一個字: 懶~~

我地近黎忙住整理d相...一個忙於用黎寫 blog...另一個就揀相整相簿...@@"

搞完個婚禮之後...又打回原形...又變番平時咁懶懶閒...結左婚之後...聽得最多既係: 幾時有相睇呀?!  無論係大日子同埋Honeymoon 既相...完全擱置左響度...呵呵~~ 都唔知結婚前係點樣凝聚o個股衝勁?!  現在生活實在太遊閒了...兩個都響度種草菇~~鬥懶!!

記得響上年七月書展...買左幾張 coupon 用黎整相簿仔...本來打算整本用黎大日子o個晚送比黃老闆...但係因為懶...之後又好忙...根本整唔切...所以又擱置左.....但係四張coupon expire date 係 2009年12月31日...終於響 deadline 前一個星期...阿B先開始動工...但係一時間要整兩大兩小的相簿唔係咁易...終於決定兩本大既做一樣...將大日子當日既相大部份放晒落去...咁樣唔駛晒咁多相出黎...哈哈~~ 一本比黃老闆...一本我地自己 keep...而兩本細既...一本以細細做主角...一本就用我地同大口仔既婚紗相...

但係到左將近 Dec 31...只係完成左兩本細相簿...但大既就完全無郁過@@!!  唔想浪費左兩張 coupon...唯有死死氣打去 Greenprint ...問可唔可以延遲幾日比我...佢話唔得呀...不過佢又幾好人...話如果我地響 Jan 4 前 (即假期後佢地第一日開工前) upload 個 file 去佢地度...都仲可以當我地係 Dec 31...換句話黎講就仲有幾日時間...所以晚晚叫阿B快D快D...佢就成日答我: 得啦得啦!!   ><"  終於搞到 Jan 4零晨三點幾...但係 upload 唔到上去印刷公司...~_____~"  係完全唔識郁o個隻...唯有o個朝返工再上傳...終於搞惦...成40mins呀!!  不過唔知人地仲肯唔肯做... ~____~"

終於今日忍唔住打去問下...好彩...四本都會照做...但係仲未審核...加上近黎聖誕及新年假期...還有書展...所以訂單會延遲印刷...oh~~~

另外...仲有兩本相簿未揀相交比純美整...又未比相佢地放上網比親朋戚友 download...原來結婚前後都會好多野搞...不過之前既心情係興奮...之後係懶懶懶...hahahaha~~