好耐未試過做 d 咁有益身心既活動...其實原本係上年三月去架喇...點知o個次落大雨又行雷...所以取消左...而一路都唔係觀鳥既好季節...所以推到今年先起行...不過都有兩個無黎到呀...!! 我相信佢地今次既行程最驚喜除左係睇下雀之外...就係見到我喇...!! 哈哈~~~因為我呢個懶鬼都會晨咁早去行喎!! 真係架...佢地有d未見到我響現場都唔多信架!! heehee~~ 人會變 (一陣) 架嘛...!!
今次行動總共有9個成員...影呢張相時...其中有個真正身份係警察的古惑仔爸爸居然行開左...唔知行左去邊呢?!
由九點半行到一點幾...可能唔熱啦...所以都OK喎...時間過得好快呢~~ 不過睇到唔係咁多雀啦~~ 無乜運氣添!!
古惑仔仔好乖呢...用佢隻溫暖手仔拖住我地行呀...小暖包比D溫暖我地呀~~!! 不過佢乖左陣就走番去拖佢媽咪喇!! @@~
有咩影?! 咪係影影我地既~~~黑皮雀人囉!! 哈哈哈~~~
細路...你昅乜呀??!!
一大班觀鳥人響度等影雀呢...真好耐性...影一張靚相...可能要等好耐呢~~!! ^^
相比於上面D大炮...我o個部真係小玩具...@@~~
曾生曾太難得的一次郊遊~~~哈哈~~~
回程時...越行越凍...之前已經病病地...返到屋企仲病多幾錢......~___~"
風吹到我個鼻好唔舒服呢~~~ 結果回程時變左懞面大盜~~~
返到上水就散 band 喇~~~~ 係喎...點解我地唔一齊食埋 Lunch 呢?! @@!!
Lunch 只係去左食大排長龍既 " 腸蛋辣 " + 花生粥 + 波羅油...haha~~ 至鍾意食埋d立雜野架喇!!
呢間腸粉鋪響上水好出名...出名好食...出名老闆好串好有性格...!!
有隻貓貓...門口個位可能租左比人擺檔...所以佢要搬左入鋪住喇...咁仲好啦~~!!
*** *** *** *** *** *** *** *** *** *** *** *** *** *** *** *** *** *** *** *** ***
夜晚原本諗住即興叫樓上樓下 BBQ 的...不過我既病好似越黎越嚴重...阿B驚我頂唔順...所以決定去買餸煮比我食...呵呵~~~
返到屋企...阿B叫我食藥訓陣教...響 facebook 度養左缸魚...所以餵埋d魚就去訓...heehee~~ 一訓就訓到八點...阿B叫我起身食野...好肚餓呢~~~ 佢已經煮好喇!! yeah~~!!!
有栗米瘦肉粥...清湯炒蚌...大蝦炒脆肉瓜 + 椰菜花 + 栗米...乳鴿... 好好味...不過乳鴿只係食左一小邊就唔想食喇...因為有d油...
好豐富的一餐...^_____________^ 病都精神左d...
上午去米埔, 夜晚就有乳鴿食.......o岩數喎~
回覆刪除[版主回覆01/31/2010 22:28:00]唔通LB o個架表面上係相機...實際上係支鳥槍?!
咦咦...樓下... 終於現名留言wor~
回覆刪除[版主回覆01/31/2010 22:29:00]你又知人地匿名?! ha~
要知我唔係咁隨便既人, 唔係靚女我係唔會留言或者回覆架, 你見我專登覆返你就知啦
回覆刪除[版主回覆01/31/2010 22:30:00]咁好明顯我係靚女喇~~!! 呵呵~~