2011-10-29 遊柏麗灣

行完方舟之後...食埋 LUNCH ... 就響沙灘行下影下相...

呢條橋響上面就行左好多次...第一次同佢合照...

其實都係條行車路之嘛...@@~~~ 我地就係咁影...好鄉里...無辦法...少出城~~~!! 

至搞笑係我地響沙灘...原本寫左一次日期...影埋相...之後先發覺寫錯日期...哈哈哈~~~~

後黎返去至再寫過 " 2011-10-29 " ...之前寫錯 " 2011-10-28"呀 ...  兩個大懞精!!!

點發覺...?!  咪係同事個女響今日生日...我地睇 FB 先知記錯日期囉!!!!  

今日天氣幾好...唔太晒...唔太熱...又唔凍~~~!!

 

行完沙灘...就行去馬灣公園...呢度好多人影相...

有D 黎影畢業相...有D影 cosplay...有d影婚紗相~~~~

我地見到有雪糕賣...即刻買左兩支...一人食一支...睇人地影婚紗相......

原來呢度唔係好大...行左一陣...我地都行完喇...

之後又上左山行左陣...又影埋D無聊相...不過響阿B架機度...

落番黎又響度玩無聊野...就係玩上次去台中玩時...朋友教的十張自拍...哈哈哈~~ 好好笑~~



雖然影得唔太好...不過夠真...我地仲要多多練習下先得...

真係好好玩~~~~好好笑~~~ 今日過得勁開心...

遲D去日本都要同D朋友一齊再玩過先得...!!   

同朋友一齊有另一種開心...二人世界幾時都可以...!! 

其實除左要 sweet 之外...有時都要有朋友在身邊結伴同行...

能夠成班人一齊去玩...真係好難得...!!  好期待下一次旅程的來臨~~~

 

傻下傻下...笑到彎晒腰之後...玩完一輪...再影多陣相都差唔多六點幾喇...

再見喇~~~柏麗灣...有機會再黎

我地決定坐車出旺角食 dinner~~~~

出到去...首先分道行一陣...佢去行電腦商場...我知 朱古力 今期同 Baby Milo 搞 crossover...

梗係上去睇下咩環境啦~~~~ 我想買衛衣, T-shirt,袋, 公仔等等...

至緊要係想要佢既贈品 iphone4 case & 毛氈被!!!

之前已經同舊同事達人 T 一齊研究過有咩靚...討論左幾日...預左要排隊...不過無諗過咁誇囉!!!

上到去...排到兜左幾個圈...都唔知要等幾耐...而且呢日只係賣衫...要過兩日先出其他野...

排左一陣...醒起家人個電話比佢玩謝左無得用...所以放棄排了...

行左商場一陣就去預定約好既地方等家人B...!!

佢都好奇怪我會空手而回...!!!  哈哈哈~~~

無收穫唯有響樓下影下相啦... LINE 比達人睇...

達人話佢都拎左紀念品...哈哈~~~ 就係嗰張 catalog...!!!  比佢笑c~~~

過左幾日...去左沙田買埋部份心頭好...包括 : 化裝袋...公仔...幾件 T 比阿B...

再響丫烏 bit 左想要既大袋... 達人就好啦...近生日...佢d朋友送左個細袋 & 化妝袋比佢呀~~!!

搵到個好賣家...試問 fast trade 只係賣貴 $41 ...速成交...!! 

之後同學仔想買都已經賣晒喇~~~ 幫佢搵左另一個賣家...但賣貴少少...

佢話唔制...貴過我...話唔買...嘩哈哈!~~ 但又走去周圍睇喎!!  笑c~~~ 無再平d架喇...接受現實啦~~ XD
 

bit 左 set limited edition 同埋年開胸衛衣......又唔係貴原價好多...唔駛排隊真係 happy 爽...

真係好...遇上三個好賣家~~!!  賣貨又唔係賺好多...又超 nice... !!

賣衛衣那位仲好好人...知我地會去睇張敬軒 concert...

就約我地去九龍塘等...仲教埋我地點駛去九龍灣添~~!! 

響朱古力勁出血...有兩個 iphone4 case 贈品...不過已經無晒迷彩款...只有白色家族版...

另外有兩張氈贈品...靚到丫...送左一張比舊同事達人T...開心到佢丫...

當晚佢收到後即影放上FB ...即用仲話好暖!!  @@~~~

丫烏 D 人放出黎要成三舊水架!!!  真係搶呀~!!

仲有D T-SHIRT 包裝盒送埋比佢...佢咩都儲...開心C佢...

唔好話呀...D盒 & 紙袋真係有人拎黎 BIT 架!!!

 

 

 

講開達人T...佢無做野...做緊少奶奶...成日去高茶...近黎又成日整甜品...

上次比左個芒果流心布甸食譜比佢...佢將佢發揚光大...我仲笑佢整芒果瀑布布甸...

呢次佢又整左 木糠布甸...佢既拿手作...佢仲請左我地幾個食添...




佢真係無作大...!!  真係好好味!!

丫...講買無謂野我就超精神...越講越遠添...講番去完柏麗灣...

坐車出到旺角...我地又係睇人地 D 傳單...比人講兩講又入左去食野...

呢間響女人街 D 巷入面... 我地見最平既 SET 只要每人九十幾...所以試下...

其他檯D人...個個食勁餐...有得睇師傅表演...

我地裝裝下都睇到...哈哈哈~~~~

話明係最平既餐...都係師傅即場整...不過用既係普通料...

我地都無乜所謂... 周圍試下...好食讚下...唔好食當笑話囉~~~







食完之後就搭車返屋企喇...出左成日街超攰呀~~~!!  但係玩得好開心~~~!!