係時候做番d似阿太既野...呵呵~~~

今日冬至...俗語有云 : 冬大過年!!  所以我思前想後...覺得係時候要做d似番阿太既野...話晒都係第一年用第二個身份做冬丫嘛!!

年年公司都會響冬至呢日提早放工...而今年阿B踫啱呢日上大廠返工...一於比個驚喜佢先得...!!

三點放工...不過我差唔多四點先走...之後去上水...點知響上水某個商場迷了小路...@@"  太耐無黎喇...D鋪頭都轉晒 lu...終於搞清左去街市條路...哈哈哈~~  無錯...!!  今日我係要去街市 shopping!!

阿B近日有意無意之間講過下想食餐住家飯...好啦~~~ 就當聖誕願望滿足下佢啦~~hohoho~~

其實我都未諗到整咩食架...去到街市...學阿so去到街市睇下咩新鮮就整咩啦...不過我忘記左我連咩新鮮都係一知半解添...heehee~~

本來想買絲瓜...因阿B超級鍾意食...不過行勻都只係見一檔有...好明顯唔係當造...街市超多人...成日比人撞...又驚比人跴到對鞋...~___~"...終於決定買湯料先...一於煲個潤d又清清地既番茄栗米甘筍馬蹄湯!!!!  買左d 批好既馬蹄...三個蕃茄 (原來買一個已經夠!!)...屋企有栗米唔駛買...三支甘筍...阿姐仲問我駛唔駛幫我批甘筍皮...唔通佢睇得出我少入廚?!  基於自尊心既問題...我好堅定咁對佢講: "唔駛~~!!  批皮我識!!"  諗諗下咁認真答佢真係顯得我唔識煮野@@!!!!!! 

巡勻成個街市...終於有所決定~~ 一於三餸一湯...無飯佢裝!!!

第一個餸 : 肉豆炒雞肶肉...呢個整過下...應該搞得惦...!!

第二個餸: 金菇肥牛卷...呢個賣相會好ok...應該靠得住...!!

第三個餸: 芽菜炒福麵...呢個阿B既家傳秘方...應該做得惦...!!

買齊晒所有料...重到嘔...先醒起屋企好似無福麵...所以走左去惠康一轉...多人到丫...無理由買一個福麵就排咁耐隊架嘛...所以我買左一袋五個裝既...!!  咁先排得有價值!!  HAHA~~ 為左呢包福麵排左三個幾字隊 ~____~"  因我跟著條茅利用成十幾張 coupon...又數散銀...又話要送貨...!!  呢樣o個樣...點知返到屋企仲發現...我地有幾包福麵存貨...哎呀!!

原來做現代師奶真係唔容易...起碼要擔得下野先得...!! 

返到屋企...阿細都覺得好奇怪咁...係咁 check 我買左 d 咩返黎...

是晚既材料晒冷~~~~ heehee~~

(1) 蕃茄馬蹄栗米甘筍湯...成本大概 : HK$40 (好似貴左D...@@~~)  最貴係d西施骨 (HK$17)...!!

係咁將D材料切切切...好快搞惦扔晒落煲由佢煲~~

(2) 肉豆炒雞肶肉...成本 HK$11

呢個用得至多時間...仲一路整一路胡思亂想...響度諗...原來美女廚房o個d姐姐仔真係唔易做...又要顧住個樣...又要整呢樣o個樣...仲要面對D奇怪材料...o個時真係唔應該笑咁大聲...哈哈~~

我要將兩隻雞肶起肉...拎住把菜刀...簡直好似搏鬥咁...後黎有人提我...應該用較剪...呃~~~ @@"  係啵!!

(3) 金菇肥牛卷...成本 HK$30...

呢個係咁卷卷卷...好快準備好~~

大概我少入廚房...連我隻狗仔都好似睇唔順眼咁...成日走黎望望貢...有時仲打側個頭仔望入黎...好奇怪咩?!  一陣食到你就知味道!!

其實我好忙...不過為左要紀錄呢個創造傳奇的一刻...所以我要影低晒所有既過程...HAHA~~ 我絕對唔係好 HEA 咁整呢餐冬至餐的!!!

***

整整下...阿B都返到黎喇...以佢既個性...一定叉隻手埋黎...大概...佢驚陣間無啖好食...所以佢幫我較好d調味料...間唔中郁下我隻鑊產heehee~~ 而阿胖郎之前仲提議我買樣燒味...佢話...起碼食得下喎!!!  ><"!!!

終於搞惦喇...不過因為實在太多芽菜...我根本唔夠力炒埋個福麵...所以呢d家傳既野都係留左比阿B搞惦...^^

登...登...登.......創造傳奇的一刻終於誕生喇~~~~ (可能阿B都覺得要影低呢個歷史性時刻...D 制成品係佢主動影的...哈哈~~ 唔通佢驚無下次!?)

個湯...漏左放墨棗...@@"  不過其他材料夠甜夠味 OK 啦~~~ 呵呵~~

唔好講笑...黎張全家福先!!  賣相得掛?!

阿B話味道得呀...仲話一於以後做節我煮喎...我話好呀...一年先得一次冬至...嘿嘿~~佢即刻怒啤我!!  呵呵~~

各位...有冇睇到流口水呢?!  HEEHEE~~^_______________^"