2011-02-12 情人節 心型Macaron & Chocolate for My Love

倒數番去情人節前兩日...因為臨時有人退出...所以我可以後補去學整情人節心型馬卡龍 & 香檳松露朱古力...!!  好期待~!!  因為我兩樣都未學過~~!! 

好多有關情人節既課程一早都會 full ...之前問左幾間...無論係整朱古力...整蛋糕...整馬卡龍既一樣係一加開班就即滿...因為好多人都想為心愛既人做番d特別既野~~~

第一次黎呢間...又係響荔枝角...都幾方便...環境都幾好...

今日有成廿幾人上堂...男仔佔 1/3 呢~~~ wow~~收到既女仔一定 lum 死喇~~~!!  呢份心意係唔簡單架!!! 

阿SIR首先教我地整 macaron...比想像中簡單...不過要整得靚真係好難...特別係整成心型...雖然我整既面唔夠圓滑...不過比起好多同學...我已經算係小成功了~~ 起碼焗到有個完整少少既外型仲可以合成...大部份人整到狗牙咁...焗左出黎個心變晒樣...唔少人好失望呢~~ 話晒要黎送比人架嘛......

坐我隔離既男仔...係送比女友架...不過佢整得唔係咁好...個樣好失望呢~~~ 所以我安慰佢: " 你有整比佢既心...佢收到已經好 lum 架喇.....!!"  真架喎!!  女仔著重有 heart  架...你乜都無做佢先會嬲架~~!!   

原本應該可以整到六個心型 macaron (即係要唧12個心) ...不過我又論盡...整左 d 落檯面浪費左d 材料...而且整心型真係好難...唧完要再修補下先成型...所以我對面既同學仔叫我不如整圓型易控制d...而且我既材料開始唔夠喇~~~ 圓型簡單好多...不過我都係唧得麻麻地...好彩都整到...不過我加得唔夠顏色...所以比阿sir既偏淡粉紅多d.....

終於焗起喇...教埋我地整d cream 做餡...用朱古力寫字...我既成品完成喇~~~ 第一次整黎講...焗得到脹起...我都幾滿意架喇...以我既質素~~!! 

響等焗起 d macaron 期間...阿sir教埋我地整朱古力...原來都唔太易...特別係要搓完粒朱古力...搞左好耐呢...終於我完成到有 12 粒~~~ !!  兩款唔同口味~~

加了糖霜的:

加了杏仁粉的:

終於大功告成~~~~ 阿B的情人節第一份禮物...嘩哈哈~~~!!  裡面充滿我既心機架~~!!!

仲有個鐵盒比我地裝製成品呢~~~~

入落盒度剛剛好~~~~   我覺得 OK 靚架~~~當然同阿SIR o個d就差好遠啦~~~ 味道就未知...嘿嘿嘿~~~

佢地用黎宣傳既樣~~!!  哈~~~ 高下立見呀!!

拎住呢盒野...o個刻真係好開心...因為一路上堂一路好擔心整得唔好囉~!!!   仲響度諗...早d整蛋糕好似有把握d...仲成問對自己講...係咪冒險左d呢?!  哈哈哈哈~~~

就係呢位 Jacky sir 教我地架喇~~~期間仲遇番曾經響 Towngas 教過我地既 Alan sir ...佢都響度教架~~!!

o個日又落雨又凍...拎到返屋企係完整無缺...好感恩呢~~~!!!

呢個係阿B...嘩哈哈~~~

呢個係我...嘩哈哈哈~~~

我地兩個既名字~~~

仲有半粒...唔好浪費...靈機一觸...就寫埋年份~~~HEEHEE~~~

阿B話 D朱古力好味呀~~~~ YEAH~~~成功!!!

呢堂好好玩...我遲D都想再學過 macaron ... 雖然我唔太好咁甜既野...不過我見網上好多人都整得好靚呢~~~~ !!