錯版!? 怪事特別多...

因為大陸有同事想要我們的小禮物...所以之前帶了幾盒返公司...今日拎出黎睇時...發現居然出現錯版@@"!!!   本來是一男一女的豬仔匙巾...男的刻了我們的名字...女的即刻了我們大日子的日期...點知呢一對女的居然也是刻了名字!!

哈哈~~~ 究竟其他o個d有冇錯版呢?!  呢對咁特別既...我地當然留為紀念啦~~^^

這是正確的版本~~

***

近黎怪事特別多...今朝 Chartered 打比我...話我開左張五千幾蚊既支票...但支票戶口唔夠 $$...叫我十點前要入數...否則會彈票...

我第一個反應係...我而家多數用 pps...所以好少開票...有都係交下石油氣...不過都係幾廿蚊...何來開左張五千幾呢?!  第二個諗法係...我再對上一次開票係上次租婚紗裙褂時...比按金就開過幾張...唔通而家黎過數...但係 D 票我明明有收番架!!   心裡面幾百個問號...但銀行職員只係話顯示到我唔夠 $$ 過數...最後佢比左個 Cheque no.比我...我話比佢知要 check 下先轉頭覆佢...

之後我拎本 cheque book 黎睇...我邊有票no.係4字頭呢...我d票係5字頭的...所以即刻打比 bank...但佢好肯定話張票係我既名...所以我唯有問下阿B...睇下佢可唔可以幫我諗下係咪我真係有開過...點知我一講個銀碼比佢知...佢就話係開比香港政府用黎交牌費...@@~~~!!!   原來佢個傻人...拎錯我放響屋企o個本 cheque book 當係佢既黎開票呀!!!    於是我照過左五千幾去 Current a/c...再打番比 bank ...講個原因佢知...不過我話比佢知唔想彈票...但個簽名唔係我既...佢話家下顯示只係話我唔夠 $$ ...只要入番數就ok...至於其他佢就唔知...@@~~ 下午三點後...我再用電話理財去 check 張票過數情況...居然話已過數...!!   其實咁得唔得架?!  雖然我唔想呢張支票彈票...不過確實唔係我既簽名啵...!!  銀行咁都會過數既?!  um...真係好奇怪囉...!!

其實阿B上次都拎錯過我本 Cheque book 黎開票...仲要係開票比人情比兄弟A的...不過簽完名就即刻發現搞錯...仲猛笑話如果比左兄弟A就搞笑...點知個幾月後真係發生同類事件@@!!

***

另外...之前買左幾條鍊...諗諗下好似唔應該買細 size...今晚拆出黎拎比阿B試下...長度只係剛剛好...咁即係唔啱啦...!!  所以決定聽晚拎番去全部換晒大 size...唉...真係笨...用自己隻怪手去試...天生手幼腳粗架嘛...咁樣梗係啱啦...但唔係我戴架嘛...!!  um......~__~"

公司有糖派

放左幾日假...個靈魂都未曉回歸...仲要咁凍起身返工...真係好淒涼...我個阿head佢就happy...走左去旅行...

放假前係咁趕d野比佢...之後放假就收到佢既 e-mail...關於 d 退休金既回報計劃有d改變...睇睇下...又發現我既名出現響篇野度...係響 1月15日前收齊有關表格...真係比佢激死...次次都唔單聲...起碼事前講聲都好丫...搞到我唔知頭唔知路...!!

好似上年減人工...佢仲要響12月22晚上10點幾發出 e-mail...要我地響27號前交番張同意書...事前又係無講聲...又係響e-mail度叫我同另一位同事集齊表格...搞到有d同事以為我一早係收到料唔出聲...真係冤枉!!!  我都係睇到 e-mail 先知咋...真係唔明點解我老頂唔會預先講明先...有時真係比佢玩死呢!!

