我們的利是封!!

收左幾廿年利是錢...係時候要還喇!!!

2010年的農曆新年...我地將會兌現響婚禮上面許下的諾言...就係會響 2010年派利是喇...!!  記得婚禮上當賓客聽到我地咁講...簡直掌聲如雷...哈哈~~~阿B未試過講句說話咁受歡迎...令人咁大反應架...哈哈哈~~~ 我都覺得簡直係舒解民困...哈哈哈~~~ 因為從今年起...佢地每人都少付出四封利是呢!!  有孩子的仲可以袋番轉頭...!!  heehee~~^^

想起即將會第一年第一次派利是...唔向錢方面諗...真係好興奮好開心...!!  你地好唸定收利是時要同我地講句恭賀說話呀!!  嘿嘿~~

我地呢d 多舊魚既人...又係時候動動腦筋喇!!  婚禮既 DIY 熱誠仲未熄滅...所以決定又整D野玩下...HOHOHO~~~

買左兩個人情封...又係中西式各一個...中式o個個啱晒我地既要求...好有新年氣氛...Scan 左大口仔大口妹個圖出黎...加加減減弄出下面個款出黎...而阿B好想利是封上有他的姓氏...

本來想寫句揮春係 " 恭喜發財 " 或其他...不過到最後覺得無野比 " 心想事成 " 會更好!!  其實想寫 " 身體健康 " ...不過響利是封上咁寫又好似怪怪咁...@@!!

因為個利是封無得印彩色...請人將圖案勾畫出來...成了下面的款式...YEAH~~ 效果好似都OK喎!!   唔知製成品既效果又會係點呢?!  我地選用兩款利是封...一紅一金...!!  紅底既燙金...金底既燙紅...!!   好期待...二月頭應該可以收貨!!

如果弄成貼紙...就是下面的圖...好似幾好咁啵!!