原本諗住上酒店房換婚紗進場...但係好多親朋戚友都係八點呢段高峰期先黎到...所以變左我八點三都仲未上得房轉妝換衫...唔夠時間再上房喇...所以請兄弟拎番套婚紗落黎新娘房換...@@" 好緊張呀~~~個身擦左閃粉搞到痴唔到膠紙...左搞右搞...搞到心口紅晒要補粉 @@~~ 緊張到出左成身汗...好心急...決定唔貼膠紙喇...好彩無痴呀...因為件婚紗太重...如果貼左一定會露左出黎仲肉酸...真係錯有錯著!! ^__^
出面已經熄左燈好似好耐喇...而律師入左新娘房同我講既野...其實我一句都聽唔入耳...@@!!! 只係知道佢同我講完一輪野之後簽名...跟住就要衝出去門口搭 lift 落地下準備進場喇!! 差d仲唔記得著鞋添呀...!!!!
響 lobby 聽到播緊我地成長片段首主題曲 : 小酒窩
揀呢隻歌係因為輕鬆...好似幾溫馨咁...不過後黎發覺歌詞提及的酒窩 & 單眼皮其實都同我地既特徵有點相似...heehee~~~ 百萬人內也遇見...緣份正逐秒逐秒發展........
(哈~~ 我有酒窩...阿B就係單眼皮...哈哈哈...)
其實企響下面好緊張...阿B提我要點點點...我只係應佢~~~我跟住你啦...你帶我就得喇...我唔記得咁多架...!! 好彩之前在壹誓証婚度上左一堂...都大概有個概念...呢間公司既 service 同概念好 ok!! 而且上堂時...黎律師用輕鬆搞笑的方式去講解...過程絕對唔沉悶...而且很容易代入去想像自己結婚時的情況...又有模擬示範...當律師講到註冊誓詞的時候...我真係內心唔知點解好激動... d 眼淚響眼入面滾滾下...o個日係我籌備結婚當中...第一次覺得真係要嫁人的感覺...好強烈...好深刻...!! 而且當日係我地簽署擬結婚証明書的一日呢!!!
當揀成長片段相片的時候...其實太多相想放入去喇...不過限住只得三十張 ><" 真係多一張都唔得...早D婚紗相只放幾張...多放一些一起成長的朋友合照就更好了......
當小酒窩的音樂停止了...首先進場既係我地兩位靚仔靚女 MC ...女MC " Q" 住男 MC 的手臂進場呢...哈~~佢兩個自度用呢個方式又幾好喎!! 之後以輕鬆的方式介紹下自己...介紹下我地...一唱一和的...令人感覺舒服...很多賓客都稱讚他倆位的表現呢...!! 實在很出色~~~!! ^^
而我地就開始慢慢響條迴旋樓梯爬上黎...哈哈~~~ 無錯呀!! 我覺得係似爬呀!! 因為我條裙好重呀!! 而攝影師及錄影師都唔准伴娘跟住我行...所以我只有靠自己呀...!! 雖然只係著住對兩吋高跟鞋...不過對我黎講都有點吃力...要知道平時我著 converse 咋!!!! 又要拎住個重花球...又要的起條裙...條拖尾又重好似想拖番我落樓梯咁...簡直係一場角力賽...全程要龜速行走呀!! 阿B一路行都要昅實我...勁驚我 PK...終於都忍唔住幫我拎住個花球...哈哈哈~~~ 我先可以兩隻手的起條裙...輕鬆好多......睇番段片都覺得幾搞笑下...又要望鏡頭笑...又要扮無野咁繼續爬上去......
我地採用好溫馨的形式...以一對小花女帶我們進場接受賓客的祝福......
兩個小花女已經響門口等緊我地兩隻烏龜喇!! 當 Love Paradise 的音樂一響起...佢地兩個好有默契...原來 MC 教佢地數拍子黎行呀!! ^__^ 好鍾意呢隻歌既旋律...進場時覺得好溫馨...好舒服平和.......
而兩位把守門口既兄弟就放花炮迎接我地進場... 其實呢D都係 MC Angel 幫我地悉心安排...佢真係好細心呢~~!!
小 T 負責拋花瓣...佢係專業花女黎架...由細到大成日都做花女...唔知今次會唔會係佢收山之作呢?! 哈哈~~
手捧我地對幸福指環既小花女小G係伴郎既寶貝女...哈~~ E 嫂知道我地既主題顏色...很早已經買定了這裙呢...!! ^__^ 而且提議兩個妹妹仔做花女也是伴郎的主意呢~~ 這提議很不錯呢~!!!
