明年會變成咩環境呢?!

呢幾日響公司同唔同既人傾開...公司近年都轉變幾大...其實個個而家都抱住做得幾耐得幾耐既心態...佢地成日話我部門就最安全...因為公司始終要有個會計部...而且我地又人少...點cut都未到我地...不過我又唔係咁諗...其實個個機會都係一致...

我相信要留得低...應該會係首先睇你部門仲有冇需要留低...有冇人可以取代...其次係睇下你平時做唔做得野...當然我響呢方面都算係有點把握.....

坦白講...好明顯公司而家好多人都少左野做...但我部門就多左好多野要計...特別係成本方面...

其實我都唔太擔心...可能我性格都係煮到黎就食...講真...呢間公司令人留戀既唔係有咩人情味...只有份糧係比較吸引...

每次公司有合照...搞 party 都會在想...下一次仲有冇咁多人呢?!   而家公司慢慢轉型...有很多較高職位的都要轉去國內做事...剩低我地呢d小薯仔...都唔會浪費$$叫你上去做...所以係時候都要諗下前途...

能再出去和別人爭一職位嗎?!  其實都幾難又幾懶...又唔太想再做會計...實在太沉悶又壓力大...

咁我究竟可以做得乜呢?!

睇番呢張合照...其實好多人已經唔係再好似以前咁日日都見到...起碼阿B而家都要一個星期上三日大陸呢~~

我都有發現而家公司無咁聯朋結黨...大概個個都在自保...唔搞咁多好過...都好既...樂得清靜...

明年...會唔會有大轉變呢??   似乎...要珍惜響公司既時間...