2011-11-17 油畫 x 相簿

上星期四 (17/11) ...約左同學仔玩油畫 + 相簿的 crossover!!!! 

呢堂真係勁好玩...因其他人改晒時間...但佢地照舊比我地兩個去玩...真係好人~~~

一上到去首先就係揀相簿裡面 d decoration...每人揀十五張貼紙...

睇得出d貼紙係佢地自製的...!!  再揀隻立體公仔貼...真係好心機...咁多自製物品...咁都幾好啊~~!!





之後又派左d coupon 比我地...好搞笑...仲有得玩抽獎...又有野食...又有野飲...

玩完仲有成品可以拎走...都係 $78...好似黎左歡樂天地~~~!!

而且阿sir又好人...成堂係咁讚我地...讚到我都唔好意思...

忍唔住話 : 阿sir...!!  你好假啊!!!  嘩哈哈~~~~




其實我都無諗過畫乜...不過既然係相簿...裡面又將會放家人的合照...

好自然佢地又成為今次被醜化既主角!!!   真係唔好意思...嘿嘿~~~~

首先阿sir 就教我起稿...右手邊係阿sir畫的...左手邊係我畫的...高下立見...!!!  

雖然我畫得唔係咁好...不過我都好用心去畫好你地架...唔好怪我畫醜你地啊!!!  

同學仔就揀左隻兔仔黎畫...阿sir勁好心機呀...叫佢畫多d 野黎襯托隻兔仔...等畫面豐富d!!!

而且仲教得好仔細...基本上成堂都教佢...可能阿sir覺得教我都係浪費心機...嘩哈哈~~~

阿sir極好人...我地成堂嘻嘻哈哈...笑聲 & 噪音音震教室...!!

另外兩位工作人員都好好人架...都唔怪我地咁嘈...仲笑埋一份添...真係玩得好開心~~~

同學仔首先完成...佢好開心呀...之後猛讚自己畫得靚...有天份...真係比佢笑c 我...

而且佢仲開心到搭車時...即刻影左張相放 FB ...見到佢咁開心...我都覺得好開心呢~~~無介紹錯佢黎~~^^

事實上佢又畫得真係幾好啊~~!!! 

之後魔王 (即係我) 都完成喇~~~ 哈哈~~~

上次畫左家人的側面...今次畫埋家人的背面...好溫馨的場面...!!  嘩哈哈~~~

我覺得好搞笑...家人唔知我今日玩乜...回家途中...佢猛問我今次去玩乜...?!

我又賣關子...佢好心急想知我又唔講...好好玩...!!  不過佢即刻估到啦~~~~~~~~~HEEHEE~~~

阿SIR叫我地將D作品黎張合照...佢都有影架...遲D就會貼上 FB 貼堂架喇~~~!! 

返到屋企...拎埋上次幅畫出黎合照...笑到家人丫...!! 

呵呵~~~~ 又一搞笑傑作出爐~~~!!!  

我問阿B今次比幾多分...因為舊同事T又問我得分多少...哈哈~~~

家人評分 : 得分 60 !!   嘩~~~~~~~~~~~ 進步左呀...上次得50分咋!!!!    開心到想開香檳呀~~!!!  

中場阿SIR極搞笑...佢話不如玩左抽獎先...得我地兩個人...變左人人有份...仲有頒獎儀式...真係好搞笑..!!

今日真係玩得好開心好盡興呢~~~!!!   我抽到呢個迷你食物盒...同學仔就抽到迷你哈蟆吉蒂的公仔~~~!!

 

阿細...你個樣駛唔駛咁無奈啊?!  你梗係唔知自己背面係咁啦~~~~所以我咪畫比你睇囉~~~!!  

係喇...係喇...我係畫得你肥左...下次再畫好D啦~~~~~~~~~~~