J & B 開心又無聊的生活點滴部落格: 2月 2011

2011年2月27日星期日

2011-02-26 第一次合作整甜品

突然想試下整木糠布甸...因為個個都話易整...就想試下~~~

所以返屋企途中...叫左阿B一齊去超市逛逛...仲即刻用iphone上網搵食譜...哈哈~~~

夜晚食完晚飯就開壇...點知阿B突然話佢想試下玩...所以就比佢試喇~~~

用開o個隻 cream 無貨...買左呢隻...唔知得唔得呢?!

呢樽餅碎"中"到我傻...之後到阿B接力"中"先有咁幼細既效果~~

不過佢有樣野好麻煩... 就係成日唔聽人講...因為佢認為佢既方法好囉.......

但係都有衰左既時候...好似今次打 cream ...打極都打唔起...就係因為佢只係維持一個位打...佢仲話 d cream 會自動流落黎比佢打...根本就打唔到...@@!! 終於搞到 d cream 出晒水咁...不過都可以用既...稀 d 咁囉......

食譜話有六杯製成品...不過我地只係夠整三杯...@@~~~

一層cream再一層餅碎...少d心機都唔得...!! 呢個甜品好易整...不過步驟就煩複d...

呢個係我整既...有七層...哈~~~~好厚的cream & 餅碎層~~~

呢個係阿B既第一個製成品...都係七層~~~~

呢個係阿B既第二個製成品...佢話要整到九層呀...真係比佢整到...!! @@~~ 仲要幾平均下~~~

黎一個大合照先~~~~第一次合作整...試左味...略甜左D...都算成功~~ ^^ 不過呢個甜品唔可以成日整啦...好"漏"啊~~~~ 下次整要落少d鍊奶先得~~

2011-02-26 細細九歲生日快樂~!! ^^

九年前...阿B送左一份最珍貴既禮物比我~~~~!! 呢份禮物就係我地屋企既小寶貝~~細細小狗!!!

唔經唔覺...小狗細細已經陪伴左我地九年喇~~~ 當中有喜有愁...喜的是佢真係好可愛...就算有時佢好頑皮...但佢每個眼神表情都會令到我嬲佢唔落!! 愁的是...佢間中也會生病...因為佢唔識話比我地知邊度唔舒服...所以令到我地好擔心...!! 你要身體健康啊!!!!

病病時既佢...無晒精神...只懂睡覺~!!

小狗的生命比我們短...我也明白...不過每年也會希望佢能陪多我們更多年...真的!!

今年細細的生日...我地送左兩份禮物比佢~~~有得玩有得食!! 佢一定鍾意!!

睇下佢個樣幾得戚!! 就知佢好鍾意啦~~~~

佢一見到新公仔就會係咁玩...哈哈~~~

細細小姐~~~生日快樂呀~~!!! 錫晒你啊~~!!^^

哈~~~拎左佢份禮物黎引佢...佢係咁聞...係咁索.......

好想食呢~~~

唔識開啊 ><"

終於比左佢食喇...食完又想再要既樣呀~~~好為食架佢!!

2011-02-21 Paper Bag Baby Album - Lesson 1

上年知道細佬將會有個小寶貝...一直都想學 Baby Album...不過上次時間唔夾...今次一見到就即刻報名!! 就等我呢個姑媽做本相簿黎紀錄你既成長啦~~~

一見到咁多紙...我同隔離位同學仔就極興奮...哈~~~真係同呢位同學仔有緣...我地第三次同班喇!!

因為係做比小公主...所以都係揀d粉色為主...!!

今次既相簿材料好特別呢...係用紙袋做架~~!!

第一堂...只係整左個封面 & 封底...小公主叫"君君"...所以用了個 K 字! 好期待相簿的完成...不過要每個月都要問細佬拎小公主的相...哈~~因為我想呢本相簿係紀錄佢第一年的成長~~

Amor 樓下開了間台式飲品...放左學之後去左幫襯~~~

買左呢杯布丁奶茶...好味~~~!! 不過唔可以成日飲...好肥...哈哈~~~

2011-02-24 Chocolate Rain x U Magazine

近黎 "U - 乜根先" 成日都送D我鍾意既野~~雖然其實要加錢先有...不過鍾意就只有乖乖比錢喇~~!!

今期又送朱古力雨既公仔...有成15款...當然我唔會顛成咁...有一隻都滿足了!! 仲幫D朋友買埋添~~不過太和同火炭區都係得呢兩款...@@!!!

廣告話呢個係 cushion...不過我覺得話係公仔貼切d...!!

2011年2月25日星期五

$198 專業 Studio 攝影~~~ !!

今日見到呢個攝影團購...好似話會 copy 晒你響 90 mins 入面影o個d相比你...影人影寵物都得...不過唔包執相...唔包化妝...影完後即燒隻 CD 比番你...好似幾吸引喎!! 想帶黃老闆去玩下...哈哈~~~

1. 90分鐘專業攝影師Studio拍照
2. 8張4R Canon防水防指模照片
3. 內存60張相的CD (高解像度，適合印製成8R照片)及
4. $1000婚紗攝影現金券或$200人像攝影現金券

http://beecrazy.hk/hong-kong/deal/$198-for-a-photo-package-worth-$2200!

$198專業Studio攝影 +8張4R Canon照片+CD (60張相)及$1000婚紗攝影/ $200人像攝影現金券 (原價$2200)

The Fine Print

Valid from 2011-03-03
Expires 2011-08-31
每人最多可購買10張兌換券
每次拍攝只可使用一張兌換券
可1-10人和最多3只動物參與拍攝
設有化妝間供免費使用(使用時間計算在90分鐘內)
不設化妝服務
星期一至日及公眾假期均適用
營業時間:9am-9pm
必須電郵預約: info@starsstudio.com.hk

Highlights

影畢業相, 最啱用!
專業攝影師，影樓設備齊全，服務完備！
90分鐘包場任影
CD內存超過60張相，隨時share畀人like
相片解像度高，適合印製成8R照片
8張4R Canon防水防指模照片，可通屋貼掛！
數量有限，售完即止！

Deal Details

你有一班鍾意扮Top Model嘅朋友、有個圓碌碌可愛BB、有一屋幸福滿載的家人，而BeeCrazy則有Star Studio瘋買優惠！只需$198就可以去影樓影足90分鐘靚相，包8張4R Canon防水防指模照片及內存60張相的CD，並有$1000婚禮攝影現金券/ $200人像攝影現金券。數量有限，務必要眼明手快！