越睇越唔開心...

每個新娘除了希望大日子當日靚之外...亦希望擁有一輯影得靚既相...standard 相無乜期望...因為都係人肉布景板...但近年興起 snap shot ...而且睇過好多 blogger's 大日子分享...當然希望自己都能擁有一輯難忘又令人羨慕既 snap...更何況我地有咁多 DIY...大把野比個 snap 影...

不過世事總係無咁完美...而且得出黎既效果太令人失望...係越睇越失望...都唔敢拎出黎比人睇...比人笑一世咩?!  初時都有說服自己係未執相o者...未加效果o者...但係...根本都唔知佢想影d乜...美感?!  無..!!  而且大部份都對焦唔準...即係白影!!  唔識影都唔係咁呀嘛?!  靠害咩?!  越睇越想喊...........

而家真係好信影相錢係絕對唔可以慳...係無試影的...亦無 take two 再黎的...係會後悔一世的...我而家好信...好唔開心......早d一意孤行請個專業既好過...都係多兩千...但起碼點差都唔會對焦唔準囉!!!   我唔識影相...唔知點為之光圈先決快門先決...我只係識睇d相清唔清...靚唔靚...嗚嗚嗚~~ 天呀~!!!   我既大日子既大 mistake 就係搵到個唔識影相既 snap shot !!

又要去覆診

今日收到診所護士既電話...提醒我聽日下午又要去覆診了...今次居然叫我帶埋d report 同埋 x-ray 片去...聽到突然又有點擔心...唔係有咩問題下話?!?!  不過醫生都無比個report比我...問護士點解要帶...佢又無答...只叫我帶埋d片比醫生睇...~___~" 阿B話可能醫生都係再睇下寫低漏左既野......真架?!

而家個傷口都有少少隱隱痛...D線應該溶晒喇掛...傷口好硬...唔敢搞佢...傷口附近瘀瘀黑咁...應該開始散瘀掛...係咪代表好緊呢?!  可唔可以好快D呢?!  好彩無敏感情況出現...如果唔係都唔知抓唔抓痕好...個位置好尷尬架嘛!!

快d好番...快d好番!!

大日子的回顧篇: 戰鬥造型 ~ 符符碌碌 8 個 looks

一向鍾意簡單一點的化妝及髮型...所以一直都要求 mua 唔好咁重手...唔駛搞到我個頭好似出 show 咁...一切以清簡為原則...就算揀飾物...我都係要求細細抽...唔駛太突出太誇...總之激死陪我揀衫試妝既人...!!

大日子當日...其實造型變化不大...天生頭髮幼及薄...因為我唔想用假髮...所以 mua 要求我去電髮...不過我電左其實都係咁上下... heehee~~ 但係頭髮幼 set 頭都有個好處...太粗太厚就會變得頭大 set 起唔靚...

點解話有八個 looks 咁多...haha~~ 其實有兩個 looks 係意外黎...第一個意外係我響溫馨租了條綠色裙...不過著左girdle好似唔太啱身...又唔肯再幫我改...所以諗住放棄呢件晚裝...之後去左 couple 租過條黃色晚裝用黎送客...點知大日子前一晚玩試身...姊妹C話唔好浪費條裙...叫我唔著girdle用nu bra再試下...點知效果好好多...佢地叫我用黎席前切蛋糕著...出黎反應都幾好...因為呢隻色幾清新特別...蛋糕裙其實都幾靚丫...著起個人好似精神左...

第二個意外...其實只係轉了少少髮型...但都係著呢條裙...因為公司老闆大概五點來到酒店...但當時我剛剛影完外影返酒店正在轉妝...仲要係剛剛將d頭髮放番晒落黎...裙都未著...因為老闆同老闆娘係黎一黎影張相就走o個隻...之後要返大陸廠...所以就拿拿林叫 mua 求其幫我補下唇彩...個頭求其加個頭飾就沖出去...點知因為頭髮薄...個頭飾 (其實係條鍊黎) 行左幾步就跌左落黎...搞到好狼狽...又要入番新娘房搵十幾廿隻夾仔夾實去...仲要 fing 幾野試下仲跌唔跌先再沖出去... 同老闆影左張相傾左陣計就入番新娘房繼續轉妝...老闆娘客氣到...臨走時入黎新娘房同我講唔好意思阻住我...@@!!  我知佢地會黎一黎...不過唔知佢地咁早黎呢...我地唔好意思就真...一個上左房沖涼...一個化緊妝...真係招呼唔到呢!!!

