好朋友聚會~~ (續...)

今晚約左班好朋友去左廟街食海鮮...今次得七男女...因為有兩個都唔得閒出黎...如果唔係我地又係九男女了...哈~~~好耐無黎過廟街喇...一路以為廟街響油麻地...原來廟街係去到佐敦...@@~~ 真係鄉下仔出城咁~~

我記憶中既廟街係好多人睇相...又有人唱曲...好似新不了情咁...而家原來仲搭左個舞台出黎...仲打埋燈咁...不過唱既人麻麻囉...只係覺得好嘈...

我地去左間個名係叫咩辣蟹既...應該食蟹好出名咁...不過我地就無叫呢d麻煩海鮮...只係叫左白焯蝦 (有人仲要人服侍...要人剝埋殼先食!!  真巴閉...嘿嘿嘿~~)...炒蜆...咕嚕肉...西檸雞...香辣蝦...炒菜...炒飯...乾炒牛河...炒四季豆...煎蠔餅...共十樣野...

哈~~~又話黎食海鮮...只係得三樣係呢...

呢度其實以食物質素黎講幾貴下...而且有點貨不對 menu 幅圖...牒香辣蝦無乜味...炒飯無乜味...西檸雞就無晒幅圖o個d椒類既野...而且又趕人走咁...因為太旺...所以我地好似去左 canteen 咁...拿拿聲食完就趕開工咁走人...有點無癮...都傾唔到幾句就要埋單...

所以我地搵左間食糖水...再吹下水...唔得~~~ 下個月要搵日再出黎...正正經經搵間野去食飯先得!!

今晚可能食左蝦同埋食左辣...傷口有d痕既感覺...um...真係要戒下口先得...

之後車左火仔返屋企...可能佢飲左啤酒...我覺得佢今晚有d唔係幾開心...佢話左比我知同喇叭既野...原來係咁......希望佢快d清醒啦...其實佢明架!!

哈~~ 今次見面...發覺大家都有轉變...係外型...女既一向直頭髮o個d就變曲...曲既變直...男既肥既變瘦...瘦既玩練大個胸...而阿B就變瘦左少少...幸好...個個心都未變...^^

***

送左份響巴黎買既水晶鍊比南瓜妹做生日禮物...其實我都有一條一樣的...我覺得好靚呀...又得意...我覺得佢都會鍾意...之後send左個 msg比佢教佢將隻蝙蝠仔扣落條鍊度...佢居然答我話 : 拆開見到兩個盒都好奇怪我比左兩份野佢...以為我放多左@@~~ 我真係送左兩份比你呀...我地覺得扣落條鍊度會靚d...所以買埋條鍊比你呀...傻瓜!!  

佢話一見到就好鍾意...yeah~~ 不過香港剛有得賣呢...~___~" 

隻蝙蝠對翼會郁架...好得意呢~~ 因為南瓜妹響南瓜節生日...所以阿B一見到就覺得呢隻野好襯 哈佬喂 生日既南瓜桐...就決定買呢樣做佢既生日禮物~~

***

yeah~~ 柴九萬歲!!  都話你得架啦~~!!!