... 唔係鋪頭係檔口仔... 得一間檔仔賣絲花架咋~ 應該幾易會搵到架~~
我上次用剩左0既花做埋新郎襟花去影相~ 手花就未試過啦!
回覆刪除我個blog有寫我整花球0既過程，好求其咋，大家交流0下~
[版主回覆07/14/2009 00:52:00]我就係唔識點束埋一齊唔會鬆...
我會過你度偷下師 ^__^
搵到人教整手花...我再post出黎分享啦~~
我整花球時先用橡筋 "cool"住定左位先，然後再用綠色紙帶黎扎 (拉0既時候有黏力0既)，扎到咁上下就剪斷番條橡筋lor~ 再加絲帶就好ok架啦~ 不過我 big day 可能都係用鮮花花球 :P
回覆刪除[版主回覆07/16/2009 01:29:00]講講下我都心思思想試下整添 @@~~
到時可以用黎拋花球...睇下邊個咁"幸運" 拎到我既傑作...hee~~
Big day 我都會用鮮花球呀...覺得真實d 真係靚d架 ...
請問其實間舖既位置喺邊ga? 我之前都想DIY絲花,但搵唔到間舖.
回覆刪除你花左$100係咪包埋上面D工具GA LA?
[版主回覆12/12/2009 11:08:00]唔係鋪頭黎架...係檔口仔...你由新世紀廣場既電梯口...轉去右手邊中間既攤檔...
直行經過晒d生果鋪就會見到伯伯個檔口喇~~!!
$100 只係絲花咋 (可以做到12個襟花)...
其他工具材料要另外買架~~