下面就係當日既八個變化不大既 look 喇 ...其實我都幾滿意...因為做到我既要求...唔誇又清清地...heehee~~  你地鍾意邊個 look 邊件衫呢?! 

   <1> 褂 look    <2> 外影 look

   中五福褂   泡泡拖尾婚紗

<3> 意外1 look     <4> 意外2 look

   綠色傘裙晚裝 (頭髮放落黎) 綠色傘裙晚裝 (頭髮束起)

<5> 迎賓 look <6> 進場 + 註冊 look

   紫色晚裝   A-Line蝴蝶結長拖尾婚紗

   <7> 敬酒 look    <8> 送客 look

   藍紅色中式晚裝  黃色A-Line晚裝

做了一個少少的公司民意調查...加上當晚賓客既反應...最受歡迎係 7 號佳麗 (敬酒 look - 藍紅色中式晚裝)...第二名係 5 號佳麗 (紫色晚裝) ... 第三名係 6 號佳麗 (進場註冊 look) ...

直至今日...仲有人同我講起大日子當日既情況...7號佳麗令人太難忘了...可能隻色好搶眼...而且又係少有的掛頸款...加上無乜野昅到既 Deep V...而且又高叉...基本上我響新娘房出黎時...公司班色情狂就已經嘩嘩聲...我上司仲叫我唔好著到咁返工...佢話驚d人唔專心做野喎!!   最開心係高老闆當晚讚左我兩次好似明星咁...之前同佢合照佢仲拖住我隻手架...好似爸爸的感覺...!!  哈~~真係要多得我的好 brother 幫我揀...兄弟A今晚同我講...當晚著呢條裙補影相都影左起碼成八個字...搞到唔起得菜...因為當時係敬酒時間...@@~~!!  個個見到呢條裙都話要影相...成世女未試過咁受歡迎...我諗我呢世都唔會忘記!!

當 7 號佳麗未出場前... 5 號佳麗係至受歡迎...因為隻紫色襯黑色撞得好靚...而且呢件衫係露背的...好多女賓客影相前都摸過我背脊...仲話做左人情要抽番d水...

6 號佳麗其實都係一個十分意外...因為我原本唔係揀呢條裙...雖然都試過...不過當時覺得著得好肥...但我brother 就話好睇...我其實係揀左第二條的...不過張單既 no. 就寫左呢條裙...到 fitting 時...我一著就好大聲咦左出黎...嚇親 couple 既人...但係今次著起又好似幾好睇...雖然 couple 都改埋我原本揀o個件比我試...但最後錯有錯著...可能係天意...所以我決定揀呢條~~!!  公司 d 人話呢件婚紗好閃好高貴咁...一聽到高貴...我就開心到昇左上天...從來d人只會話我男仔頭...用高貴黎形容...真係呢世人都未聽過!!  我相信...都無下次......

其實我反而鍾意送客件衫...因為著得好舒服好飄逸咁...又有我鍾意既蝴蝶頭 cool ...公司有人話其實見我係著得好舒服...著起黎都幾靚...黃色唔易著...反而我著起就好精神...不過......佢地話比起前面o個d裙就顯得太普通... 可能d人去飲都係想睇誇張既新娘...d A-line 裙只係新娘鍾情...響賓客眼中就係普通...仲話比著佢唔會揀...不過我都無所謂既...個個人既喜好都會唔同...阿B就話我...應該揀桃紅色o個條...佢鍾意...哈~~ 我就偏唔揀!!

p/s: 遲d再補d清楚d既相出黎...整理中...不過...當晚太忙...影單人相或同阿B兩個既合照好少...

好朋友的大日子 (PART 2)

晚宴前...我就要展開我既兄弟助理既職務...同阿B一齊忙住搞個 reception 同相簿區佈置...有限既材料...整出黎不過不失啦~~~新娘子滿意就得喇...佢地見到盤筆猛問係咪買架...當知道係DIY既時候覺得好神奇咁...好開心呢...heehee~~~^^

呢六支簽名筆及四支姊妹筆...比我地大日子o個D更受歡迎...最後一支都無得留底...全部比人拎走晒!!  其實有人欣賞我都覺得好開心...不過無留底一枝比新娘子呢~~ @@~!!

