20100123 Amy & Ki Wedding

上星期六...係阿B的表姪女的大囍日子...祝他們新婚愉快...年生貴子...hohohoho~~^__^

他們的婚宴場地設在大埔某酒家...一班兄弟很有型...哈哈~~~他們全部戴上特大的紫色 bow tie...很趣怪的樣子...著上深色西裝...腳踏波鞋~~!!  一班姊妹即著上香檳金的姊妹裙...襯上灰色的披肩...!!  大概一班都是相熟的朋友...所以玩得很放 @@~~ 一對司儀也是由兄弟姊妹擔任...在叫兄弟姊妹上台集合時...居然話: 再唔上黎就叫你地全名架喇!!  @@!!   不過睇得出個個都義不容辭的去幫手...而且一對新人對兄弟姊妹也很好呢~~~很喜歡看到這樣的友情...^___^  要做王子公主...背後一定要有班這樣的人...^^

先上台祝賀一對新人...新娘子早幾個月也有來我們的婚宴...今晚她對我說 : 今晚輪到我喇~~ ^____^   新娘子爽朗的性格很討人喜歡......

一對新人送給賓客的小禮物...毛巾蛋糕 及 毛巾波板糖~~

呢位小朋友很熱情...很會逗人開心呢~~~ 他主動走過來拖著我的手...還說姐姐靚...哈哈哈哈~~~

他們也是席前証婚...一對新人由所有兄弟姊妹帶領進場...感覺很溫馨...不過一班兄弟姊妹在放花炮時...大概沒有經驗...大部份向正新人頭頂上放 @@~~~ 而且支支花炮都幾大支下...搞到新郎哥在進場時...成日好似好驚咁要左避右避...有點搞笑又尷尬...... 最後他倆行到証婚檯...有位兄弟又向他們放炮...@@~~ 搞到成張檯都係紙碎...律師都要出馬撥走d紙碎才進行儀式呢~~~!!

婚宴中途...開始玩令賓客興高采烈的緊張遊戲...第一個遊戲係 : 賓客進場時可以自己選擇參與...要玩既就要交出 $20...再在紙條上寫上自己的電話號碼......當新郎哥抽中你的話...就會打電話比你...就可以行出台前的抽獎箱內...用一隻手抽出一疊鈔票...拿到幾多就係屬於你的了......其實我唔太喜歡用錢黎遊戲...即使當獎品也不太喜歡...好似無乜意義咁...當然...大概係我抽唔到才這樣說...抽到我話我既真實貪錢性情就會現晒形~~@@!!!

第二個遊戲係香港人至為熟識的~~~~ 六合彩!!!   哈哈~~~兄弟姊妹分發賓客每人一張六合彩票...台上播出某一期的真實六合彩搞珠情況...好搞笑~~ d 音樂好親切...

酒樓的食物也不錯...條魚很好吃......記得對上幾個月有次參加婚宴...條魚係唔熟既@@~~ 我老闆成日講...去飲係睇條魚同d翅得唔得...

吃到最尾時...突然上左 d 點心...我們第一次去飲有點心食@@~~~ 佢地仲話好似去左飲消夜茶...不過都幾特別啊!! ^___^