今年有個好消息...就係有個效益獎勵...因為上年減左人工...公司話回饋各同事對公司既支持和貢獻...會發放10分1既底薪作為獎金...今次佢呢個 e-mail 都係12月23日出既...不過就係17:37發出...我第日就笑住問佢...上年減人工就漏夜出 e-mail係咪驚比人圍剿?!  今年咁早發出係咪想比人讚呢?!  佢話係喎!!  哈哈~~~ 10分1都好過無...!!  今年收到最滿意既聖誕禮物...hahaha~~~

***

今日姊妹S 度完蜜月返工喇...佢比左幾樣手信我呢...個袋係紫色好靚架...不過唔知點解響公司影...出黎既效果變左藍色@@~~ 係咪燈光影響呢?!

***

上星期...公司突然出現左呢隻方舟...公司第二日就比人又爆格...@@"  之前我地仲講笑話呢隻野係用黎監察門口既同事...不過今次就無損失...只係比人整爛左度閘...個夾萬又係比人拖左出黎...所以我地懷疑呢個賊係今年年頭o個個...因為佢實在太熟位置了...而且我個位佢一d都無搞過...只係搞亂我後面o個個既櫃桶...今次d 賊仲蝕左d工具添呀...因為我個阿head無拉拉中番公司...嚇走左d賊...我地話佢好英勇呀...又鎮定...響等警察既途中...仲醒起自己未食飯...叫我後面既同事趕返公司既時候...順便幫佢去麥記買個飽呀!!  丫...乜佢唔知有麥默送既 service咩?! 

因為佈置聖誕...Receiption 既同事就貼左幾隻鹿上去...好快公司就派糖...哈哈~~~ 又幾邪喎!!

呢隻係懸浮方舟...但我地唔敢亂郁...因為係大老闆擺響 receiption 的...之前仲有幾隻大字貼響隔離 : " 懸浮方舟...請勿移動"...差在未寫埋"...違者格殺勿論" 落去咋!! 

梗係唔敢郁啦...因為整跌左...好難先還原到架...有同事曾以身試法架喇!!  哈哈~~

曾生和曾太婚後的第一個BOXING DAY

今日約左班老友去兄弟G屋企BBQ + 交換禮物...不過G嫂佢地就去左順德飲喜酒...我地就去佢屋企造反了!!

姊姊C帶了兩個新朋友黎...另外仲有個兩歲小妹妹...好可愛既呢~~~ 而同學仔就帶埋佢姪女黎一齊玩~~

我同阿B去上水買齊所有燒東西...六點幾去沙田拎埋個聖誕蛋糕...就車埋同學仔兩個去彰木頭...哈~~唔係上大陸啊...係去烏溪沙呀~~~

太耐無燒野食喇...好開心呢...^^  一路燒...爭下野食...又搶下野食咁...吹下水講下笑...都搞到十點幾...緊張時刻黎到...就係交換廢物時間了...HAHA~~~點解咁講...?!  因為我地班友仔一向都係買埋d唔等駛又無用既野黎交換既!!

呢兩份係至靚又實用既兩份禮物...hahahahaha~~~

班友仔...一抽到 NO. 就衝入屋搶禮物黎拆...有相為証架!!  嘿嘿~~~姊妹C摟住自己抽到o個份就猛搵其他人o個d...hahaha~~ 今次禮物既水準好似提高左啵...HAHA~~ 有盒 Royce 朱古力...有盒勁靚既名牌餅...有隻 4 GB 手指...有隻名牌 bear ...有隻史敵仔...有條好靚既骷髏骨頸巾...有盒好好用既 diary mask...有兩支C牌既薰衣草 lotion...有盒 C牌既靚靚迷你 hand cream...仲有個最無用但曉閃既羊 cushion...

我今日先知原來信教的係唔可以用骷髏骨既野...所以當小妹妹既媽咪抽到條頸巾...佢送左比姊妹C...但姊妹C唔肯送番抽到既靚 bear 比人...哈哈~~~ 佢仲將兄弟A同兄弟G抽到既朱古力 & 餅乾拆左黎比我地分享...HAHAHAHA~~~

至於阿B就抽到新朋友買既薰衣草 lotion...um...我對呢隻味敏感的...所以今次我無得據為己有了...

