阿伯蛋糕

星期二晚去左旺角聽 seminar ... 哈~~ 撞正開 party...仲提早踫到聖誕瘦人...佢仲派聖誕禮物添...不過我同好多人一樣...至怕收到呢d食既野...唔知包裝過程衛唔衛生...又唔知咩出產地食用期等...我見有d收到仲轉頭扔左落垃圾桶...都唔明點解d人成日話環保...但係就浪費食物...不過...我雖然無掉左去...但係我都唔想食...@@~~ 真係食之無味...棄之可惜...擺又阻訂...

之後打算去食野...經過阿伯加奴...其實我次次經過呢度都會去望下d雪糕...不過一個人食又好似好無聊咁...所以次次都得個望字...聽同事講佢上次換左蛋糕黎食...猛讚好味...個樣都幾吸引...剛好我袋左幾張之前派剩既雪糕劵...所以用左一張couple再加 $$ 換左四件蛋糕返屋企...食左一定肥死...不過唔食又好似對唔住自己咁...一於括出去喇...!!

同阿B一人兩件...分兩日食晒~~

我覺得略甜...可能因為而家我食野無咁濃味...清淡左...又戒左食零食...如果係以前...我係極鍾意食甜野...

有D朋友及同事陸續開始拎couple去換野食...哈~~佢地話原來咁貴架...梗係啦...你估美身西餅呀!!  一張餅咭換一打呀!  不過佢地話呢張couple好...起碼佢地會換黎食...其他餅咭多數擺幾年都未用得著...有d甚至轉送比人...咁就無左o個份心意啦~~

下次去到...一定要食雪糕...冬天食雪糕...正!!!!