2011-10-18 今天是我們結婚兩週年紀念日~~^^

今日係我地結婚兩週年紀念日...我地無大事慶祝...亦無打算去旅行...呵呵~~~

其實都唔算什麼慶祝...只係好簡單噚晚去左食 BUFFET ...HEEHEE~~~

今晚既節目係去睇林海峰...有成班朋友同我地一齊渡過呢個日子...!! 

兩年時間過得真係快...咁快就兩年了.....

近日忙於幫朋友整結婚用品...都拖左佢地好耐下...真係唔好意思...

所有項目...已經搞得七七八八...

其中四項已比左一對新人: 姊妹剔名筆, 結婚証書套, 姊妹大支票, 入座咭......

而呢幾項亦已經整好...下星期一會比埋佢地 : 檯號咭, 賓客簽名筆, 戒指座, FLOOR PLAN, 人情箱......

總共十項用品......而家還欠襟花&手花......應該會響呢個星期內搞惦埋喇!! 
 
每次聽到有朋友會結婚...真的很開心...!!  亦希望儘能力幫忙...送上無限的祝福&心意...



兩年前的今天...我也是帶著朋友們無限的祝福...嫁左人!! 

兩年的婚姻生活...其實對我黎講...沒有大改變...

我依然係個唔識嗲人的男仔頭...我諗我叫 " 老公 " 呢兩個字...都唔係好多次...哈哈~~~

睇黎都要檢討下...學下嗲下人...... 喂~~~ 好唔好..?!  究竟你鍾唔鍾意...?! 


噚晚阿B先講...兩年前既今日...我地無得訓教...忙住要整呢樣嗰樣...哈哈哈~~~~

好搞笑...呢兩年佢到呢日都係咁講......真係幾難忘...一齊努力去準備婚禮......仲有班幫得手既兄弟姊妹!!



兩年前的九月十二日...開開心心過大禮~~~    同爸爸匿響房數銀紙數金器...比大細佬入黎影到相...好好玩~~~HAHAHA~~





兩年前的十月十七日...和兩位姊姊掛住玩試禮服...差點忘記要返屋企上頭...@@~~~ 有夠搞笑~~~

臨嫁都仲要玩野~~~~




兩年前的十月十八日......在晴朗的一天出嫁.....

嗰日仲差D唔見左小狗細細...認真難忘...!! 

好開心小狗細細可以見証我地呢個重要時刻...!!!





話緊你呀~~!!   我地唔會忽略你架啦...你唔駛搵呢日黎整蠱我地啊...!!! 








善解人意的爸爸...還有永遠在心中的媽媽~~~

一班搞笑又落力的姊妹...義不容情的兄弟~~!!




感激兩位老闆百忙之中抽時間出席婚宴...





一生人第一次做主角的我們...哈哈哈~~~





呢一日...對於我地黎講...很多人和事...都係值得記住 .......
兩年過後還是充滿感激~~!!




沒有豪華的場地...沒有華麗的衣飾......不過所有的回憶都是最珍貴的.......1018........

我們加上姊妹努力的DIY成果...

有時都會問自己...如果時光倒流...會唔會再決定做呢D項目...?!

答案依然是 : 會的!!!  嘩哈哈~~~ 沒有之前的努力...就沒有今天的回憶.......

 

期待有不一樣的三週年紀念日...嘻~~~~