近黎香港好興一班人約埋一齊畫油畫...其實都幾得意...
雖然我係完全唔識...但都幾想一班人去玩下...應該會幾好玩...
不過問左好多身邊既朋友都無興趣...個個都話自己無天份畫野...@@~!!!
但又無理由自己一個去架嘛!! 所以次次見到團購都只有望下就算.......
點知八月尾時...同公司的朋友仔講開近黎有咩可以玩...佢居然有興趣...!!! yeah~~~
所以拿拿聲買左兩張 coupon ...不過九月及十月大家都好忙...所以終於book 左十月尾去玩~~!!
阿B問我會畫乜...我叫佢揀...佢叫我畫佢同細細響沙灘...
上年十月帶細細去西貢玩...隻傻妹響沙灘全程痴住 & 跟住阿B...
搞到好多相都影到佢坐阿B側邊!! 哈哈~~~
本來打算畫呢張...仲起左個稿諗住拎去畫...點知唔記得拎...!!
好彩我電話都有 save 到相!!!
(唔好笑我既畫功啊~~!!!
)
放左工...一齊出 TST ... 畫室唔係好大...佈置都係好簡單...而且導師仲係個好後生的年青人...好似仲讀緊書 @@~~
咁後生就有個畫室 ...而且仲開班教人油畫啊!!! 太利害了!!! 年青人有理想有抱負真好~~!!
阿sir 問我地想畫乜...我比張相佢睇......佢同我講 : 如果畫真人既話...第一次唔好要求咁高...!!
呃~~~ 係咪撥緊我冷水呢?! 哈哈哈~~~~ 一睇就知我唔識畫畫又不自量力啊!!!
朋友就轉左畫環保袋...我因為應承左阿B...所以我都堅持畫相中人!!! 嘩哈哈~~~
今次畫室得我地兩個人玩...仲有另外三個係真係黎學畫畫的...佢地已經畫左三堂...今堂就完成一幅油畫喇~~~!!
得三個鐘...真係分秒必爭呀...我起稿都用左一個鐘呀!!!!
電話個MON又細...要成日放大黎睇...一手揸電話...一手揸筆畫...好攰呀~~!!
之後其實阿SIR都唔得閒理我地...我問左佢幾次之後...
開始自己求其溝顏色黎油.......
哈哈~~~ 當油到架相機時...真係好後悔唔揀初頭既背影黎畫...簡單好多啊!!!!
畫室D筆都係開晒叉...搞到我成日油花晒...要補色...!!
三個鐘頭完成喇...阿SIR話我將人物卡通化...HAHAHAHA~~~
阿B阿細...唔好意思啊...將你地醜化左~~~!!
而朋友就一早已經完成左個環保袋了...
畫室的一角~~~~
阿SIR仲提供個盒比我裝走幅畫...極搞笑...居然剛剛突出阿B個樣出黎...!!
我拎番屋企時...要將佢擰向內黎拎...哈哈哈~~~~ 費時比人見到笑大人個口啊!!!
響彌敦道...見到個西人...佢著坐疆屍衫...拎住手提袋...好搞笑...個個爭住同佢影相呢~~!!
拎到返屋企...阿B睇到笑左好耐...哈哈哈~~~~ 佢一定好鍾意喇!!! 嘩哈哈哈~~~
佢對呢幅畫既評分係 : 51 分...哈哈哈~~~~
