星期一 (10/10) ...我地兩個放左工...就即揸車返屋企...
因為幫細細約左醫生6:30...!! 點知落大雨...吐露港又塞車...
終於返到屋企都 6:30...即刻的細細走...去到診所已經 6:45 ... d 姑娘已經黑晒口面!!!
又落雨...阿B去左泊車...我就帶細細入去...又狗又遮又毛巾...非常狼狽!!!
姑娘叫我即刻放細細上磅磅重...隻妹又唔肯企定定...我都未望真姑娘已經話得喇得喇!!
之後即刻又入房......其實阿細已經好緊張...因為由屋企黎呢度既過程太趕...佢好似比我地綁架咁黎左!!!
入到診症室...佢更加緊張...D狗仔都係好記性...次次佢都記得呢度曾經做過手術...所以次次佢黎親都係震到走為止!!!
今次佢仲緊張...可能有隻眼仔睇唔到...佢更加無安全感了!!!
醫生幫佢 BODY CHECK...姑娘係咁幫手捉住佢...佢成日掙扎!!
呼吸又急速...隻眼仔又睜到大一大...有時又嗚嗚怪叫聲...真係睇到我好心酸呀!!!!
你乖啦...!! 要忍耐多一陣架!!! 比醫生 CHECK 真D啦~~!!!
醫生幫佢摸勻全身...聽心肺...話表面唔覺得佢有問題...
之後又問我地近黎佢點...有邊度覺得佢唔舒服...
我地就話比佢知...小狗成日好想飲水...成日去尿尿...又成日好想食野咁...而且成日好痴人......
其實我地擔心佢有糖尿病!!! 所以醫生話一係驗埋血...就可以知道佢內裡有冇問題了!!!
所以忍痛叫醫生抽小狗一筒血啦~~~!!! 知清楚D唔駛咁擔心呢!!!
不過小狗超級驚...姑娘都捉佢唔住咁...我同阿B係咁摸住佢都唔可以令佢鎮靜落黎...
睇到佢既樣...我好心痛呢~~~ 嗚嗚嗚~~~
醫生好唔容易先落到針...不過只係成功抽到一半血...醫生話可能唔夠...所以要黎多次...嗚嗚~~~~
不過小狗實在太緊張喇...期間我發現檯面突然多左粒波子咁大既~~~CC 呀!!!!
個傻妹緊張必左一粒CC出黎!!!! 都唔知覺得好笑定心痛呢~~~!!
話左比男護士知...佢幫忙執左......
但醫生仲未成功埋到阿細身...點知個傻妹又黎料...姑娘摟實佢...佢又勁掙扎....
佢居然又賴 CC!!! 今次仲要係兩條!!
我即刻話比姑娘知叫佢小心.......其實我好驚阿細會屙左落姑娘個袋度呀!!!!
終於醫生決定放棄又抽血...就試下只用頭先嗰D睇下夠唔夠驗啦~~~~
要等 20 MINS 先知結果...又要出面 D 姑娘等啦...
佢地已經關左一半燈準備放工架喇!!! 家下又要遲多D喇......又黑面了!!
阿細出到房無咁緊張...仲開始八卦上黎...想落地周圍走.......
我地叫佢坐響我地隻腳度...佢一時坐我度...一時坐阿B度...好似有野拮PAT PAT咁坐唔定!!!
終於佢響梳化行黎行去......點知...佢又黎玩野...居然響張梳化度就咁解決!!!! 今次黎個小解!!!!
唉.......姑娘黑住口面唔出聲咁拎D tissue 黎抹...點知又大督......
可能阿細見D姑娘成日黑口黑面...所以就整D野出黎比佢地搞下...HAHAHA~~~
驗血結果終於出左....好彩一切正常...血糖係高左少少...不過醫生話可能因為佢咁緊張都會形成偏高...
而糖尿病的指數會係更高的...所以叫我地唔駛擔心.......真係大大舒了口氣!!!!!!!!
雖然又用左八百幾蚊...不過可以放下心頭大石...真係好抵!!!!!!!!!!!!
阿細...你好叻叻呀!!!!
不過醫生分析佢可能因為隻眼仔睇唔到...心理上需要多D安撫...而家佢應該係屬於有D抑鬱...UM......
傻妹~~~我地唔會唔理你架...你放心啦!!! 唔錫你錫邊個啵?!
夜晚...阿B無拉拉幫阿細剪短左耳仔D毛毛...@@!!! 哎呀~~~呢個SAT要去影相架...!!!!
家下變左 o靚仔樣喇!!!
變左男仔 LOOK ~~~~
又買左幾件靚衫仔比細細...兩條碎花裙...haha~~~ 但而家個頭同條裙有d 唔襯...hahaha~~~
紅色件衫仔大左少少添...唔緊要...冬天佢d毛毛厚左就會啱著架喇!!
又示範下d 新裝先...
呢條裙有lace 花又有碎花...又有隻蝴蝶結...最fit身呢件...靚~~!!!
另外一條藍色碎花背心裙...不過而家佢d毛鬆左d...要修下d 心口毛先會著得靚~~!!!
呢件著起成個男仔咁...不過質地就好舒服!!!! 厚身d...冬天可以著~~~
佢應該可以自己除到呢件衫...因為真係好鬆下...haha~~~
因為要抽血既關係...所以細細條頸比醫生剃左一忽毛...
嗚~~~~ 好慘...小狗你要叻叻呀...我唔想你成日要受呢d苦啊!!!
呢隻傻妹...響架車度等阿B時...又變望B狗喇!!!!!!
點解可以痴心成咁...?! @@~~~
之後去左搵零食達人...佢去完韓國玩...有手信比我地幾個嘩鬼呢~~~ HaPpY~~~
細細見到達人姐姐不知幾開心...扒響個窗想摛去達人度...想人地抱佢咁...
不過因為落雨...達人驚整濕佢...所以無抱喇!!
哈~~~ 我地仲笑...細細可能以為達人係哥哥仔...所以又想嗲佢呀~~~哈哈哈~~~~
多謝零食達人走左都照顧我地有餐開~~~~HEEHEE~~~
佢仲私人醒左支筆 & MASK SAMPLE 比我呀~~~ 好開心呢~~~
達人揀D零食真係好好味...搞到我而家食零食都咀尖埋...@@~~~~
沒有留言:
張貼留言