上個星期六...終於約齊 1018 的兄弟姊妹黎一次 gathering ...本來呢個聚會定響 11 月左右...不過因為身體出現了問題...要做手術...接著有兄弟在11月結婚...有姊妹在12月結婚...所以就推到這個月舉行了...不過一次過要約齊 14 個人係幾難既一件事...今次都有兩個兄弟一個姊妹黎唔到...有少少美中不足...當日有些兄弟姊妹更帶埋家人黎參與...總共有廿二個人...@@~~ 很熱鬧呢!!
之前擔心會好凍...不過天公造美...回暖呀...而且出陽光...所以燒野食又唔熱好爽呢~~^__^
小狗細細好開心見到咁多人...佢其實好鍾意痴人的...不過佢熱情過後又變得好傻仔咁...變左好驚人搞佢@@~~ 因為有個小妹妹及小弟弟對佢太熱情...佢見到佢兩個都掉頭走呀!!
小妹妹成日想捉細細...而阿細又天生愛自由唔鍾意人捉實佢...其實我幾驚細細頂唔順佢既痴纏會咬佢呢~~ 因為佢當搓麵粉咁擰阿細塊面...@@"
呢個小妹妹真係有d似萬寧o個個小妹妹...!!
阿B和他的二哥又玩 DIY 喇...今次係整燒烤爐...@@~~ 圓型o個個係佢地整左幾日既製成品... 都幾精美架!! 十幾人圍埋燒都可以應付到...!! 班 friends 見到都好出奇咁都整到...其實呢樣我都唔覺得出奇...曾經...佢兩兄弟響以前間舊屋...響三樓搭左個廚房...整左個廁所出黎...仲要係真係沖到水用到o個隻...!! 要知道...如果整得唔好...可能成屋都係屎尿...haha~~~ 不過又比佢地搞得惦...!! 所以整個燒烤爐都係好小兒科..@@!!!
終於呢份禮物可以送比班姊妹喇~~~ 細細都話要影低黎留念... 我在每份寫左張咭仔留低左少少既廢話...當然個別有幾個有少少心底話...因為佢幾個在我們的婚禮上實在太重要了!!
四葉草代表我們送給 1018 的姊妹們的一個祝福...亦是紀念這天的禮物...好開心...大部份都收到後都好興奮好開心...同我講好鍾意...!! 有D甚至叫我幫佢地戴上...有個甚至話個包裝太靚唔捨得拆...佢地既表現令我好感動......我就係咁易被感動的了...其實我好眼淺的...有少少咀扁扁...
其實送禮物比人...見到收禮人收到時開心既樣就係至欣慰的事...!! 不竟...我真係去睇左好耐...搵左好耐先決定買呢份禮物的!! 考慮過姊妹們會否喜歡的...終於揀左呢個牌子...價錢可以接受...款式又多...睇到我眼花潦亂......不過最後決定買一式一樣的...咁樣似乎有代表性一 d...總共買左八條...其中一條比左小T的媽咪...因為佢響我心目中...而且佢為我做既野...都係姊妹一份子...!! 佢睇電子相架d相時...仲捉住我隻手同我講: " 咁多個既婚禮...你地呢個實在搞得至有心機...!" o個一刻有點激動...搞婚禮的過程其實真係有苦有樂...得到朋友的稱讚...自然感到很恩惠......
曾經姊妹E在婚前幫我做了少少的輔導...因為當時有點迷茫...和個別姊妹有D事件發生了...令我意想不到...心情很低落...喊了不少次...甚至在想...是否應該要停止所有做緊既野...令到所有人會開心一些?! 又問自己...係咪真係會影響到別人呢?! 姊姊E佢同我講今日踫到既一切...將來會覺得係小事一宗...因為到註冊簽紙的一刻...你會覺得咩都值番黎...!! 而且朋友會看在眼裡的...我地所做的係值得的...而且婚禮只有一次...既然自己想咁做就應該堅持下去...別人的問題由她自己去承擔好了...況且呢個係佢自己既問題與我根本亦無關...這番話其實姊妹A亦勸告過我...不要因別人而影響自己的目標...因為永遠唔會迎合到所有人...以及別人的思想行為係改變唔到的...幸好有她們的勸導...一切如期去進行...每當聽到別人的稱讚...其實也是向她們的稱讚...因為背後有她們的支持及鼓勵...真的...她們是我的驕傲...!! 朋友真的很重要......
其實我都唔知點解要送給她們禮物...只是內心真的好想好想...特別係佢地幾個......
而兩個小花女...之前亦已經送了條小手鍊給她們...在奧地利買的...都幾靚架!! 香港無得賣架~~!! 當姊妹在拆禮物時...小T還開心的向其他姨姨表示佢都有一條...哈哈~~~
而我自己都有一條...有兩個 charms...一個係 My Little Boy (即係 LB)...另一個係小四葉草加個 no. 18 (our wedding day)... (這是我用為了紀念 1018 的藉口送自己的禮物...嘩哈哈~~) 兩個 charms 對我黎講...好有意思架...呵呵~~~
有兩個姊姊早走了...因為其中一個要返屋企睇曼聯!!!! 之前忘記影相添...如果齊人就好了...
今次買左 D 海鮮黎燒...象拔蚌...大蝦...扇貝等...廿幾人的份量其實幾難買...行左街市幾轉先買完...不過最後見到差不多食晒的食物...個個都開心...點都值得啦~~~
本來呢次 gathering 係想響出面酒樓食晚飯...不過兄弟F話搞 BBQ個氣氛會好一點...始終大家唔係咁熟...如果分兩檯黎食又好似無乜意思咁...而BBQ呢就可以周圍走...好互動...咁又係喎!! 至少...唔係個個只掛住燒野食而唔理人丫...!! 一班人的距離會拉近了...呢晚既氣氛實在很好...真的很多謝兄弟F的提點...而且佢同兄弟B話要睇當日既 DVD...哈~~其實要局外人黎睇晒成隻牒都會幾悶...好彩前半 part 姊妹實在玩得精彩...後半 part 既遊戲佢地話似去左 Annual Dinner...哈哈~~~ 不過好佩服兄弟B兩公婆...真係睇足全場...我叫左佢地去燒野食都話唔去@@~~ 而兄弟F 本來想堅持...不過我地笑佢玩遊戲時匿左響 toilet...而且同女 MC好親近又外型又襯...所以佢話個仔發燒而唔叫埋老婆黎...搞到佢唔好意思話要落去燒野食...HAHA~~ 其實當晚真的要多謝他呢!!
另外...兄弟A可能太開心了...他飲得太多喇...真難為了 A嫂...哈哈~~
之後...送埋最後一批兄弟姊妹去鄉公所搭的士...自己一個人行回家的途上...很寂寞呢~~ 這是每次熱鬧過後的後遺症......還要搞一輪清潔......嘩哈哈~~~ 阿B之後仲腰骨痛呢!!
而阿細...大概受到極度驚嚇...而且今次由我幫佢沖涼...所以佢在浴缸狂掙扎又怪叫...三番四次想響浴缸爬出黎...搞到我要一路快手幫佢沖...一路要安撫佢...仲叫佢咪再怪叫...費事人地以為我 " 湯 " 佢呀!!
沒有留言:
張貼留言