J & B 開心又無聊的生活點滴部落格: JB1018 Wedding Party@新娘準備篇

大日子前一晚...和伴娘在酒店房內搞到三點幾先上床...不過仲吹水吹到四點幾先捨得訓...六點半就要起身準備了...兩個都烏下烏下...幸好姊妹A及姊妹Y早到還給我買了麵包作早餐...全日就只吃了這兩個麵包喇!! 根本唔會肚餓既~~

其他姊妹們七點後陸續黎到集合...終於有d打到黎既感覺了...真正懂得緊張喇...!!

姊妹化妝師只有一個人...但要幫五位姊妹化妝...最後好似只係無畫眉...@@" 後來經過幾個朋友的婚禮...先覺得呢個化妝師都算勁了...咁短時間搞惦晒五位姊妹個頭 & 化妝...!! 係一個人搞惦5個人!! 而且個個都大致上整得幾好~~ 夜晚班同事都係覺得我地班姊妹好ok~~而且d裙好靚...

一早起身就扮鬼嚇人...HAHA~~~ 當時我剛收到新郎哥的 msg~~ 在晴朗的一天出發娶老婆! 好開心...但係呢個樣如果佢見到仲黎唔黎?! 哈哈~~ 好開心~~在晴朗的一天出嫁!!!

化妝師大S 幫我整容中.......

因為新郎已在下面等了很久...多次打電話黎催...所以未完全化好妝就要拿拿臨去影番D花絮相喇...哈~~我兩袖清風...咩都無預先戴...因為我只想響今日戴別人送給我的...!! heehee~~ 唔會無掛?! haha~~

這是爸爸媽媽給我的嫁妝...這份心意...很開心很滿足!! 金價咁貴...兩對龍鳳鐲既重量都唔係輕的......

還有用來配婚紗的珍珠頸鍊及手鍊...很喜歡這簡潔的設計........真的太喜歡了......

多謝G嫂早上已將小花女打扮得很漂亮...一齊到來分享我們的喜悅時刻...^^ 你地對我太好了~~ 我還只是早兩天的時間邀請小妹妹作為我們的花女呢...前一晚他們一家還為了取這小禮服要在旺角等到晚上十一點多...他們對我的情誼...真的很感動...!!

哈~~~ 著起花女裙...真的很可愛...!! ^^ 佢仲拎左d道具黎扮野添~~~

在錄影片段中...要我介紹每位姊妹出場...另外佢地每人都向我講了一番祝福的說話呢~~ 不過姊妹W及伴娘還沒化好妝...段片少了她倆呢!!

之後攝影師教D姊妹叫下d必勝既口號...不過NG左好多次...哈哈哈~~~ 好搞笑~~ 笑到真係咀都大埋~~~

好喜歡這對龍鳳耳環...令我有番少少女性味道...襯褂必備...吊吊 fing...很可愛......(唔知醜~~!!) 哈~~~

第一次整咁長既指甲...真的很不方便...之前一晚還因此而除不了隱形眼鏡...還要勞煩伴娘幫我除呢...兩個人搞左成半個鐘有多先除到...仲整到隻眼紅晒添呀~!! @@~~

"開門利是九萬九...仲要加多一層樓...比埋 Jovy 跟你走..." 呢幾句野叫左好多次都唔成功...!! 喂!!!~~ 你地覺得比得太多嗎?! 哈哈~~~ ^_______________________^"

當日玩得好開心...笑到成個傻仔咁...係咁 yeah yeah yeah~~我個樣平時都係咁傻架啦...呵呵~~~ 好開心影到呢d相...氣氛好好...好熱鬧呢!!

錄影師終於肯收貨喇...YEAH~~ 因伴娘還沒化好妝...所以這環節還是少了她呢~~

今日要辛苦咁多位姊妹喇...小小心意利是仔一封...^^ 因為時間太趕...所以響姊妹執野去男家之前...周圍捉D姊妹黎派利是影相...@@~~~ 場面相當混亂~~ 幸好在利是背後早已寫了人名...可以第一時間知道邊個未派...!! 個個都收得好開心咁喎...哈~~

全日要數最開懷笑容大獎的得主非姊妹W莫屬...HAHA~~~ 有她的畫面...就能感受到當時的喜悅~~ 而且佢由早 high 到晚...全程非常搞笑~!!

呢個係我既大會貼身美容顧問姊妹C...她絕對稱職又細心...而且又很會打扮...當日幸好有她在身邊...免除我走光甩妝...令我非常放心無顧慮~~ 當天就是她和伴娘和我一起並肩作戰~~ 係我既左右護法之一!! 呢位姊妹...還很受攝影師的歡迎呢...呵~~ 而且好多賓客都讚佢又好笑容又靚女...!! Yeah~~!!

當然要同當日和我一起無啖好食既伴娘黎張合照...兩條友仔都未訓醒咁既樣...哈哈~~ 咋晚她還來陪過我單身的最後一夜呢...兩人情話綿綿...第二朝就烏眉瞌睡...雖然樣子顯得唔多精神...不過呢晚係絕對難忘既一夜......所以都係值得的......^^ 而且在我搞婚事的期間...她陪我走過很多的路...真的很感動.....

一眾姊妹打扮得漂漂亮亮...黎張單獨合照先~~ 哈~~~ 我和阿B早上都變成有九個兄弟姊妹...哈哈~~~ 是天意?! 長長久久?! HEE~~

爸爸~~我終於要嫁人喇...呵呵~~ 你可以專心去打你既羽毛球...唔駛擔心我架喇!!

黃老闆之前還說不緊張...哈~~ 其實佢不知幾緊張...!! 原來佢噚晚無乜訓過呀!!! ~__~"

我問他 : "開心嗎?! 今日咩日子啊?!" 他好肯定咁答我 : "梗係開心啦!! 我嫁女啵!!!" 再問他 : "你捨得我嗎?!" 他一貫鬼馬的笑笑口同我講 : "我一陣多左個仔呀!! 駛乜唔捨得?!" 咁又係...嫁女多個仔...有著數...!! 的確...始終係黃老闆至精明~~!! ^___^

爸爸問我幾時出去...我話比佢知一陣響房既電視度會睇到佢地玩你個"仔"架!! 佢話咁佢咪唔幫得手?! @@~~~ 你想玩埋佢一份...?! 定係想幫佢接招呢?! @@~~

我的阿姨們及我的好弟弟及弟婦...都來見証我出嫁呢~~~ ^__^ 阿姨幫我著褂...眼濕濕的對我講...感覺好似佢嫁女咁......如果...媽媽還在...眼淺的她...一定會喊過不停...這天...媽媽的影子在我腦中不停的出現......心情很矛盾...既開心又有點隱隱的心酸...

開始緊張呢...期待左好耐既時刻就黎到喇.............................

姊妹們亦已準備好一陣玩班兄弟既道具喇~~~ 嘿嘿嘿~~~ 究竟玩乜呢?! 其實我都唔係好知~~ 因為佢地事前將之前決定既遊戲全部更改了~~ 多謝伴娘及姊妹C的重新策劃...令到接新娘呢個環節變得豐富得多...^__________^ 其實我幾著重呢個環節...之前的討論確實令我有點失望...因為如果玩遊戲呢個環節過癮又搞笑的話...夜晚播早拍晚播d賓客就無咁悶...更容易投入我地既婚禮呢...所以這兩姊妹的細心...令我在 gathering 之後確實因此釋懷了...... 加上新郎哥的配合...兄弟的協助...這環節很熱鬧呢!!