而我就抽到令人意外既兄弟A的禮物...呢個 cushion 我都有諗過買黎做聖誕禮物的...不過實在太大個...我驚比班友仔丙...點知...佢條友仔今次得黎讚賞喎...之後佢成晚好得戚呢...仲 send msg 比阿B話姊妹C今次讚佢買得好...~____~"  真無聊...!!  不過比我地發現左佢更 DOG 的諗法...就係刻意唔摵價錢牌呀!!!!!!!!!!!!!!!!!!!!!!!!!!   一田幫人包裝既第一件事一定會幫你摵左個價錢牌的...係佢叫人唔好摵的!!!!!!   佢要比我地知道今次佢超過百五蚊...哈哈~~~ 條友仔好幼稚呀!!!!!!!!!!!!!!!!!!   我地話佢既然係咁做乜唔買埋電...家下無得試呀!!!!   嘿~~ 實在太好笑喇!!!

之後食埋個聖誕蛋糕...吹多陣水...都成十一點幾喇...打爛埋隻紅酒杯就散水喇...!!  個蛋糕係咪好靚呢?!  仲好好味添呀~~!!

***

G嫂唔響度...阿兄弟G就咩都搵唔到...我地要咩無咩...搵垃圾袋都搵左好耐@@~~ 唯一佢好快搵到比我地既就係筆...佢話成間屋至多就係筆...真係無花假...真係好多...哈哈~~ 兩層樓三個小朋友讀書...但係筆既數量就好驚人...!!

***

我包左朱古力送既贈品比Dick仔同G嫂...佢話想要對猿人杯的...^^ 好靚架...佢響 facebook度多謝我呢~~ (個波點袋我自己用的...)

好開心既一晚...如果齊人就更開心喇!!  太開心...唔記得黎張大合照添...um...唔緊要啦...一切在心中......^^  我會記得今晚的......

曾生和曾太婚後的第一個聖誕節

同阿B過左無數過聖誕節...要浪漫要悶極要低b要開心既都試過晒...今年只係身份變左...但係都係離不開去食食食...其實我地兩個對食既要求唔太高...亦唔太好d 貴夾唔飽既野...所以今年我地決定去食放題...九龍城既一代...環境 ok...不過係service麻麻...間唔中我地都會去食下...24號先 book 位都仲有位...而且無加價...咁就至好喇!!

6點3左右已經去到九龍城...仲搵到咪標位...咁我地就去九龍城廣場行左陣...買左份聖誕禮物比姊妹C...係支 Anna Sui 香水...我勁鍾意個樽!!  Rock!!

未夠七點我地就去到餐廳...今日太多人...所以位有D迫...我地好唔好彩...隔離o個兩位阿姐講野極之大聲...有次仲講述佢既胃酸倒流...oh...我真係有點反胃...阿B叫我唔好聽...我都想...!!!  佢再講呢D呢...我就會講屎尿屁架喇!!  ~___~"

唔知係咪多人食左...家下少左好多野選擇...無左火煱系列呢~~~ 所以只好叫鐵板自助燒...

食左好多魚生...食得好飽...好開心滿足的一餐...HAHAHA~~~

食完仲有聖誕禮物送...@@~~

曾生和曾太婚後的第一個平安夜

今日放三點...不過阿B因為仲有野做...要成七點幾先走得...所以我自己去左沙田買聖誕禮物...準備26號同班老友玩交換禮物...要買兩份 $150 既禮物...真係幾頭痛...人又多...行完一田...又去 city super 行...兩邊行黎行去...行左幾次...都唔知買咩好...

