因為我地未化好妝...新郎哥同兄弟團響酒店下面等左好耐...打左好多次電話上黎催...終於忍唔住問酒店拎張後備匙自己入黎...哈哈~~ 諗唔到佢地有此一著添...嚇到班姊妹丫~~!! 猛問阿B點入黎架?!?!
自己開門咁都得?! @@~咁心急上黎比人玩?!?!
不過班姊妹無咁易比佢地嚇窒既...即刻架起紅色鐵馬欄番條路先...!!
新郎哥當日好 high...全程投入...有求必應...咩都自己親力親為 @@~~ 因為佢話咁先好玩喎...!!
姊妹定個神就開始第一個 game喇~~~ 想知道玩乜...首先就要吹波波...要吹爆呢個波...拎裡面張遊戲名字既字條出黎...!!
個波吹極都唔識爆...兄弟B出古惑...響後面拮爆呢~~ 你地睇下佢得手後扮無野個樣!! (但我在房內的 on live TV 看的一清二楚...差d想衝出黎玩埋一份...哈哈~~)
第一個項目係: 見面禮~~罰利是....!! 好明顯考新郎哥既誠意...嘿嘿嘿~~~
好彩新郎哥都識做...無扭擰...豪氣地響袋度拎左一疊利是比姊妹們...之後仲問佢地夠唔夠...隨手再比多一疊比d姊妹...@@~~佢話至緊要大家開心喎!!
接下來就分發道具假髮及三點式比兄弟們...要佢地扮o靚模跳舞...!! 個個當堂 O 晒咀呀~~~哈哈~~ 場面好搞笑...兄弟們既反應好極端...一邊既就丫大晒個咀嘈嘈閉...另一邊既就面有難色呆左企響度...哈哈~~
個個都唔肯戴隻綠色假髮...你推我讓...haha~~ 最後迫了小朋友戴~~ 好明顯係蝦細路啦!!!
哈~~ 其實阿B唔想整亂佢 GEL 左好耐的秀髮...不過無辦法啦...要娶老婆就要犧牲色相架喇!! 你地睇佢個樣幾咁無奈!!!
哈哈~~ 姊妹們仲幫佢執番四正d添...幾好服侍啊!!
還要著上三點式...阿B大叫我的阿姨們救命...投訴班姊妹玩三級...阿姨當然話反對無效啦!! HAHAHA~~~ 著上橙色的三點式...好搶眼呀...haha~~
真係難為左班兄弟...哈哈~~~
呢班o靚模...成班 hea 下 hea 下咁...真係跳既無奈...睇既眼冤...hahahaha~~ 黃老闆響房入面笑到哈哈聲...^___^ 求其比佢地過關~~~!!
之後又要吹爆波決定下一個命運了...你地睇...兄弟B又準備出上帝之手了!! 今次斷正呀...!! 比班姊姊話係人為唔算...要再黎過~~!!
上帝之手係唔會改變到你地既命運既...嘿嘿嘿~~~
待續......
下集預告:
JB1018 Wedding Party@兄弟姊妹混戰篇 - Game 2 飲汽水鬥長氣
你老公真係好,急住上黎比人玩!! 著住果d三點式真係好鬼尷尬~我果個都未必肯玩!
回覆刪除[版主回覆01/14/2010 01:14:00]因為之前 gathering 姊妹話得半個鐘唔夠時間玩...
所以我反映比老公知...佢當日就好合作...haha~~ 爭取時間比班姊妹開心下...!!
本來班姊妹話想叫佢地著到入大埔男家架...哈~~~不過費事玩咁大咋