出發喇！ 去玩喇！！

出發去機場喇！！

日本~~~我地黎喇！！

朗豪坊 及 又一城的聖誕裝飾

星期二晚 (22/11) 要去朗豪坊拎 CONTACT LENS...順便驗埋眼...近視 & 散光都無加減...

不過係時候都要護下眼喇...!! 

今年的聖誕裝飾係 HELLO KITTY 啊...而家同公仔合照的話...要排隊呢...都好啊...起碼唔駛慢慢等無人...!!

大大隻的 KITTY 的確好吸引...連我地呢D唔係吉蒂迷都係咁影....!!!    真係整得好靚呢~~~~

如果呢兩隻係大口仔 & 大口妹就更好喇~~~~~~~~~~!!! 

星期三晚 (23/11) ... 去左又一城...不過好似未開燈未開放...所以只係周圍影下D環境...

唔知開燈後靚唔靚呢?!  遲D再黎睇下先~~~~~~~~~~~~~~

周圍好多腳長長又好瘦的另類聖誕老人啊~~~

 

 

 

2011-11-19 拍拖紀念日的晚餐

行完西貢沙灘...就開始搵野食...本來都想食海鮮...不過兩個人又叫唔到d乜食咁...

所以繼續行...終於又去番上年去過嗰間...!!


不過經過一年時間...人和食物質素都變差了......

上年見的 waiter 小妹妹...以前可能剛出黎做野...好怕醜但好 nice...

今年變 cool 左...無晒笑容了!!  係咪響一個工作環境做耐左...人就會變既呢...?!

其實我都相信會係......見太多了...!!

雖然係坐在街上...不過只要能一齊渡過開心時刻...去邊食都無所謂啦~~~!!

YEAH~~~!!   拍拖十N週年快樂啊~~~ 呃~~~細細...你好唔合作啵!! 

我地點左一個西冷扒餐 & 一個豬仔肉餐...好快就送湯黎喇~~~

阿B話個忌廉湯好稀好淡...我碗蕃茄湯...好似D扒餐既汁咁...@@~~~~

阿細你咁都 LUM 晒脷仔?!  




細細初時都唔肯單獨坐響張櫈度...要坐上去我地隻腳上面...

仲要走黎走去...驚我地會吃醋咁...@@~~~

終於過左一陣...佢開始眼訓喇...我地就可以開餐喇~~~~~~~~~~

攰到佢丫...郁佢都唔醒呀~~~~~~~





個餐睇個樣好似好好味...其實我地已經唔係講究既人黎...

不過件扒真係好難切得開...好 UN...

豬仔骨D肉就好似煲完湯既肉...一夾就散開~~~

OH~~~ 居然響今日食左餐差勁的...都算難忘了...嘩哈哈~~~

 

 

個餐可以選擇飲品 /  甜品...我地兩個都揀甜品...

Tiramisu & Blueberry Cheese Cake

好彩個甜品還可以...拎番少少分~~~!!

食飽之後就返歸喇...細細一上梳化就訓得好甜喇~~~~

今日係咪好好玩呢...?!  下次又去玩過!!! 

 

2011-11-19 我們拍拖十N週年節目~西貢行

上星期六 (19/11) ... 差唔多全港市民都知係 TVB 的台慶日...

而只有我們的朋友先知道呢日...係我和阿B拍拖十N週年紀念日!! 

哈~~~ 想當年呢日...我地係食住出前一丁雞蓉麵...睇住台慶節目......好懷念...!!  真係難忘的特別日子!! 


今年決定呢日要同埋細細一齊渡過...想帶埋佢去西貢玩~~

不過之前幾日成日落雨...我仲同舊同事達人T話 : 快D幫手叫太陽伯伯星期六開工!! 

終於朝早已經開始有陽光...真係好開心...行動可以照舊!!


放工之後...去朋友屋企附近拎埋佢地對結婚公仔...就返屋企帶細細闖入西貢喇!!


小狗細細今日好開心...又好興奮...!!  有得玩...任何人都開心...!!  好過自己一個匿響屋企啦~~~

阿B近黎欠我好多相...不過算啦...佢咁忙...有時間都比佢休息下啦~~~!!

所以今次D相又係我架相機仔的傑作...我影相...有冇進步左DDDDDDD呢?? 



小狗細細一貫作風...做跟得小狗...成日痴住阿B...行到邊跟到邊...

初時仲成日扭抱...好搞笑...好似一個痴情太太成日纏住老公咁...嘩哈哈~~~

比水佢飲都唔飲...要面對面望住阿B...認真痴情~~!! 

跟左阿B一輪之後...小狗開始對附近環境好奇...開始自己周圍逛喇...!!

有時仲要越叫越走...要走去 " 的" 佢返過黎...!!!

沙灘有位熱心太太...見我係咁用相機影細細...

佢主動話幫我同細細合照...而阿B就響不遠處影人地影我地...@@~~~

好搞笑~~!!

呢兩張相好搞笑...佢地非常之合拍~~!! 

今日好多人撩細細玩...佢又來者不拒喎...引到D人好開心...係咁同佢合照...

呢個小妹妹好鍾意細細...係咁撩佢玩...

佢D屋企人叫妹妹抱抱細細...阿細一聽到 " 抱抱" 居然走去阿B度扭抱...個個都係咁笑...哈哈哈~~

細細又成日認錯著牛仔褲D人係阿B...真係比佢笑C丫~~~~





今日阿細有個大躍進呀!!   就係主動走去水邊玩呀~~~ 完全唔驚水!! 

唔知下次再黎...佢會唔會落埋水呢!?  下次帶定毛巾先得!!

佢響水邊來來回回咁行...好得意~~~

行出一堆腳印仔~~!!  




佢係咁行出行入玩左好耐下...好似好忙咁...

有時仲會越行越出...好似電視劇D人自殺咁行出海...@@~~

最後驚佢濕身無毛巾抹身...所以要叫佢返轉頭.......做乜今次咁夠膽呀??!!

之後又想走上人地隻獨木舟喎!!  而且仲跳過之槳...比佢笑C我地丫~~~~

細細似乎開始鍾意行沙灘喇...上年帶佢黎時...佢唔鍾意行落D沙度...唔知係咪覺得拮腳板呢?! 

哈哈~~~ 睇下隻腳仔玩到濕晒喇...!!

呢日既天氣非常好...不過都有D熱...所以都唔可以逗留咁耐...其實我地響度都兩個幾鐘LU...

之後行番出碼頭...小狗開始想人抱...最後比佢成功...阿B抱住佢行...

真唔明...隻隻狗仔都自己行...呢隻特別痴身~~!!

行到咁上下...居然踫到一群牛...唔知點解會行到黎呢度呢?!  @@~~~

有十幾隻架~~!!

 

玩到太陽落山...要去搵野食喇~~~~!!!




黎西貢有樣好...就係可以帶狗仔黎...之後又可以響附近餐廳食野...

雖然要坐室外...已經好開心喇~~~~!!!