記得話比姊妹A聽我要結婚了...佢聽到後好開心...仲即時答應做我的姊妹團一份子...而且佢對我既妝容好關照...哈~~~可能佢知我一向對扮靚護膚無乜研究...所以佢送左好多補品比我...
好似我去試妝...因為皮膚乾唔上粉...隔左幾日佢就送左樽補濕 Mask 比我...不過我很懶...直至到而家...我都只係用左四次左右@@~~ 其實係幾好用的...只係我實在太懶了...白費了姊妹A的心意......
之後...為左 set 頭好睇d...所以去左電髮...姊妹A過左幾日又送左支 Gel 比我...其實收到真係好開心...因為正在頭痛搵咩黎搞個頭而又唔痴立立...呢隻 gel 確係惦架!!
到左我生日時...姊妹A更連同男友裙送左 set 好名貴既補品比我...佢叫我大日子前日日用幾個星期...不過可能我虛不受補...我係好乖咁用晒...但係都無乜大改善...同埋我覺得幾油下@@~~ 不過...我塊面除左係乾d之外...其實都無乜大問題...所以覺得有點浪費左呢set野...後黎知道幾錢...真的太貴了!!!
而當我去agnis b.訂花球時...男友裙仲叫姊妹A送比我...當然我拒絕...因為無理由要佢地買比我的!!
佢對我既心意...除左係物質上...平時佢真係幫我好多好多忙...佢真係對我實在好好好好好...響婚禮上面...佢係咁多個姊妹之中幫我最多既其中一個...係我真係感受到的好!! 其實認識到佢...真係我的一種福氣......
***
姊妹Y送給我的就是晚宴的 TABLE CARDS 以及代我地拎去整既一系列的DIY...佢全部都無收我地 $$ ...所以我當呢份係佢送比我地既結婚禮物...HEEHEE~~~ 實在好鍾意...!!!
佢響我地婚禮既投入情度亦係咁多個姊姊中最投入的一個...當我興高采烈的同佢講番大日子當晚...佢會同我一齊興奮開心地嘰嘰呱呱...可能因為佢都有份參與...所以格外投入...近黎佢變得成熟左...我覺得佢更可愛了...哈哈哈~~~
***
呢幾份係姊妹S送給我的生日禮物加結婚禮物...份量相當多...^___^ 可能佢知道我呢世都對個 b 字走唔甩...所以揀左條 B 字鍊給我...另外我係蝴蝶怪 (姊妹C係咁形容我!!)...佢真係知我心意呢...!! 呢份係我第一份收到的結婚禮物呢~~!!
***
同事J送左一條自己整既鍊同埋耳環比我...條鍊係水晶黎架...好閃的!!
***
同事M的囡囡送左個自己整既音樂盒比我地...好珍貴架...有錢都買唔到呢...仲祝我地早生貴子...HAHA~~ 佢睇左馬仔本低能婚禮...婚宴當晚...佢問我條裙係咪會變魔術...HAHA~~
呢份禮物令我好意外同埋真係好感動~~!!
***
個 Precious Moments相架係同事P送的...佢當晚無黎飲...因為整傷了腳...其實佢已經托人拎左份人情黎...不過佢又叫太太揀份禮物比我地...因為覺得黎唔到飲唔好意思...傻啦...我地點會介意呢...佢有心我地係明架喇!! ^^
爸爸的朋友送給我們的結婚公仔...都幾得意...哈~~ D表情好搞鬼...!!
另外...阿B的朋友錢錢...送左個Pooh Pooh相架比我地...仲要係bb相架黎...@@~~ 丫...其實我地都可以結婚後每個月影張合照整上去都得架喎!!
***
同事送的 guests book ...不過我地已經有塊簽名布...所以當日無用到...其實我想用呢本多d...因為襯番我地既主題嘛...又可以間中拎出黎望下喎!! 而家仲諗緊有咩第二個用途......
***
親戚送的公仔擺設...呢個牌子好貴呢...不過我好驚呢類擺設...靚係好靚...但係好易整爛...特別係我呢d手臭既人...好容易整爛野...所以拎左出黎影完相就立即入番個盒度...
***
再黎又係呢個牌子既擺設...oh oh oh~~~ 好事成雙!! 呢盒係兄弟A專登訂黎送比我地呢...其實我只係想收到佢既心意就夠了...^____^ 佢仲知我論盡又懶...仲買埋個盒比我地呢...但係我真係好驚整爛...影完相又係立即還原入番盒...@@~~
阿細小姐又走黎八八...佢真係好鍾意阻頭阻勢...!! 成隻偵緝犬咁...!!!
***
大日子收到既人情...內涵份量十足...heehee~~ 好多裡面除左 $$ 之外...仲加上祝福既說話...禮金封各式各樣種類都有...有位同事仲叫佢囡囡寫左張咭比我地...睇到朋友對我們的祝福...真係好開心...所以我唔捨得扔左佢地...我會將佢地收藏呢...呢個係我地既回憶黎...!! 至於 d 錢嘛...都只可以係回憶黎lu...因為已經洗晒 lu...哈哈哈~~~
其中有張咭係至難忘...因為寫咭o個位姐姐仔...佢話因時間關係未寫完張咭...問我地可唔可以遲d比番佢寫過@@~~~ !! 但係到而家佢都未問我地拎番黎寫啵!!
有位同事...去完旅行將d手信 (筆 & mask) 放埋入份人情度...坐在receiption的姊妹W一收到就問呢位賓客 : "你唔係換晒D十蚊紙入去嘛...?! " 問得咁直接...真係比佢笑死...!! 之後佢仲猛研究份人情究竟點解咁軟綿綿...細佬的GF叫佢拆黎睇咪知囉...好彩佢無咁做...哈哈~~
沒有留言:
張貼留言