大日子的回顧篇: BIG PROJECTS ~ DIY ITEMS (by Jew)

總結之下...相比於阿B...因為我既能力所限...我既 DIY items 就比較少了...heehee~~~

(1) 親友及兄弟姊姊的襟花手花   (2) 親友及兄弟姊妹車的門花加工  (3) 絲花花球

(4) 賓客簽名筆    (5) 姊妹用剔名筆   (6) 欄門心心   (7) Welcome Stand

*** *** *** *** *** *** *** *** *** *** *** *** *** *** *** *** *** *** *** *** ***

姊妹手花~~ 除左有一個朝早甩左D花之外...其他都好似捱到夜晚都仲好地地...

姊妹們在夜晚仲戴得到...無乜大變型...HEEHEE~~~

兄弟o個d襟花雖然無乜變型...不過佢地班友仔好多都無開西裝袋...一係就無袋既...就算整左張咭紙比佢地都無用...又唔肯拮落d衫度...只係插左個袋既窿仔度...實跌啦~~~終於好多個都唔見左...!!  有d夜晚先知係我整既...後黎問我可唔可以整過比佢留念...我既答案係 : NO!!  ><"   邊有得take two??

你地睇...大部份都係無心肝的!! ><"  嗚嗚嗚~~~ 七個只剩三個.......

都係女仔好...全部都仲戴住...^____^ 嘩哈哈~~~

加左工既車門花...變得無咁單調... MC F 幾咁認真扮野!!  HAHA~~

原本係要黎拋既花球...最後取消了這環節...幸好下午外影時用得著...無浪費到我既心機...呵呵~~

Welcome stand 上的一對公仔...其實都係仔黎...只係將其中一個變了性...哈哈~~~睇得出嘛?!  原本要黎做簽名筆...不過最後唔忍心拮支筆入佢地 pat pat 度...heehee~~ 而家幾切合我地個 theme (大口仔)...

比姊妹用既剔名筆...最後全數失蹤...希望佢地會落到戶好人家...會好好愛護佢地啦...heehee~~~

賓客提名筆...八枝只剩四枝...後黎有人話其實佢想拎...不過唔敢拎...@@~~ 佢都幾老實...haha~~~ 其實拎走我仲開心...!!

*** *** *** *** *** *** *** *** *** *** *** *** *** *** *** *** *** *** *** *** ***

其實如果唔係自己懶散...做呢d手工野當 freelance 其實都幾好玩...有時唔係一定要賺錢...有人欣賞都幾開心架!!

*** *** *** *** *** *** *** *** *** *** *** *** *** *** *** *** *** *** *** *** ***

講真...去飲既人唔會好注重好多細節...只係注重幾時有得食幾時走得...d 細節既野都只會係新娘子留意到去執著到...一切既DIY其實都係自得其樂多...所以享受當中既製作過程才是最重要...如果當晚唔係MC講比大家知好多野係我地DIY...可能D人都會以為係比錢叫人做或者買番黎都唔定...邊有人理用咩筆簽過名...邊有人留意到兄弟胸口扣上DIY的襟花??  亦無人會留意到姊妹們戴在手既係你整既手花 (只係會留意邊個姊妹索d..哈哈~~)...係咪?!   雖然好多野其實做得唔算完美...而且錯漏百出...不過我係絕對享受呢個籌備過程以及晚宴過程...因為我身邊有他一直支持我的任何決定...體諒我的煩躁...時間我還嫌太短了太快過去了...不竟我地只係得八個月時間去準備...有時計算及比較得太多...反而會令自己失望和唔開心...不時在想要嬴人...但其實要嬴人就先要嬴自己...一切只係自己想多了...所以但求盡力過...得到稱讚就當意外收穫...我覺得咁樣反而開心好多...可能當晚見到太多好友黎支持...笑得太盡慶...其實我當晚笑得好樣衰...仲要比攝影師次次都捉到正...~___~"  遲D post 出黎比大家笑下...哈~~ 我覺得樣衰都算係一個美好回憶丫...夠真丫嘛!!

其實搞一個婚禮唔多唔少都會令人長大...係有得著的...身邊協助我地去籌備呢個婚禮既姊妹Y...佢都話有得著...學會一些實際及模擬既野...哈~~~ 原來都會令身邊既人都會一同長大... ^^

所以...各位姊妹...盡量放鬆心情去迎接你地既大日子啦!! ^_________^