第一次學整新娘花球

前一排團購...我和朋友買左個花球課程黎玩...$99 玩一個鐘有一個花球拎走...好抵玩...出面學一堂都要幾百蚊...仲要 join course...又唔知自己係咪啱玩...所以平平地玩一次真係唔錯...起碼知道大概點整一個花球出黎~~~

結婚時都整過一個絲花花球...不過我都係簡簡單單...將三束花加d襯花再綁得圓圓地咁束埋一齊~~ 實際既花球係點整真係唔多清楚~~

我同朋友仔準時上到去...不過其他同學仔都未黎...所以我地兩個整住d葉先...

阿sir提供既花材唔係太新鮮...有d仲幾殘下...特別係桔梗...而且很少花...已估計到個花球扎起黎唔大得去邊~~~ 不過將貨就價係咁架喇~~~明白!!  d太陽菊仲要係 bb 黎...好細朵...阿sir話呢d cute 喎...@@!!! 

我同朋友仔講...我屋企擺左幾日o個扎花仲靚過呢D...擺左就黎5日都仲未殘啊~~

法式花球真係幾簡單...只要扎得圓就得喇...不過扎到手有點想抽筋~~~

唔駛一個鐘我地就完成左個花球喇~~~!!

呢個係我整既作品~~~

呢個係朋友仔既作品~~~

朋友仔之前都有做過一次幫朋友的鋪頭手...不過係扎送禮既花...

 

 

放學後阿B出左黎花墟接我...我地去左一間台灣食店...賣相都不錯啊...不過口感比較乾~~

呢個係阿B既香茅牛腩飯

而我呢個就係香茅豬扒飯...味道OK...不過塊豬扒太厚身...有點 "鞋"...

返到屋企...阿B幫我個花球影相~~~ 第一次整...我覺得都幾滿意...起碼都幾圓...HEEHEE~~

側面都不錯啊~~!! 

好彩整左出黎個花球...唔太覺D花殘o者...不過係細個d啦~~~

阿SIR話用草黎扎比較難...如果扎得好...用其他材料扎都不成問題...!!  不過我鍾意用絲帶多D~~~

用水養住佢...應該仲可以靚幾日掛...!!