因為只有兩位較年輕又無經驗既姊妹響 receiption 座陣...其他既分完錢就失晒蹤...所以我只有留底幫佢地派入座咭...佢地兩個好搞笑...真係緊張到成晚無乜坐低...一聽到係女家既親朋戚友就好緊張...因為多老人家又講d聽唔明既福建話...我地同佢講野又唔理又唔明咁...好彩女家有位好盡責既姑姐留響度幫手...如果唔係...我地一定整鑊粥出黎...!!

兩位年輕可愛的雙妹o麥~~

.

阿B整既檯咭..D賓客覺得好有心思...因為係同檯咭係一套的...!!  而且好多見到有入座咭好似好神奇咁~~@@!!

有兩個小妹妹響度扮簽名...好搞笑又得意呢!!

成個小明星咁...真係想咀啖佢~~~

一對新人送比賓客既小禮物~~ 筷子一雙~~!!

好顛的一班 MC 及姊妹化妝師~

準備証婚儀式~~

呢位律師先生惹黎全場不滿...因為佢既語氣太命令式...搞到有少少群眾起哄...而且又遲到...講野又快到聽唔清楚...之後仲好快唔見左人 @@~~ 只係留底好多卡片叫個MC幫佢派比人...好商業味重~~~ 趕住返屋企?!  之前阿B七點九打比佢...問佢響邊...佢話黎緊...仲問阿B搭地鐵響邊個站轉的士黎近D?!  呢D唔係應該你之前做定功課既咩?!  終於八點三先黎到...!!  八點半就進行儀式...準備功夫完全唔夠!!  感覺唔太專業及尊重!!

好得意既兩位小妹妹後黎仲手拖手...即慶上台合唱一曲黎祝賀一對新人呢~~~實在很可愛呢 !! ^^

兄弟A都人緣好喇...公司大部份老闆及員工都黎飲...我仲見番舊公司既老闆...佢仲認得我呢~~ 不過佢老左好多咁...

呢位係舊老闆既大佬...依然咁大聲...不過親切左...無以前咁串呢...HAHA~~ 佢初時唔認得我...後黎話我變得女仔左所以唔認得@@~~ 不過我用手勢扮整眼鏡既樣...佢就認得喇...!!  哈~~

呢位係舊上司...依然咁客氣...^^

呢位都係舊上司...我話比佢知我剛結婚...佢仲話以為我唔會嫁添 @@~~ 因為當年實在太男仔頭了!!  佢最搞笑...拎佢部相機出黎影多張合照~~!!

呢兩位都係舊同事...點解佢兩個都好似無老過咁既...係咪以前已經老定左呢?!

呢位變化最大...不論職位同外型...而家入股左舊公司呢~~ 可能變得更有錢...就會變M字額了...heehee~~^__~

呢位係兄弟H...初時D舊同事唔認得我...仲以為我係佢女友...HAHAHAHAHA~~ 佢好受d女同事歡迎呢...成晚比人捉住合照...我叫佢收每位兩舊水...佢話睇黎要收五舊...haha~~

兄弟 G 的家人...

我既小花女...!!  我叫佢要向高發展...唔好再向橫發展喇...亦已經叫佢好減肥了...不過佢話唔駛!!  哈~~ 我讚佢響我大日子既表現好叻...好多人都讚佢同另一位花女...佢遺傅左佢爸爸既口才...即刻讚番我...話我o個晚好靚...佢鍾意紫色同埋中式o個條裙喎...真識貨...haha~~ 佢爸爸仲猛追我拎o個晚中式裙既相...佢勁鍾意o個條裙...呢條裙真係租得抵...!!

我地既成長片段中刻意放左一D好友既合照在內...所以佢地睇到份外感觸投入...估唔到...兄弟A都係咁...哈~~~果然有義氣...!!  其實我地無約定咁做...大家係不約而同...果然係老友!!

大家真係不知不覺識左好多年呢...響互相既婚宴中見到比較年輕時代既自己以及一起成長既同伴...雖然樣子好老土...唔係呢D場合都唔會再拎出黎...但係真係覺得好開心...真係人生有幾多個十年...呢份友情真係好難得!!

晚宴後...我地載其中一位MC E返屋企...佢都係兄弟A既同事...佢突然問我係咪就係兄弟A口中常提及既 " 四眼妹"...哈~~ 係丫...我係丫...已經好耐無戴眼鏡...但係佢地依然係咁叫我@@!!!   從MC E 既口中知道...原來兄弟A好重視送比我地既結婚禮物...周圍搵人幫佢訂番黎...因為佢實在太想送呢份野比我地...其實我有嫌棄過架...哈~~因為又係擺設...好阻訂...亦知道唔平...但係我未開黎睇...@@!!  其實聽到佢咁重視...就算佢送舊炭黎我都會好開心...因為有佢既真心就已經好足夠...!!  佢絕對係有情有義...雖然佢個性姿柔慢吞吞令人有點激氣...哈哈~~你急佢唔急...仲要大條道理...即使係咁...我地都會義不容辭搞好佢既婚禮...

