朋友的檯號咭 & 入座咭...由阿B一手包辦...由設計到加工都係佢一手一腳做...我只係參與下意見~~
阿B搞呢類野我一向都好放心...佢一定會搞得靚 & 整得好~~!! 因為佢一向高要求~~@@!!
記得我地結婚嗰時...D 檯號咭係交左比姊妹Y負責...搞到呢位姊妹都有相當壓力...!!!
記得佢話SEND個辦比我地睇時...都幾緊張下...哈哈哈~~~
咁又唔駛咁緊張既...交得比你當然係對你有信心啦...係咪?!
結果...佢當然無令我地失望啦~~~!!因為新郎哥唔想用婚照黎做檯號咭...所以就用新娘子喜愛的紫色 + 他們的 Logo ...阿B就設計左呢個款比佢地~~~
新郎哥睇第一稿已經 OK ... 所以阿B即刻整起 D 稿拎去 Banner shop 度整.......
簡簡單單的設計...我覺得已經好足夠......我好鍾意呢隻紫色呢~~~
上星期四 (13/10) 終於可以拎成品喇...不過仲未可以交比新郎哥的...因為要加少少工才完成~~~
用Foam Board黎整野真係又平又靚...而且又輕身...交貨又快!! 大家可以多多利用~~~
阿B整左十幾張...然後中間要自己 CUT 開...再背對背用雙面膠紙痴三邊...留番底下用黎插入 Table stand 度~~~
要cut十幾塊再痴埋都幾花時間...
阿B一路整一路話佢似工廠工人.......
辛苦晒喇~~~~ 唔該晒你啊~~~~
你真係整得好靚呀~~~!!!
另一樣阿B完成既就係入座咭...!!!
個人經驗黎講...我覺得入座咭真係有需要存在...不過就要坐 reception 的姊妹們做多一重功夫~~~
邊個簽到...就搵番佢坐邊圍派張咭比佢...
一黎等賓客清楚知道自己坐響邊...另外又可以有少少阻止到亂坐份子唔敢亂坐左人地嗰檯...減少亂調位的情況出現
二黎可以一睇d咭都大概知邊檯仲有幾多人未黎...
三黎又可以當埋用黎做埋抽獎咭 (如果晚宴有安排抽獎的話...只要在咭上加埋號碼就可以了)...
四黎...我個人喜好......靚囉...嘩哈哈哈~~~~
又係第一稿即 PASS~~~ 一對新人真係易話為...不過我覺得阿B整得靚亦係事實黎...HEEHEEE~~~掌聲鼓勵!!!!
製咭工場...
呢 PART 又係由阿B操刀...因為我 CUT 一定衰硬呀...!! 一定 CUT 斜呢~~~
一張 4R 有三張咭...要 CUT 幾百刀...CUT 到阿B手都痛......
紫色...大部份新娘子都鍾意...!!
16檯的咭...真夠壯觀呢~~~~~ 希望到時順順利利的派出...!!
真係 CUT 得好靚呀~~~!!!
我用深淺紫兩條既幼絲帶...分檯號將D咭黎綁起...綁到有D想抽筋...
再用個靚盒裝住...可以送貨...YEAH~~~~
另外...姊妹大支票都拎埋成品 lu ...丫...要提新郎哥用粗箱頭筆簽上大名先得!!!
証書套內的相都加工埋...晒入座咭送左張 8F...用左黎整呢張相...慳左 $18 ~~~ HEEHEE~~~
晒相位妹妹仔...猛讚相相好靚呢~~~~ 猛問阿B 條邊 d effect 係咪自己整......哈哈~~~其實d effect 係用黎做出血位的!!!
上星期四 (13/10) 已經將部份物資拎左比新郎哥了...包括: 姊妹大支票, 姊妹的剔名筆, 入座咭 及 結婚証書套連盒...!!
唔知一對新人睇到物資的真身鍾唔鍾意呢?! 哈~~~
響 blog 影出黎既可能會呃左佢地...實物唔知有無令佢地失望呢...heehee~~~~
終於收到佢地既囍帖喇...好靚呢~~~!! 好鍾意佢地既回禮利是封仔呀...紫色好靚架!!!
恭喜晒呀!!! 祝你地兩個幸福快樂啊~~~~~~ 要相親相愛呀~~~
沒有留言:
張貼留言