因時間關係...好快就進行第三個遊戲 ~~ 呢 part 係考佢地既運氣...哈哈~~~
Game 3: 腳指夾麻雀 : 響裝滿冰塊既盤入面...用腳指夾出指定的麻雀...哈~~~ 姊妹C買左包冰塊而唔係冰粒...成塊冰...莫講話要夾隻牌出黎...根本腳都好難插到入去......哈哈~~~ 呢鋪係明搵笨呀!!
有兄弟仲話好易喎~~用手夾就得喎...@@~~
但都難唔到阿B喎!! @@~~ 不過佢夾唔中指定既牌呢~~
佢已經好努力去夾...不過無隻中...!! 兄弟們...你地幫下腳好喎...HAHA~~ 佢就黎抽筋喇~~
夾唔中就要罰啦...睇下罰乜先?!
哈~~~ 真係唔好彩...抽中至殘酷既極刑...免費脫毛服務~~ 係用牛皮膠紙痴腳毛呀!!!
除草行動...即將開始~~~
當姊妹W幫阿B脫毛的一刻...阿B七情上面的扮痛苦表情...哈~~
某兄弟居然無腳毛?! 姊妹們話佢係咪預先剃定避開一劫?! 哈~~
響呢個時候...兄弟C自告奮勇...話痴腳毛呢家野佢可以幫腳...睇下點?!
HAHA~~ 果然勁多腳毛...睇到姊妹們心花恕放...七手八腳咁拿拿臨幫佢除草喇!!
姊妹們手起膠紙...脫得一乾二淨...HAHA~~~可憐的兄弟C...果然夠義氣...HAHA~~我爸爸係咁笑...問仲有咩野玩!! 係咪真係脫毛!? 梗係啦...你估就鏡頭拍架咩?! 哈哈~~
哈哈~~~ 究竟幾時先接到新娘啊?! 哈~~
咁易咩?! 繼續有得你地捱呀!! 嘿~~
下篇預告:
JB1018 Wedding Party@兄弟姊妹混戰篇 - Game 4 開門大利是
沒有留言:
張貼留言