2011-02-06 年初四 ~ 再見...細細的朋友們

我家的細細有好多玩具...不過都只限係公仔...佢唔鍾意玩波的...而且一見到呢d會郁既球形物體就會好驚...都唔知點解!! 

所以我通常都只係買公仔比佢玩...而且佢又鍾意裡面有bb會響o個d...玩o個時佢會咬到bb響就會擺出個懶叻咁既樣...  狗仔都識炫耀!! 

梳化上都係佢d公仔...有d已經比佢玩到好殘...不過佢又好奇怪...每日佢只會玩同一個公仔...我地成日笑住問佢: 今晚又寵幸邊個 friend??    佢真係只係o個晚玩開o個隻就o個隻...比第二隻佢唔要...收埋左佢會係咁搵...好搞笑!!  咁都認得的!!! 

因為太多公仔喇...所以阿B決定要扔左部份...仲要係阿細至鍾意玩o個幾隻...

佢最鍾意爛面 pooh 架!!!  不過裡面既bb已經唔識響喇!!! 

睇下佢幾唔捨得 d 朋友仔~~~

好似想叫我地唔好扔咁...我都唔捨得...因為陪左佢好多年架喇...!!

木晒咀...嗚嗚~~~ sorry 啊...細細~~!!

舊既扔左...留番d新既...不過佢似乎只係鍾意隻大鬆弛熊...其他既都無乜點玩~~!!

今日出左去宜家拎訂左既"禁"彈開關...之後去左大埔既爭鮮食壽司...限時50mins...食得有點趕...@@~!!!