大日子的回顧篇: 戰衣

大日子當日實在太繁忙又混亂...成日都好似同時間競賽咁...所以我同阿B兩個人既合照其實唔多...但係都好開心...可以同好多親戚朋友都有單獨合照...很難得呢......!!

File size太大...唔識將D相 re-size...阿B又唔得閒理我呢D無聊事...所以用了一個好原始的方法...就係 print sceen 去小畫家度 edit...所以質素麻麻...而且整唔得幾多相...各位請見諒...我已經儘量快d post 出黎架喇... 當日既花絮會遲D再 post...

咪話唔提醒各位...以下相片可能引致有反胃情況出現...如有不適情況出現...敬請見諒...heehee~~^__^

***

大日子的戰衣:

(1) 出門 look ~~ 中五福褂

以極速15mins租既褂...哈~~ 件褂唔太多金線又唔太紅但圖案很立體...著起感覺舒服自然啱身...有無覺得我變得好賢淑?!  heehee!!^^  我好鍾意對龍鳳吊吊 fing 既耳環...好襯套褂呢~~

d人成日話我地兩個似樣...呢張相又真係幾似喎!!  呢個動作我地全日做得最多...haha~

(2) 外影 look ~~ 泡泡拖尾婚紗

因為我比較論盡...所以費事外影時整污糟條裙...夜晚又要著黎march-in咁醜樣...所以就租多件婚紗黎外影著...本來呢條係要黎進場著既...因為質料比較閃...不過最後覺得比較適合用黎外影...所以和進場o個件拖尾婚紗掉轉出場次序...

Last fiiting 同伴娘兩個條傻婆的合照...一齊去 fitting ...感覺很好玩又難忘...^^

 
著呢條裙好輕鬆...我仲著住對金色 converse ...哈~~~ 沿途 d 人見到都覺得我對鞋好搞笑...上身著婚紗下面著波鞋...

(3) 席前意外一 look ~~ 綠色蛋糕裙 (頭髮披肩)

係咪有d似雅典女~~~~~巫呢?!  哈哈~~~ 呢個 look係為左招呼早來又早走既老闆及老闆娘...呢個 look 只係影左一張相 (我 cut 左老闆同老闆娘出黎...)...

(4) 席前意外二 look ~~ 綠色蛋糕裙 (頭髮束起)...

呢件衫抱住著得唔好晒既心態...不過反而又幾多人鍾意...有點意外...@@~~ 可能我有潛質係公主~~~~~~病...haha~~

初時擔心著起黎好肥...好彩姊妹C幫我收埋D鬼祟肉...!!  而且幫我貼好膠紙防我呢d大動作既人走光...所以有個識著衫扮靚既幫手會係好d~~ 佢仲好細心呢!!

著住蛋糕裙黎切蛋糕...真應景...haha~~ 誇誇地既頭飾原來影相出黎係會靚d...

(5) 迎賓 look ~~ 紫色晚裝

因為鍾情紫色...響搵衫既過程中...一直堅持想搵件紫色既用黎作大合照用...不過紫色真係幾蝦我呢d皮膚黃又黑既人著...大大話話試左十多套紫色的都覺得唔太好睇...試過條幻彩色的...原來係好舊既款...怪唔得著起黎怪怪的...總係覺得同紫色格格不入咁...如果著A-line...一定比人勁噓...因為佢地話太普通又顯得成熟老成...企出黎分分鐘d客人仲突出過我...><"  無辦法...因為自己又真係太平凡兼普通...所以都係要搵d有台型既裙用黎大合照...

終於在Couple找到它...著起呢件紫色晚裝...出奇地又顯得我好似白淨左...所以唔駛諗喇...就用呢件......

呢個就係幫我揀衫既好 brother ...

隻紫色真的好靚...仲係露背綁帶架!!

(6) 進場及註冊 look ~~ A-line 蝴蝶結長拖尾婚紗

可能呢件衫係上天安排我要著...錯有錯著...所以最後都決定用佢黎做我步入人生另一階段既戰衣......簡簡單單的拖尾...但感覺高貴...越睇越鍾意...

