我家的小狗...我相信當我地唔響屋企時...佢會玩到好顛...當然佢會係訓夠先開始玩...
佢咁識歎...唔會一開始就搞亂自己個安樂窩既!!!
為左令佢訓得舒服 D ... 平時已經縱佢比佢自由上梳化訓...
知佢貪靚...食完野飲完水一定要去抹下咀... 而且佢鍾意訓有野鋪住既地方...!!
所以我地長期放兩條毛巾響梳化比呢位小姐用!!!
可能佢睇穿呢樣係為左佢...所以佢好鍾意成日響毛巾上玩180 至 360 反身碌黎碌去...
碌多幾次就會全部野比佢拉跌落地...!! 佢先會收科!!
所以每晚返屋企必會見到以下情景!! 今次算小兒科了...
有時全部野係跌晒落地...個 cushion 會去左廚房門嗰邊!!!
可想而知...佢係玩得幾瘋狂下~~~~!!
不過...我又好鍾意見到佢咁玩...起碼証明佢好活躍下!!!
睇下佢個樣...佢知我話佢架...扮若無其事呀...幾厚面皮丫~~!!
前幾晚...又扮憂鬱多野諗咁...問佢諗咩...只係望我一望...又望向第二面繼續諗野...
究竟小狗會有咩心事既呢?! 係咪響度諗緊計...第日又點玩好呢?! 哈哈哈哈~~~
而家叫佢比 hand hand 有點懶...成日想唔比咁...有時扮聽唔到...仲扒響度...
狗仔真係越大越精...!! 知道無野食又要做動作...佢就唔制!!!
而家佢越黎越嗲...有時朝早返工...佢會入埋黎沖涼房等我@@~~ 叫極都唔肯出番去!!
到我吹頭時...佢又行去床邊望住我...我坐低佢就即刻爬上我隻腳上面...好唔客氣咁響度訓教~~@@!!!
有時唔忍心叫佢訓番落床...就由佢坐到我吹完頭......
我都想可以陪住你啊...朝朝好似難捨難離咁...搞到我朝朝都好唔捨得佢...嗚~~~
好嗲呢....
回覆刪除[版主回覆11/14/2011 12:27:01]佢家下成日發脾氣...嗲到七彩呀!!