今日終於忍唔住打去比呢間公司...接聽電話的張先生支吾以對...而背後有位男士就極勞氣咁話等佢黎答我...!!!
佢既態度唔算惡劣...不過係極唔禮貌...仲要好串下!!
我都未勞氣...佢仲勞氣過我...!! 我都係想知你究竟係做定唔做番比我啫!!! 又唔覆我E-MAIL!!
當我問佢既然知道咁多客收到都爛...點解唔響包裝度整好d...佢居然串我話 : 我搵個禮物盒裝比你好無?
仲要話佢都要包裝成本架.......!! 話我好嫌佢個公交袋...
咁係丫嘛...!! 得一層薄薄的 bubble !!
佢勞氣到丫!!! 講野都口窒窒...激動到口吃...我真係驚佢講講下爆血管@@!!!
我只係提議佢地應該用d咭紙包一包殼邊...唔駛一踫就爛硬......你駛唔駛咁既態度呀?
仲要同我講...佢地都有付出...而且係蝕賣的.........
你咁講係咪要我可憐你公司要蝕本做生意咁慘呢!? 是否團購公司迫你要做團購呢?
既然咁蝕...咁你又賣第二輪團購?! 覺得蝕唔夠要再賣多輪...蝕夠為止?!
佢仲話自己去過廠度幫我搵過有無後備殼...仲響d殼度搵左半個鐘有多!!!
既然係咁...你又唔覆我 e-mail 話我知答案!? 等我感激下你咁盡力丫嘛!!!
仲要話我唔去鋪頭拎...我有打過黎問地址諗住自取的...!!!
明明之前寫係朗豪坊大樓...家下又搬左去唔知土瓜灣定新蒲崗d山卡拉地方...叫人點去拎呀?
所以我咪要選擇郵寄囉!!!!!! 仲可以點呢?!
而且當初我打黎話有問題發生時...佢地d同事係應承我幫我重做的......
仲叫我影低d相...加埋coupon no. 比佢!!!!
家下佢話係佢d同事搞錯喎...答錯我呀!!! 佢代佢同我道歉喎!!! 真係太 "敢激" 啦!!!
佢仲要懶係幫我搵個最佳解決方法...話收我 $70優惠價再幫我整一個...!!! 真係多謝晒喎!! 慳番個優惠啦~~!!
兩個殼既價錢加埋仲貴過我去" 快 x 美" 原價整啦!!!!!!!!! 而且人地剛剛先團購完呀...而且邊間鋪都拎得...!!
呢 $70 我仲乜仲要比你呀??????? 要整我加多幾廿蚊比人地整啦...起碼效果會好好多囉!!!
而且呢位先生越講越激動......我真係驚佢氣絕呀!! 口吃到我聽得好辛苦.......唔通佢承受左好多壓力?!
所以我決定放棄...當自己唔好彩...!!! 亦唔想再聽呢個人向我發脾氣......
點知佢一聽我話 : 咁算啦..... 都未講完...佢就 cut 左我線......真係太過份!!!
我覺得成件事我都有做錯...就係買左呢個團購!!! 真係大錯特錯!!!
*** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** *** ***
2011-09-23
好早之前買左張團購整 iphone case ...經過一輛 email 來來回來...搞左幾耐...終於搞惦...等佢出貨....!!
點知星期三 (21/9) 收到後...好失望...效果一般預左架喇...不過居然寄到黎係爛左呀!!!!
得個薄薄既 bubble 公文袋...個 case 又唔搵野包下喎...一定爛硬啦~~~!! 佢仲好意思講佢好多貨寄嗰時都有損壞...
既然係咁...明知都仲包到咁...係咪唔想做生意呀????
接電話的張先生都幾好人...佢應承我幫我整個新的...仲叫我唔駛擔心...又話已經改良用有 bubble 的信封...我話比佢知信封內的 bubble 形同虛設呀!!
張生叫我影左相...再 send e-mail 比佢地...寫明 coupon no. ...不過我收到答覆的 e-mail 居然係咁...有冇搞錯?!
您好!
因為最近出現太多這種情況,所以我們會特別在到貨後再提醒客人一次平郵的風險,
現在唯有我們找找有沒後備殼,如果沒有也沒辦法。
謝謝
下...即係點呀? 我再 send 番貓去話 :
HI~~你好,
剛才張先生說會給我重做一個的。
到而家佢都無再覆我 e-mail....!!!! 太過份了!!! 我一定會再跟進架!!!! 而家又見佢賣團購!! 做唔做得黎啊?!
好過份呀!!!!!!!!!><
回覆刪除[版主回覆09/28/2011 12:25:40]家下佢都無再回覆我...都唔知佢係幫我整緊...定係唔鬼理我...@@!!!!
不如你將你呢個case send去團購, 睇下佢地可唔可以幫你退錢, 再唔係就public比團購face睇下佢地既貨品質素, 一定會有用ga!
回覆刪除[版主回覆10/19/2011 11:07:24]唔想再麻煩LU...當自己當黑啦~~~><"
我懷疑我同你係同一個團購, 間公司係咪Ollie呀? 我直情收唔到貨呀, 依家佢地一句話平郵不負責就算! 我成日上網買野, 從來未試過寄失囉!!!!!! 我只係輕輕上網search下有無人都係咁既case就已經見到你個blog啦~~~~~~好嬲呀!!!
回覆刪除[版主回覆11/15/2011 14:38:44]咪就係呢間囉...真係激死人...!!
仲要比佢惡番轉頭...真係好嬲呀~~!!