呢件婚紗質地好靚...好簡單既款式...條拖尾好長...不過好重...最困難係上樓梯...我上條旋轉樓梯時簡直係拉牛上樹咁...感覺似爬上黎多d...哈哈~~~ 阿B好驚我呢個論盡王PK...所以係咁昅實我...因為當時係錄影緊...佢驚我拉埋佢碌落樓梯出洋相...哈哈~~ 早D嚇下佢啦~~~

又 YEAH!!   律師都頂我地唔順...HAHA~~

 

我覺得戴露指短手套好睇d...加上近來才喜歡的 lace...很喜愛這輕巧的小手套...我試過戴長手套...不過唔似得人地戴得咁高貴...唔露指既我又戴得似切片皮鴨咁...可能我唔太高又太粗魯啦~~的式輕鬆型既野都係o岩我d...所以影婚紗相到大日子都係鍾情戴短手套...

(7) 敬酒 look ~~ 藍紅色中式掛頸晚裝

揀呢件衫又係我 brother 既主意...佢叫我試下著d唔同類型既衫...果然呢件租得係最抵既~~ 出黎效果全場哄動...仲出現排隊補影相奇景...仲要影左成八個幾字...停晒上菜但都無人炸形...唔止令賓客難忘...令我更難忘.....其實揀衫時都幾大壓力...因為怕公司d人把只識彈三彈四既口...不過出黎效果佢地讚不絕口...呢一晚...係我成世人聽到最多人話我靚既一晚...^____________________^  實在太開心...^^  所有擔心一掃而空...!!  YEAH~~  我終於正正式式做左一晚女主腳喇!!!

兄弟H...呢幅相我話收佢三百蚊一張...佢都話要影...哈哈~~ 而男主腳全日只有兩個 look...係一白一黑...簡簡單單的款式...無浮誇無做作...其實好多人都讚你著得好睇架...響我心目中...你咩都係 100分的...哈哈哈~~

仲影左相全公司合照...個個都情緒高漲咁...好合作地齊齊舉起V手勢大叫 yeah~~ 哈哈~~ 好搞笑~~ 當晚好感激個個咁比面...基本上有派帖既都有出席...地方淺窄...酒微菜薄...能夠令佢地咁開心投入...呢張相真係值得紀念...而且印象中...公司影合照都未試過個個笑成咁的@@~  之後派番張相比d同事...佢地都話呢張相個氣氛真係好好...佢地都好鍾意呢~!!  其實...見到佢地開心...我都覺得開心啊...!!  不竟我地個婚禮無乜大驚喜比到人...而佢地都可以咁投入...真係好多謝好多謝!!

(8) 送客 look ~~ 黃色A-line晚裝

呢件衫係 last fitting 時才租的...因為我想送客時輕輕鬆鬆...不過公司D人就話著得係靚既...不過覺得普通d o者...因為之前o個d太搶...所以呢件幾得突然平凡左@@~~ 但我覺得著得幾清秀喎...好鍾意黃色好清新...呵呵呵~~~ 呢件衫及呢個造型我係最鍾意的~!!  簡簡單單乾乾淨淨咁...似番平時既我...heehee~~

著A-line 其實只係我一廂情願...賓客就會覺得平平無奇...不竟著衫出黎都係比人睇...得到讚美先叫做靚...家下我明喇...!!   不過我都無後悔揀條A-line黎送客...呵呵呵~~~

全日最開心既係唔駛著 girdle...而且我又怕我舉止粗魯動作大...易露 girdle邊出黎...我呢d平時都唔鍾意著窄身衫既人...要扎到我成個木乃伊我會好唔自然...家下雖然無驚人既身材...無S型既腰...但係換黎係成晚輕鬆自在...無所謂啦~~ ^__^  橫惦我一早已決定行福氣型 (即係肥) ...哈~~

親戚少...金價貴...金器唔多...而且我叫佢地折現...哈~~簡簡單單...不過我已經好滿足了...^___^  因為當晚得到我想有的...!!   一個難忘的晚上......一班全部都熟識的親朋戚友的到臨.....一系列一起努力的DIY成果......還有...身邊的這個人......實在太滿足了!!

我成晚換左總共5套衫...每個妝髮型加上換衫起碼要半小時...時間都幾趕...變左成日唔見左人...heehee~~ 都有比公司D人話成晚失蹤...雖然係靚...佢地話只係知我好多衫要換...@@~~ 次次一見到我就已經變左身...!!

不過每個女仔都想大日子當日多d形象見人架啦...難得做下主角嘛...^___^ heehee~~ 真係唔好意思呢!!