隨處影

阿B買左支新鏡頭...上星期六諗住響佐敦覆診之後...就搵處地方玩下影相...點知一時間又唔知去邊度影好...@@~~ 終於返左火炭洗車...響等待既期間...我地去左車房既後街...發現有條長樓梯...所以就響度玩影素顏look...認真無聊...!! heehee~~

影到無野好影...就影埋隻手...我地對幸福小玩意...阿B好堅持成日戴住無除...我就...返到屋企一定除...哈哈~~唔知係咪隻手指瘦左...我o個隻好鬆...fing大力d隻手就會fing左出黎...但係又唔想改...所以有時我會戴響中指...honeymoon上雪山時差d飛鬼左出黎...嚇屎我~~ 可能就係因為嚇一嚇...落山時出現高山反應...haha~~

之後去左馬鞍山搵兄弟G...點知阿G嫂成家又去左沙田一田掃貨...所以我地只有響附近既公園等佢地返屋企...繼續又影影影...

最後去左兄弟G屋企附近既馬路又影影影...直至天開始陰...@@~~

等到佢地返屋企...我地響度吹水...聽花女T同表妹唱歌...吹笛...朗誦...兩個o靚妹嘈到拆天@@~~~

花女T畫既狗仔...HAHA~~~ 原來狗仔係有眼睫毛的...!!  令我意想不到既係...我幾年前送左張細細's 相比佢...居然佢保留到而家...仲放左響佢銀包度...真係好開心...估唔到一張相佢都咁重視@@~~ 佢成日話佢儲左有九百幾蚊...仲拎佢個夾萬出黎証明...阿表妹又唔執輸拎埋一份出黎數錢...@@!!  我地叫佢地唔好周圍同人講...話自己得十六蚊好喇...!!

佢地養左隻狗仔曲奇好得意...三歲咋...又大隻...對腳好長的...估唔到彈跳力好勁...比佢嚇死@@~~

佢聽到佢既"媽咪"返黎...已經好興奮咁跳上梳化頂度 catwalk...之後佢"媽咪"將近到門口時...佢仲 high 到跳到去門鎖位...真係大開眼界...個個O晒咀呀!!

好似想自己開門咁...真係驚人呀!!

我地拎左幾支紅酒...同埋一D響荷蘭買番黎既屈金香種子送比兄弟G...阿G嫂好搞笑...送番袋日本蕃薯比我地o也...

以物易物換番黎既蕃薯...好好味架...仲可以連皮食添!!   不過好貴下...原價要廿幾蚊一小袋...家下減價都要成十幾蚊...好細條架咋...一袋八條咁上下...我個口咁大...咬兩野就食完一條喇!!

下次去佢屋企換D咩返黎好呢?!  HEEHEE~~  我仲有兩隻 chocolate 既猿人杯...唔知可以換幾多零食返黎呢?!  哈哈~~