朋友的兄弟襟花 & 姊妹手花 ~ 完成!!!

朋友的婚禮用品最後一個大項目...終於響上星期六 (22/10) 及星期日 (23/10) 搞惦晒喇~~!!

第一次做有公仔的襟花 & 手花~~~ 其實都幾傷腦筋...!!

又驚整得唔靚失禮人...公仔有限唔可以出錯...!!   所以呢個項目一拖再拖...

直至上星期實在無可再拖...於是首先整D襟花先!!

首先響檯面整左個模擬版 send 比新郎哥睇...ok 就動工了!!!  


< 初稿 >

將D材料響檯面砌個模出黎.......

 

又匿響廚房整整整~~~ 一檯面都係貓仔頭...!!

之後又將所有配件材料分開一份份...因為驚整既過程漏左......

搞左一大輪終於都完成左五個襟花...

呢個時候新郎哥話比我知原來佢無準備新郎的襟花~!!!!  

即刻數下夠唔夠貓頭...減左上次整簽名筆嗰六隻...計埋d兄弟姊妹仲有剩...好彩!!

所以拿拿臨整多個...仲加左d 工同其他既襟花有少少唔同!!

係咩?!  咪係新郎哥嗰個多頂禮帽囉...仲有嗰兩個毛毛波都係 sharp d 架 ~~~~~~~~~~哈哈哈~~~





整出黎 size 同我結婚時整比兄弟 d 襟花差唔多大...!!

如果嗰時搵到大口仔頭就好啦~~~~~~~~~heehee~~

新郎哥既襟花完成喇...!! 

一班兄弟圍住新郎哥黎張合照先~~~!!  

伴郎加四兄弟的襟花完成喇~~~~~~~!!!

之後搵番 d 靚靚咭紙... cut 兩刀...將個 T 字扣插入去...

到時 D 兄弟成張咭插入去就得架喇~~!!  唔駛用個扣針喇...方便之餘又唔駛扣爛件西裝褸~~

如果件西裝袋無開到...都用得...!!  只要將張咭紙摺細D...直插就得喇~~!!   明唔明?!

模擬示範~~  都幾靚丫~~~ 隻貓頭越睇越可愛...可能佢成日都係笑騎騎啦~~~~

完成左襟花之後...拿拿臨第晚就開工整手花...!!!

手花多左穿珠鍊的工序...之前幾晚已然穿晒~~~

又係首先分好 D 材料配件...一字排開等住痴...哈哈~~~

有左痴襟花既經驗...痴手花快好多...唔駛三個鐘就搞惦晒 D 姊姊喇~~!!

 

既然整左新郎襟花...唔爭在整埋新娘手花...用黎同D兄弟姊姊影下相都幾得意丫~~~~

屋企材料有限...所以只係加左個蝴蝶結響新娘頭上面....

D兄弟姊妹唔會用錯掛...?!  哈哈哈~~~

完成晒所有野...輕鬆下先...又玩無聊合照先~~~


一對新人黎張合照...HEEHEE~~~ 有種影婚紗相 FEEL....

到新郎同班兄弟擺個陣先~~~~~~~~~

到新娘同班姊姊 & MC 黎張合照..!!

 

再黎張大合照...!!  希望到時隻隻都無甩無爛完成使命就好了!!  







經過幾個月的時間...終於幫朋友完成晒所有項目...!!   真係好開心...不過有點唔捨得 D 貓貓...哈哈哈~~~



相關 BLOG:

婚禮用品 DIY 項目

結婚証書套

結婚証書套盒子

結婚戒指座

姊姊剔名筆

姊妹剔名筆 (加工)

簡單的公仔禮服!!!!

姊妹大支票

檯號咭及入座咭

賓客簽名筆

人情箱

座位表

兄弟襟花及姊妹手花

親人的襟花及手花