我地去到十二點九左右...不過 studio 裡面無人...打比阿 Sam 話返緊 @@~~~
我地就無無聊響 lift 口玩影相~~~
阿細今日好乖...全程車無乜點扭計~~!!
終於一點阿Sam先拎埋d 麥記返黎...等佢準備期間...我地又周圍睇下搞下...細細當然更好奇啦~~~
阿細響間 studio 不停周圍走...佢仲成日走入房搵阿Sam...似乎佢好鍾意阿Sam啵!!
大概因為佢都有養狗仔既關係啦~~~養左兩隻大狗...一隻狗仔呀~~~!!
點幾開始影啦...呢度環境唔及柴灣大...不過呢度都有幾多佈置...
阿B同阿Sam就係咁講影相技巧......我地睇過佢d相簿都唔錯......佢兩隻狗仔仲上雜誌呢~~!!
細細初頭都好合作...不過當佢要自己坐在高椅上就有點扭計...因為怕高啦~!!
期間發生左件意外...嗚嗚~~~~我好內疚呢!!!!
就係影下面呢 d 相時...阿細坐在我隻腳上面...不過佢成日扭落地!!!
我捉佢唔實...點知佢就跳左落地...不過因為幾高下...隻傻妹個頭仔中左落地先...
嗚嗚~~~~ " 踫"一聲...好大聲下!!! 佢撞到都唔係即刻企得番起身!!
嚇到我地丫...攝影師都呆了!! 阿B怒啤我...話我好抱唔住佢~~~哇~~~
好彩隻妹只係呆左一陣...之後就無事繼續八卦...不過我就好內疚啦~~~
無端端令佢跌到!! 咁都保護唔到佢......呢日我成日同佢講對唔住呢...實在太心痛了!!!
阿Sam 見細細哼都無哼...讚細細好堅強呢~~!!
我都覺呢隻狗仔好堅強...佢打針都唔會扭計的!!! 實在好抵鍚!!!
阿B問攝影師可唔可以影下呢度既環境...用黎寫 BLOG 用...佢好爽快話得...歡迎~~!!
我地等攝影師 LOAD 相過機時...又響出面自己玩...!!
細細今日好活躍下...可能一路都 KEEP 住比佢玩...而且佢又對呢度既環境好有興趣...
一D都唔眼訓咁...!! 阿Sam又錫佢呢...間唔中又逗佢玩又抱佢...佢仲成日跟住人行黎行去...@@~~
阿B又同佢玩公仔...個傻妹仲好好中氣...玩到興起仲吠阿B...HAHAHAHA~~~
玩公仔玩到裙都甩呀...!!! 幾咁爛玩丫!!!
攝影時段本來1.5 hrs...不過我地影左兩個鐘有多...當然包括埋等待時間...!!
玩到細細要飲水...仲響度屙左督o硃o硃~~~
阿細臨尾開始扭眼訓喇...我坐響張高櫈度...佢抓張櫈想我抱佢呀...超嗲的小狗!!!
之後又到揀相時間...雖然唔係話影得好好...不過實在同攝影師好好傾...而且細細又玩得好開心...
攝影師話因為大家都鍾意狗...所以最後可以用半價買晒所有相 (二百幾張...好多相同)...
我地都好爽快答 ok...佢仲幫我地執少少相...晒出黎嗰 5 張 4R & 2 張 A4 都會係執左的...不過唔可以即刻拎呀!
但係所有相就可以即刻抄比我地...!! 阿B仲問佢可唔可以拎番 RAW ...
佢又好爽快應承...不過要下星期等埋執左D相一齊拎!! 服務態度絕對好...不過我同阿B都覺得柴灣嗰間影得好D......
可能細細真係好難影啦...嘩哈哈~~~~~ 同個女主人一樣呀!!!
用 IPAD 黎揀相...
之後要帶細細出旺角覆診...隻傻妹眼訓到丫...響架車度訓得好 LUM 呀!!!!
睇醫生一貫咁緊張...今次仲超震...引到 D 護士同 D 貓狗主人係咁笑...@@~~~
係囉...做乜緊張成咁!!!
入到醫生度又係猛掙扎啦~~~ Check 左隻眼仔無事...可以兩個月後先再黎...你要叻叻呀~!!!
返到屋企又係即訓...仲訓到扯晒鼻降...好搞笑~~!!
夜晚又知時候起身食野...@@!!!
又要玩一輪公仔先...佢家下玩公仔好串架...仲識用腳跴住唔比你拎呀!!!
睇下佢個招積樣!!!
前幾日又買左條新裙比佢...點知就比阿B剪成男仔頭...@@!!
呢條裙仔集花花...LACE...波點...格子集於一身...完全係主人既風格呀!!! (除左花花之外)
當我好努力將阿細扮番似個女仔的同時...阿B又將佢扮成男仔...又比件 JACKET佢著喇!!! @@!!!
不過佢而家呢個樣...真係襯 JACKET 多D~~~~
沒有留言:
張貼留言