拜完祖先...就返去男家敬茶喇~~~
首先敬茶比阿B's 大哥及大嫂~~~ 大概比朝早清醒得多...而且呢度又係自己屋企...個人就變得放鬆了...平時顛顛地既我返左黎...興奮地大聲請他倆喝茶: 大哥~~大嫂飲茶!!!! 哈~~~ 飲茶既開心...我收既更開心...嘩哈哈~~~
之後到二哥二嫂~~~ 他們住在我們的樓上...所以更熟絡...更可以玩放d~~再高多幾度叫: 二哥二嫂~~~~~ 飲茶!!!! 逗得他們笑呵呵~~~ yeah!!! 我係咪好乖呢?! ^__^
三哥三嫂近年比較少見...不過大家青年人...無乜所謂啦~~~ 高興嘛!! 又高d key叫: 三哥三嫂~~~~~~飲茶!!!!!!!!!!!! heehee^_______________^ 佢地仲即刻叫個仔改口叫我地: 拉叔~~拉嬸~~!! 因為阿B係最細既細佬囉!!
堂大哥堂大嫂...以前佢地成日返去舊屋打麻雀架~~~ 大佬好搞笑既呢!!
"大" 佬~~~ 阿嫂~~~~ 飲茶!!!
堂家姐及堂姐夫...當日幸好有她幫我們在男家打點一切呢~~~ 而且還是她抱細細出黎迎接我...之後阿細走失左...最後都係佢幫我地搵番黎架!! ^____^ 總之o個日真係麻煩晒佢啦~~^__^
姐夫~~~阿姐~~~飲茶~~~~~~~~~~~!!!
這是另一位堂家姐 & 姐夫...好耐無見喇...!! 後來到左夜晚送客時...堂姐夫先行埋黎同我講 : 哦!!~~ 原來你係以前o個個四眼妹!!! 哈哈~~~ 唔係丫嘛...?!! 見足成日先認得係我?! 唔通佢以為阿B搵過第二個?! 哈~~~ 佢一定係睇番成長片段時...見到我既四眼 look 先認到呀!!! 比佢笑死呀!!
仲有我隻細細豬~~~我地由敬茶開始...佢就即刻跳左上梳化搵個位坐定定...班兄弟姊妹就笑佢好似想飲埋一份咁...@@~ 佢坐左響阿B隔離...全程痴住阿B...真係痴身痴"細"!!
哈~~ 都話佢係攝石狗架啦...咩都要有份參與...又扮無野咁黎搶鏡喎!!
著起禮服的細細 & 花女...一樣咁可愛...哈~~
高高興興的敬完茶...就落花園影下合照留紀念...好難得咁齊人呢~~~!!
之後梗係同我班姊妹團影下相啦~~~
影埋個朝拍晚播既 ending 先~~~ 各位今晚見喇!!
之後成班親戚及兄弟姊妹就出去太和飲茶食 lunch~~ 而我同阿B就留響度換禮服及轉妝...準備出去大埔海濱公園影陣外影~~
期間有個小插曲....突然發覺我隻細細o靚妹離家出走唔見左...!! 嚇得我差d喊出黎...當時好擔心...好多野響個腦度諗...仲諗到夜晚咁長遠...唔見左佢點算呢?! 一陣仲出唔出去影相呢? 如果搵唔番佢...今晚好夜先有人返...佢咪無門口入?! 唔係今日呢個日子先唔見丫嘛?! 千百個問題在自己問自己...個人好亂...幸好一班親戚及兄弟幫手周圍搵佢...終於在祠堂搵番隻傻妹...去左咁遠!!!! 傻妹~!! 嚇死人喇!!!! 嗚嗚嗚~~~
阿細!!!! 你知唔知你咁百厭...會令我地好擔心架!!!! ><"
因為屋企人都唔想我地太急趕...所以安排了第二日才回門...真的很貼心呢...即日回門實在太趕時間喇...!! 而且都唔駛咁浪費要隻真乳豬...又食唔晒又油膩...一D都唔健康環保呀!! 真係好開心我既屋企人好明白事理...真係一種福氣!!
下回:
沒有留言:
張貼留言