JB1018 Wedding Party@兄弟姊妹混戰篇 - Game 5 採青 & 宣讀愛的宣言

收左開門利是之後...班姊妹仲未放過阿B...仲要叫佢玩採青...@@~~ 原本仲有卷野響上面要新郎哥咬落黎...不過伴娘唔記得拎黎...所以只係要佢咬下菜就算了~~ @@!!

兄弟們好幫得手...夾手夾腳抬起阿B...三扒兩撥就食菜咁易就採到喇~~!!

之後...梗係要做 D 重頭動作啦~~~ 宣讀愛的宣言~~ 登登登~~~姊妹Y的傑作...!!

阿B首先睇左d內容消化下先...

佢對呢篇愛的宣言非常滿意...因為姊妹Y整得好靚呀!!

姊妹W及姊妹E呢兩個活寶貝...叫阿B學超級巨聲咁...要抑揚頓挫分高低聲有感情咁去讀呢篇宣言~~哈~~ 仲一路讀時猛提阿B要~~ 真心...真心...哈哈~~~

而我大細佬及兄弟B就幫我全程錄影...無得出貓!!

呢份愛的宣言係咪好靚呢?!  真係好多謝姊妹Y為我精心設計...!!

裡面有我地同埋大口仔既婚紗相架!!

阿B大聲朗讀...讀得好肉緊...HAHA~~~

讀到邊句咁頭痛?!  哈哈~~~

讀到邊句笑到見牙唔見眼?!

之後乖乖簽名作實呢~~~呵呵呵~~~

仲要比攝影師影低無得底賴~~~ YEAH~~

一班兄弟自動波去準備放花炮...玩打氣棒...迎接我地既喜悅時刻喇~~ ^^

我同黃老闆響房內睇 On live TV...見到d 姊妹玩得咁興高采烈...我地睇到係咁哈哈哈~~ 真係想出去玩埋一份...!! ^___^

阿B終於過晒所有難關...完成晒所有任務...終於黎到佢期待已久既緊張時刻...HOHOHO~~~

新娘子終於出場喇~~~黃老闆拖住佢個寶貝女出去交比阿B呢~~~ 呢一刻爸爸仲好鎮定...仲係笑容滿面...... (之前攝影師還教他要對阿B講一番說話...)  我覺得爸爸拖住我出去o個刻...佢好英呀~~!!  哈哈~~~ 佢笑得幾開心...!!

黃老闆一向比較含蓄...大概太多人圍觀...佢家下開始緊張喇~~~講野有D口窒窒  (之前我提過佢要諗定講一番交帶阿B既說話...佢仲牙擦擦咁話唔駛呀...話即場發揮至夠好喎@@~~)

講講下...爸爸開始有點激動...呵~~~ 不過黃家都是硬漢子...一定有淚不輕彈的!!

爸爸的心聲...我地又點會理解唔到呢?!  一切在心中...明白!! ^^  我地知道架喇!!  當初我們只是打算旅行結婚簡單單就算了...不過當看到爸爸聽到後有點失望的表情...但又不想表現出來而努力掩飾的時候...內心真的不忍...不竟他只有我一個女...如果為了自己所想的所謂麻煩而令他失望的話...真的很不孝...所以決定努力去籌備...背後的動力也是因為他...過程中...爸爸完全沒任何要求...隨我們既意思去做...他只是簡單的對我說了一句說話: "只要你兩個開心就得架喇!!"  甚至禮金也不用...當然唔得啦...!!  @@~ 由始至終...佢都只係堅持這一句說話...真係好感動......沒有任何事比他這一句更重要!!  爸爸媽媽...我真係好感激你地將我帶黎呢個世界......

其實...別人說嫁出去會唔捨得...對於我黎講...我無感覺係唔捨得...因為我始終係佢個女...唔會因為嫁左而改變...對嗎?!  想和他吃飯...其實非常簡單...想對他好...亦是非常簡單...香港有幾大...更何況...我地住大埔...他住在馬鞍山...!!   只要彼此關心...距離並不重要...在乎是否有心......

很喜歡這張兩個大男人緊握對方的手的相片...^___^  男人和男人之間的感情...原來在不知不覺間的小動作自動透露出來...

終於完成偉大既移交儀式...係時候又要提番我o個幾句座右銘喇~~~!!  我銀包袋住一幅他倆的合照...我不時拎出黎同人謂 : " 佢地係我生命中兩個重要既男人...一個負責養大我...一個負責以後養我...... "  嘩哈哈~~~

兄弟姊妹放花炮玩打氣棒.....準備入場睇咀咀表演!! ^^

全日至近距離影到既花球...哈哈~~~

錫喇...錫喇!!!

嗨~~~各位~~~我終於嫁得出喇!!

唔好錯過呀~~~ 世紀之吻呀~~~ 哈哈~~~ 第一次響咁多人面前咀咀添...!!

我地準備去敬茶收禮物喇~~~ heehee ^^

 

 

下回:

JB1018 Wedding Party@女家敬茶 & 出門篇