2011-02-14 情人節@自家煮 (慶祝篇)

由2008年起...每年的情人節對於我們又多一重意義...今年係第三年既 "正式求婚紀念日"...點解叫正式呢?  因為之前都講過話結婚...不過正式收求婚戒指就係 2008 年的 2月14日...嘻~~~

今年既情人節...正頭痛諗去邊度食...一來怕人多...二黎今日食一定度度都好貴!!  有日睇報紙...見到介紹點整蝦...於是我就提議阿B...一於反轉我地既傳統...情人節當晚響屋企泡制 "情人節晚餐" !!     好玩又溫馨~~~~

放工後去左大埔一田買食材...買左一盒大蝦 (有七隻)...一塊肉眼扒...一盒牛柳粒...仲買左 D 紅椒...椰菜花...蜜豆做伴牒~~!! 

是日大廚 : 阿B ...助手: Jovy

整左兩隻大蝦...我地高估左我地個神怪焗爐仔...隻蝦大到差D唔夠位放入爐呀!~!! 

今晚既主角: 超級大蝦

配角: 肉眼扒 & 牛柳粒

無花假~~~真係超大隻的!!!!

我地將D芝士及蒜蓉釀入蝦背...入爐焗~~~~ 不過我地成日驚個蝦頭唔熟~~~

我地就用係呢個神怪焗爐仔去焗...@@!!  發覺唔係咁夠力~~~ 我地仲成日搵個電筒去照...係咁監視...好搞笑~~!! 

仲買左兩罐響日本旅行時成日飲既栗米湯...座番熱黎飲...正!!! 

搞左成個鐘...我地既自家泡制的 " 情人節晚餐 " 終於搞惦食得喇~~~~

各位情人節快樂喔~~~~~!!!

開動喇~~~~!!!

蝦頭超多膏...不過怕高膽固醇...所以只係食左少少...!!

阿B之前一晚浸左D陳年燕窩... (怪唔之佢買左 D 鮮奶啦~~!!  鬼馬!!)

今晚炖埋做我地既飯後甜品~~~~鮮奶炖燕窩~~~ YUMMY!!!  加埋 D 情人節自製的朱古力...極飽極滿足呀~~~!!!

好開心的 2011 年情人節...今年應該是美好的一年...^^ 

多謝你今年為我準備的一切...實在太開心了~~!!!

GO TO:

2011-02-14 情人節 (禮物篇)