哈~~~ 其實我地唔駛咁心急行入黎...應該比佢兩個行遠D玩一輪先...哈哈~~~ 好多賓客都掛住望對花女多過我地呀...因為佢地實在太吸引了...小 T 拋花瓣時仲好有節奏...我地跟在後面睇到覺得好好笑呢...!!
行行下我居然識提阿B要同 D 賓客揮下手...@@~~
其實我都睇唔清楚環境係點...塊頭紗成日好似痴住我 D 眼睫毛呢...@@!! 但我又唔想將個花球塞在頭紗下面撐起咁肉酸黎行喎...其實究竟有咩方法會好D呢?! 不過都唔緊要喇...都無下次咯...哈~~~ ^^
由於地方唔大...所以行左陣就已經行到台邊喇...嘩哈哈~~~ 早 D 繼續以龜速行走啦~~^^
酒店跟住我既員工...其實佢都好醒...好快就走黎幫我整好條裙尾...唔駛搞到我好論盡~~
小G幫我地拎住既戒指座係Ron 幫我地整既...佢真係好有心機去做每件手作...而且人又好又細心...價錢我地覺得絕對超值!! ^__^ 所以絕對值得推介...!!
因為我地無指定要邊位律師...所以壹誓幫我地安排了溫律師為我們證婚...當晚係我地第一次見面呢~~~ 佢都幾好笑容態度又好...而且十分準時...^^
壹誓的證婚模式係企響度台前做証婚...目的係想全場人可以清楚睇到我地...感覺大家容易投入...而且話新娘子的婚紗咁靚...著既時間已經夠短...點解唔企出黎 show比人睇...影相都靚d...唔駛比張檯遮住...咁又係喎!!
而且全程希望新郎最好捉住新娘對手...一黎等新娘無咁緊張...二黎好似溫馨投入 d...哈哈~~ 因為呢一刻係屬於我地兩個既......
企上台的一刻...唔知點解真係唔到你唔激動的...其實我差d忍唔住流眼淚...當律師講一番說話既時候...真係會觸動心靈的...我成日要咬自己口唇黎等自己冷靜...所以有點表情古怪...哈哈~~ 不過我係唔會出醜既!!! 嘿嘿~~~
兩個都話我願意!! 我願意!! 哈哈~~ 好彩無人玩野話反對...!! 如果唔係我會的起條裙衝落台拉搞事份子出去打呀!! 嘿嘿嘿~~~
我地讀誓詞既形式係唔駛拎住份貓紙的...因為面對面向住對方黎講會有誠意得多...律師在側邊輕聲說一句我地就跟住黎講...個效果真係無咁緊張不突止...而且真係好似較有感情唔係念口黃咁...而且我地係望住對方黎作承諾...而唔係同張紙作承諾...印象深刻難忘....所以我地好滿意壹誓呢個安排~~!!
期間發生左個搞笑小插曲...進行註冊儀式時...全場好比面好寧靜...突然兄弟C的小女兒大叫一聲 : 爸爸~~~ !! 聲音清脆響亮!! 哈哈哈哈哈~~~ 真係好搞笑...個感覺係好似阿B有個私生女叫佢咁...之後隔左一陣又叫左句 : 爸爸~~~~ 後來兄弟C話比我知...嚇得佢丫...即刻掩住阿女個口...哈哈~~~
阿B為我帶上我地既信物的一刻... YEAH~~!!!!!!!!!!!!!!!!!!!!!!!!!!!!!!!!!!!!!!!!!!
到我幫阿B帶上我們的信物...幾驚手震跌左落地呀!!!!!! 跟住律師讀誓詞...我都有個別字眼講錯左...哈~~~ 笨即是笨...!!
掀頭紗喇~~~ 要慢慢捲起頭紗少部份捉實...再慢慢掀起放在身後...記住最重要一點...就係各位姊妹一定要提新郎哥...掀完一定要幫新娘子弄好個頭紗...咁樣影相會靚D...咁細心加佢多幾分啦~~ ^_________^ 仲有...新娘唔好踡低身就新郎掀頭紗...好似嫁唔切咁...動作又核突...!! 呢個步驟都係壹誓提醒我地架~!! 所以絕對推介壹誓証婚服務!!
一切搞惦... !! 台下猛話咀呀咀呀...我地兩個梗係扮傻...一於黎個 YEAH 先...哈哈~~ (呢個姿勢唔係壹誓既安排...哈哈哈...純粹係我地兩個既壞習慣黎既...!!)
曾氐夫婦當日做得最多既傻喱動作!!! Super V !!!!!!!!