諗諗下...不如去睇d想買好耐既野...終於買左 d 好靚既野先...實在太喜歡了...!!  希望到時佢地都會鍾意啦~~~ 個charm諗左好耐買邊款...最後揀了一式一樣的四葉草圖案...簡簡單單既款式...代表我們的一份感謝和祝福的心意...^^

四葉草是車軸草屬植物（包括三葉草屬和苜蓿草）的稀有變種，也有五葉以上，至多是十八葉。在西方認為能找到四葉草是幸運的表現，在日本則認為會得到幸福，所以又稱幸運草。四葉草會被賦予這些意義是因為非常其珍罕性。大概一萬株三葉草中只會有一株是四葉的（一說為十萬株才有一株）。

傳說中幸運草的四片葉子所代表的意思，有以下兩種講法：

1. 第一片葉子代表希望（hope）、第二片葉子表示信心（faith）、第三片葉子是愛情（love）、而多出來的第四片葉子則是幸運（luck）的象徵。這種說法與基督教的望德、信德和愛德思想相配。
   
2. 第一片葉子代表真愛（love）、第二片葉子代表健康（health）、第三片葉子代表名譽（glory）、第四片葉子代表財富（riches）。

資料來源: 維基百科

http://zh.wikipedia.org/zh-tw/%E5%9B%9B%E8%91%89%E8%8D%89

***

之後再去睇多次D禮物...心目中都諗左D...不過想等埋阿B一齊黎睇下...但佢話比我知仲未得...UM...實在好累呢...剛巧新城市有 show 睇...就去睇陣先...

咁細個場居然玩到雜技...真厲害呢!!   我仲拍左d短片比阿B睇...HEEHEE~~

睇完後就去買埋D禮物喇...唔想再行去一田喇...所以響 city super 買左條頸巾...我既至愛~~~

再去"有少少鍾意左佢" o個度買左 pack 我的美麗diary...哈哈~~~ 兩樣野未折扣之前係超過 $150 的...!!  哈~~ 佢要平比我都無辦法架...點知...佢班友都係咁諗法...哈~~~ 份份都唔過百五蚊的...!!

如果見勢色唔對路...我同阿B一定力保呢兩份野...哈哈~~~ 佢地既紀錄實在太唔得喇!!!!

買完之後...阿B終於可以放工...上次聖anna 有張 $100 蛋糕 coupon...所以我地加左d錢訂左個聖誕蛋糕準備 26號拎埋去兄弟G屋企食...個蛋糕好靚架~~

我地見度度都咁多人...所以去太興食 DINNER...哈哈~~~係呀...又用COUPON呀!!  今次為左慶祝平安夜...所以我地專登叫左個搵笨實既羊腩煲...份量只夠一人用 ~___~"  但要成七十幾蚊!!  仲叫多牒燒味飯...不過好多燒味都無...只好叫燒鵝加燻蹄...食完唔多滿足...返到屋企諗諗下食多個杯麵...哈~~~ 呢個平安夜真特別!!  ^^

***

公司前幾日有客送左個龍島禮物籃黎...幾靚的...不過好快比人分屍了... D 朱古力好好味架!!

公司聖誕PARTY 之 抽獎

經過一輪搶食之後...個個食到回晒本...好快就到 PARTY 既尾聲...亦即係戲肉開始...HOHOHO~~~ 抽獎時間!!

其實年年既獎品都係差唔多...好多都係一田減價時既貨品...哈哈~~ 例如: 床單...羽絨被呢D日用品...其他既係各式禮劵...海味...富豪酒店sponsor的自助餐劵...護膚品等等...人人有份...睇你運數...今年有樣新類別...就係按摩椅墊...@@~~ 而且仲將禮物加碼...好多樣都加多幾張禮劵在內...總之就係年尾分 bonus 既前哨戰...hahaha~~

今年我同阿B痴埋一堆...抽 1415 號獎~~~

就係有床單被袋 + 紅酒一支 + $200 百佳禮劵 + $400 惠康禮劵!!

 

 

公司聖誕PARTY 之 小黑 & 雪人被糟質記

今日係公司一年一度的聖誕 PARTY...每人只要繳交 $50 就可以又食又拎...

呢個 board 今年好熱鬧...哈哈~~~ 每人加幾筆...最後面目全非...哈哈哈~~~

最先的版本...

之後開始每人加 d 加 d...

仲著埋三角褲......@@!!

雪人開始驚.....

驚都無用...仲大鑊...哈哈~~

最後...變成咁...哈哈哈~~~

其中一位破壞王!!!   HAHAHAHAHA~~~