當佢敬酒到我地張檯時...佢同我地講...真係唔知應該對我地講乜...o個刻真係唔駛多講...真係盡在不言...朋友在心中!!   當有人讚佢d野搞得靚既時候...佢好開心同人講好彩有阿B呢位兄弟同埋有位姊妹 (乜唔係兄弟助理咩?!  哈~~)...其實只要佢兩公婆開心...我地都會好開心呢~~!!  ^^

新婚愉快啊~~老朋友!! ^^  記住帶D澳洲鮑魚比我地就得喇...嘩哈哈~~~

好朋友的大日子 (PART 1)

剛過去的星期六...係我地多年好友"兄弟A"既大日子...o個朝好凍...吹到個人都顛...

我地八點就去到紅磡佈置花車...早餐無得食...但就食左張牛肉乾...@@~~ 阿sir好比面...話只係抄一架車既牌...真比面...就係抄我地o個架!!!

先響花車前裝模作樣咁影相...佢地又跳又扮型...但無我份囉...!!  我既身份比較特別...派左封利是比我...響後面寫左今次我響呢個大日子既角色名稱...好搞笑既 title ~~~~ 兄弟助理!!!!  @@!!!

兄弟A的兄弟B & 兄弟助理J...HAHAHA~~

上到女家...好多人呢~~ 姊妹團已經準備好晒玩班兄弟...好彩我只係助理...唔駛被玩...阿B都好好彩...佢揸住部相機無人搞佢~~ 好好睇場GOOD SHOW...HAHA~~

姊姊們都幾花心思~~

先黎甜酸苦辣...兄弟A要飲四杯唔同味道既奇怪飲品...仲要飲完一杯就要講句符合味道既四字祝福語...好易過關...

接住黎係要錫九次 (長長久久既意思)吊在屋頂印有A嫂樣子既咭紙...場面好搞笑~~

之後要新郎哥加四位兄弟著上紙底褲...前面及後面分別都有兩個心...每個心都寫上一個字...之後仲要大聲讀出黎...真係笑爆咀...

再黎就係將班兄弟既咀唇畫上紅色唇膏...仲要出晒界...之後用咀傳張透明膠片...哈哈~~~鏡頭下好似兩位兄弟在互咀呢~~~ 爆笑十足...!!  玩完之後先發覺...隻唇膏係唔易脫色既...搞到班兄弟成班烏咀狗咁...笑死~~!!

之後新郎哥再要用日本芥辣黎刷牙...哈~~ 再黎讀篇三字經既愛的宣言...好長好有心思!!  呢班姊姊確係勁呀!!

好惦既三字經愛的宣言!!

姊妹們收到開門利是...幾開心~~哈哈~~ 九萬九千九百九十九...豪比佢...HAHA~

經過咁多重既考驗...A嫂終於出場了!!  嘩~~ 佢滿身金器!!  @@~~  都未進行敬茶儀式呢...之後係咁收金器...睇到我地眼瓊瓊...家下金價係咁升...好羨慕呢!! 

D手指都滿晒戒指...勁~~

哈~~睇黎阿B都幾有潛質影SNAP~~

其實只要有幸福笑容...個個新娘子都係好漂亮...所以...各位姊妹...大日子當日...要笑多d啊~~~

富貴的方氐夫婦!!  新郎哥仲收到兩條連牌既金鍊...我地仲話好似睇住兄弟A出嫁咁...HAHA~~ 你地就發啦...又金又勞~~

之後去男家...女家有個習俗好搞笑...伴娘要拎遮呢樣唔奇...但係伴郎原來對手仲忙...要拎燈...仲要係一對...而且唔可以放底...直至去到男家...哈哈~~~我地係咁成日笑伴郎...兩盞燈又搞野...有插蘇的...我仲成日叫佢快D響個身上搵個窿插著佢地...HAHA~~

到夜晚睇朝拍晚播時...睇到佢拎住呢對燈...個個都狂笑...哈哈~~~

GO TO PART 2

http://hk.myblog.yahoo.com/jew903hk/article?new=1&mid=2856