2008 年...大細佬決定結婚...他想先註冊後擺酒...不過最後佢決定唔響 HK 再擺酒喇...所以我爸爸直到而家係未正式飲新抱茶的!!
終於細佬決定在星期六正式敬茶比爸爸同我呢個家姐及姐夫...呵呵~~~ 我正式升呢成為大姑拉喇!! 因為阿B病左...所以佢影o個d相未有得睇...睇住阿sa影o個d先啦~~ 敬茶o個 part 全部用阿B架機影...而我o個架就用左黎影 video...所以頒獎o個part都係跳左先...哈哈~~~ (遲d再補番...)
黃老闆呢日好開心...話晒第一次飲新抱茶喎!! 阿sa影d相好搞笑...叫佢影snap...全部都係一個角度@@~~~
哈~~~呢張睇影相既效果...係我地叫佢地擺既扮野樣...!!
之前響笋崗幫細佬買左套茶壺...終於出場喇~~~
因為要去買金器比我地呢位家嫂...呵呵~~ 所以拎左兩金去兌換呀~~ 是日金價為 9980 ...所以只係賣左一粒...呢兩粒金...係公司上年頒比阿B服務 N年既獎金黎架...佢當時仲即刻送左一粒比我...嘻~~
同場加影...我地整比黃老闆既結婚相簿...紀錄晒我地由過大禮...上頭...大日子當日情況既相片...不過太多相...所以 d 相有點細粒...haha~~~
之後去左馬鞍山新港城食飯...真係好好彩...一去到就有檯...完全唔駛等呢~~~
飲杯~~~!!! ^_____________^
黃老闆今晚笑得好開心...成晚笑到見牙唔見眼呢~~!!
今晚好豐富...近來食得太多好野添...病到而家都未完全好番...今日阿B都病埋喇!! @@~~
賽螃蟹...佛跳牆...陀鳥肉...龍蝦...燒鵝...大魚...仲有芒果布丁...椰汁雪蛤羔...實在太飽喇~~
沒有留言:
張貼留言