之後搬好張檯...就要進行簽紙儀式喇!!
唔記得練定個簽名添...@@~~ 我記得當時仲問阿B應該簽中文定英文@@!!! 佢話佢簽中文喎!!
黎到呢刻...反而輕鬆左...哈哈~~
黃老闆好緊張呢...後黎至發覺佢個主婚人襟花無帶喎@@!!! 不過敬酒o個時又帶番...好神奇...哈哈~~神出鬼沒的襟花!!
阿B簽名o個時...幾驚佢將支筆既羽毛撩到我...哈~~~
簽晒賣身契喇...!! 律師簽埋名打埋個印作証...之後將份結婚証書交比我地...仲正式響咪同賓客宣佈 : " 我而家同大家介紹~~~曾生曾太...!! " 哈哈~~ 曾太呀...曾太...佢叫我做曾太呀!!! ^_______________^
溫律師好有禮貌...而且講野又清晰...臨走仲恭喜左我地先走...值得一讚...!!
不過唔記得同兩位主婚人影合照添...hahahaha~~ 一聽到人叫曾太就得意忘形了~~@@" 阿爸響邊都唔記得喇!!! heehee~~~
原來我的五姨喊喊呀!! 佢係比較眼淺的一個...佢話感覺好似自己嫁女咁...^___^ 上年佢嫁女又係喊到眼都腫...! 呵呵~~~ 可能佢驚我嫁唔出...!! ^^
之後響起 Cannon in D major 的音樂.... 要作下狀切個多層蛋糕啦~~~ 不過原來唔係個個蛋糕都會有個刀位比你架...呢個就無喇...!! 我仲聽到我地大力切到有怪聲添...嘩哈哈~~@@~~!! 仲要扮無野咁樣繼續影相...哈~~
祝酒完...台下又傳黎錫呀...咀呀呢 d 歡呼聲...既然阻左大家咁耐...梗要表演下啦~~~ heehee~~^^ 今天已經習慣了...不過過左今日唔會再公開 kiss 架喇~~~嘩哈哈~~~ 要睇襯手呀~~~
下半生...一起擕手走下去...hohohoho~~~~~
之後就到至無準備的一 part ~~~ 致辭呀!!! ~______~" 完全忘記了...!! 不過我地呢 d 簡而精既人...真係好簡短咁去講...哈哈~~~ 阿B仲話好開心咁話...新的一頁...新既開始...笑到我爆咀...哈哈~~ 係全場都笑爆咀...哈~~
哈哈~~~ 而我只係多謝 D 兄弟姊妹...多謝唔響度既媽媽...其實只要每次提起我媽...我總會忍唔住眼淚就會出黎...之後就多謝爸爸.......後黎屋企人話我知...呢一part 細細佬同大弟婦都喊到 wa wa 聲...傻瓜!! ^^
跟住阿B就當眾宣佈 : "每次新年都有人問我地幾時派利是...?! 所以... (我地兩個一齊講) 2010 年 我地會派利是...!! " 台下即時掌聲如雷...!! 哈哈~~~ 未試過講野咁有感染力...哈哈~~~ 多謝鼓勵...哈哈哈~~~
之後梗係唔阻大家開飯啦...響起 Kelly 既囍菜...上乳豬喇!!!!!!!!! 各位飲多杯呀!!!! 快飲多D啦喂~~~ ^^
只係飲左兩啖橙汁...豬皮都無作狀夾下!! 就比攝影師捉左出去影相喇!!! 佢話拿拿臨影D相唔好浪費左件衫...咁又係喎...呵~~~影完之後就催我去換敬酒晚裝喇 @@~~!!!
好鍾意全場都佈滿大口仔呢...呢個真係我既夢想呀!!!!!!
點忙都唔會遺忘班兄弟姊妹既....一班兄弟扮晒英咁...哈哈~~ 講真...真係無幾呵咁型架!! 嘩哈哈~~呢班兄弟同我都係以兄弟相稱的...!!!
姊妹們影相都係斯斯文文~~~~ ^___^...雖然姊妹裙唔係一式一樣...不過出黎效果都幾好啊~~!! 紫 + 米白 就是我地今次的主題顏色~~ 好柔和...!!
而兄弟只是劃一了 tie 是紫色 (除了伴郎是金色)...西裝只說是深色做可以了...出黎效果都幾好呀~~ 其實只要整齊...影相出黎點都會ok既... ^__^
當日真係辛苦晒呢班兄弟姊妹~~ ^_________________^
下回:
JB1018 Wedding Party@敬酒 & 補影相篇
