食食食...我死梗喇!!

近來因為天氣凍...所以胃口大開...仲係咁食朱古力...我覺得已經重左喇~~ 我今次死梗架喇!!

係咁食食食...不過真係忍唔到口呢...!!  ^^"

***

上星期六...晨早過中環打第二針...好痛呢~~ 成日隻手都痺左...!!  下一針要四個月後先打了...!! 

很鄉里...第一次搭呢部長電梯...@@"

打完針後...都係十一點幾...響中環好多 bank 既門口都見到好多雷曼苦主...打籮打鼓叫口號...um...好吵呢~~有個阿嬸仲係咁捉住個阿sir黎申...madam 聽到在苦笑...現今呢個社會...我已唔識分邊d係啱係錯的了...

搭巴士途經維園...呃...有工展會...都未去過添...有一剎那既衝動即刻落車去行下...不過夜晚又要上大陸又唔買得野...所以都係算了...

終於我地決定返大埔兩條友唱K...太耐無唱啦...所有新歌都唔識...@@~ 係聽都未聽過...很鄉里咁...

唱到四點左右...就上大陸食團年飯...可能今年真係好年的關係...食開o個間酒店今日有兩家人擺喜酒...所以我地要去第度搵食了...

今次又食辣既...近來太熱氣喇...頭頂都出暗瘡呢~~@@"

***

上星期去東海台買麵包做早餐...一向呢間鋪用八達通唔係咁靈光...所以我通常都會拎出黎 "o郁"...點知今次整極都無反應...前又唔得反轉又唔得...正在煩躁呢間鋪應該整下架機...點知望真d...原來我拎左張2R相出黎 "o都" ...真係瘀爆...即刻換番張咭出黎 "o都"...都唔敢望其他排緊隊既人的反應...@@~~!!!   九秒九逃離現場呀!!!

我就係拎左呢張相出黎當八達通"o都"喇...仲比人笑我係咪想入 Dongwan's 數呀!!