好朋友聚會

今晚約左班好友聚會...補祝十月及十一月生日的朋友仔生日...本來話去唱K...不過其中中一個壽星話想食飯傾計...其實我都贊成食飯傾計多過唱K...一黎大家咁難得出黎聚下...坐埋一齊講笑傾計仲開心...二黎而家去到都唔識唱D歌...唔通唱黎唱去都係舊歌咩...唱o個個悶聽o個個更悶...

終於決定去油麻地唔知邊度食...今晚先知...總之響佐敦地鐵站集合先啦~~

每次都好期待大家的聚會...其實要keep住一班人咁多年都仲有心出黎聚既...真係好難得...有時人同人相處...唔係你想就得...亦要對方都想...呢d友情響出黎做野既社會就真係好難搵到...特別係女仔之間既相處...我覺得有時好多野係共平既...唔好下下比面色人睇囉...你有脾氣...其實我都會有...係咪一定要別人遷就自己既脾氣呢?!  一個人既性格好壞其實睇佢點對朋友點對屋企人就知...一唔鍾意就對朋友黑面...呢d人好自私自利...只係會利用人地既心軟...一d都唔尊重朋友...心目中只有自己...

幸好...我身邊只有少部份呢類人...以前呢類人會影響我既心情...而家...我覺得我已放輕了不少...因為再投放精神去經營呢類"友情"...著實真的很累很累...甚至吃力不討好...

所以每次有好朋友聚會...都會好期待...因為佢地先係值得細心去栽培既友情...我鍾意細水長流既友誼...可以分享喜悅...可以分擔困難...可以一起哭一起笑...我覺得朋友應該係咁...而唔係一味你有難時就搵人...當人係水泡係發洩工具...當開心時就忘記對方...

不過...有時都覺得...做人係咪都應該有時戴下假面具...講下d 唔係內心既說話會好d呢...

婚禮過後...我覺得姊妹Y成熟了不少...可能佢經歷了我那次最糟透的姊妹 gathering...學懂關心別人的感受...其實那次真係好唔開心...仲喊到死死下...不過過後...同姊妹W其實已經當沒事發生過...當日佢好落力去幫我呢...呢個係當然既...因為我地係中學同學...識左咁多年...吵鬧發洩過後就算了...因為始終都係似小孩子鬥氣般...其實都無乜影響我地既友情...而且我地兩個都係d大情大性既人...冷靜過後發洩左就無野...響呢次事件上...其實我應該感激有呢次考驗...令我睇清邊D先係我既好姊妹...邊D係想睇戲既姊妹...邊個心地好...邊個不安好心...所以我都同意好多bloggers講...搞婚禮真係睇清好多人既真性情...當然亦會相對地看清新娘的真性情...

我很期待今晚的約會......因為呢班人識了將近十年了...今晚...我希望柴九可以拎到視帝...因為我實在太鍾意佢o個句: 人生有幾多個十年......